Azaya 9:6 - Yálá laawoo hɛɓɛ (dc)

⁶ Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Yálá laawoo hɛɓɛ

⁶ Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Bible

⁶ Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Azaya 9:6 ပူးပေါင်းရင်းမြစ်များ

Samia Veerɛi 7:13

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Tɔɔɓɛlaa dɔlɔɔ 10:9

Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Tɔɔɓɛlaa dɔlɔɔ 2:33

Nuąi tii haa, di wulu ə lɛɛ Ɉoabə nwuɔ̨, da ɉuwuhu nuą kəlee; kpɛɛ hvo kɛ mą. Yii ɓaa Davidə da ɉuwuhu nuą, ɲəi bɛlɛ́n nuą ə mą kɛ dɔɔ kpəlin, Yai-Laa ə ɲɛ̨i lɛlɛɛ hee diɛ kpɛɛ hvo kɛ mą.»

Tɔɔɓɛlaa dɔlɔɔ 2:45

Kɛlaa tɔɔmun Salomɔn da Davidə nwɔ tɔɔkpəlin, lúwɔ́ a kɛ diɛ, ɲee kɔ̨nwɔ̨n ɉu a ɓɛlɛ a yələ kəlee Yai-Laa ɲɛ̨i ɓa.»

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Mąątɛ̨nɛ̨ 45:3

Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

Mąątɛ̨nɛ̨ 45:6

Yɛ́ tɔ́nwą kpɛlɛmąą ɲąąkulaaɠaai da nuą mąąɲɔw. Lɔiɠaa kaa pai tooi ə́ kɔwɔ mu, yɛ tɔɔmun ɲowoɠaa pɔla di kəŋə hu.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Mąątɛ̨nɛ̨ 50:1

Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Mąątɛ̨nɛ̨ 72:17

Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Mąątɛ̨nɛ̨ 72:3

Tələnmolaa haalai, yee kpɛa kpɛaa da yee kpu kpuɠaa, di pa a nwunnąnɛ̨ɛ̨, nɔi lonnii pɔ.

Mąątɛ̨nɛ̨ 72:7

Nwɔ tɔɔlaa lɔwai, Tələnmolon ə kɛ ɲąąnɛ̨ɛ̨ hu, yii kpɔ ɲąnin gaa ni hvələi, nwun na nɛ̨ɛ̨ ə kɛ nɔi!

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Mąątɛ̨nɛ̨ 89:5

Gáá ə́ huwula heei a yələ kəlee mɛ̨nį, ŋą́ dɔɔhvili kɛ a ə́ wɔɔ a kwɛlan gəlee mɛ̨nį.

Hanwon 8:23

Ɲą́ą́ ɓə ə gbɛa ɉéé hɛn gəlee nwun na, ŋį́ gbɛa kɛ laa, gɛɛ hvo yɛnɛ̨ɛ̨ pɛli.

Azaya 10:21

Nu kpulu wolo kaa pai pənəi ə pa, Ɉakɔbə nwɔ nu kpəlii pai lɛɛi, da pənə di pa Huwal-awla Yálá pɔ.

Azaya 11:5

Tələnmolaa da tɛ̨ą, diɛ ɓə pai kɛi a, ɉąą yili hɛn.

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Azaya 26:12

Yai-Laa! Yáá ku kɔ́ a liilaa yɛnɛ̨ɛ̨, mɛ̨nįi lɔpee ku kaa gɛi, Yɛ́ lɔ ɓə gɛi kuɔ.

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 28:29

Mɛ̨nįɠaai tii kəlee di həɠə Yai-Laa Mɛ̨nį Kəlee ŋą Hééɓomun pɔ, yai gaa a liɛwoo kɛmunn nɛlɛɛ, mɛ̨nį kəlee kɛ kpaɠala ə ɓo mą.

Azaya 32:1

A kɛ tii tɔɔmun gaa pai kɛi dɔɔlaa kɛi a tələnmolaa, nɔi ɲɛ̨i tɔwɔ nuą diɛ nɔi ɲąąwooɓo a tɛ̨ą pələ.

Azaya 37:32

Mąąhɔlɔɓo, nu kpəli kaa pai hɔlɔɓoi Ɉerusalɛmə, nuą kaa pai kulɔi Siɔn yee nwuɔ̨. Mɛ̨nį Kəlee ŋą Hééɓomun Yai-Laa nwɔ wɛlikɛmąąlaa ɓə pai mɛ̨nįi tii kɛi.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 53:5

Ya pa di mɔ a gu wɔ kulɔ nwoo mu laa laa pɔɔ, di giin gu wɔ kwɛlitee laa mąą mɛ̨nį ɓa, gɛlɛɓoi mąąnɛ̨ɛ̨ kɛ ə liilaa tɛɛ gu pɔ, ya ɓə ə həli mą, ɛlɛɛ vaɠa palaɠaai tii ɓə kɛ a gu kɔ́lɔi pɔ̨nɔ̨ hɛn.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Azaya 8:18

Ɲą́ą́ kwa nónnii Yai-Laa ə di tɛɛ bɔ́, kuɔ ka; ku kaa a mɛ̨nįi pai kɛi Israɛlə lɔi hu, kɔ́lɔn ɉɛnŋąą, da dɔwɔ wɛlɛɛ, yai həɠə Yai-Laa Mɛ̨nį Kəlee ŋą Hééɓomun pɔ, a yai heeni Siɔn yee nwuɔ̨.

Ɉeremi 31:22

Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Maafîu 1:1

Jesus Kristə galapɔlɔni laa ka, ə gɔwɔ tɔɔ Abrahamə ɓa, ə həli la tɔɔmun Davidə ɓa:

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 2:11

Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 15:25

Mąąhɔlɔɓo, hvo kɛli ə hééɓolaa kɛ, ə lɛɛ ɉu, ə ɲowoɠaa kəlee too gɔ́wɔ mu.

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Hebreu 1:8

Kɛlaa, yii ɓaa a Non nwɛi, Yaa kpinįi ə mo, yɛ: «Ə́ wɔɔ tɔɔkpəlin, oo Yálá, gaa lɔ heeni ɉeei a yələ kəlee mɛ̨nį, ɛlɛɛ, tələnmolaa ɓə ya ə́ wɔ tɔɔlai kɛ ɉu.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

Nwun mąąɓo 13:18

Yai-Laa nwɔ malaka ə pənə, yɛ mą: «Lə mɛ̨nį ɓa ə́ kaa bɔ ə́ naa kɔ́lɔn? Náá kaa a kwəi pili mąą.»