Azaya 9:19 - Yálá laawoo hɛɓɛ (dc)

¹⁹ Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Yálá laawoo hɛɓɛ

¹⁹ Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Bible

¹⁹ Ŋ̀wála-wâla kélee Yâwɛɛ ŋɔlii ŋwânai a Eezuɛ-ƃelai kêreŋ yɛ̂ɛ ŋɔŋ. Ǹûai da kɛ̂ a ŋɔlii ŋwâna ŋɔŋ ŋá-tɛ sãa. Nyíŋi a gɛ́ núu da fé ŋɔ́nɔ kpáaŋ ní m̀arâŋ-nuu mɛni ma.

Azaya 9:19 ပူးပေါင်းရင်းမြစ်များ

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 13:13

Gáá pai yələkɔlɔn ɉiɠi-hiɠi ɓoi, lɔi yɛ kpɛlin ɉeei, Yai-Laa Mɛ̨nį Kəlee ŋą Hééɓomun ɲɛ̨i tɔwɔ, a ɲələi nwɔ liiholii kaa pai muhəɠəi la.

Azaya 13:18

Di kaa pai kɛi ɓɔi ɉilɛlɛa hu a di wɔ kilɛnŋąąi, di hvo pai nɛ̨ąą kwəi lon da mąąhvaalɛɛi, di ɲɛ̨iyá hvo di hu, di hvo lɛapɛlɛɛ mąąwɛli kaa la.

Azaya 13:9

Yai-Laa nwɔ hvólói ka pai, a liiholi kɛnɛ̨ da lii kələn gwəi, nu mąąhvaalɛɛ mɛ̨nį hvo ɉu, yɛ nɛ̨ŋɛ̨n ɉəɠə nuą ɲąąyíi, nɔi yɛ lɛɛ a mąąwɛli lɔi.

Azaya 24:6

Yili ɓə gɛi nɛ̨ŋɛ̨nnaa yɛ nɔi kala, nuąi nɔi mɛ̨i, diɛ ɓə ɉu mɔ̨nɔ̨ mįi. Yili ɓə gɛi yɛnɛ̨ɛ̨ nuą diɛ kələn, daa lɛɛ lɔ kɛa ɠɛlɛɛ-ɠɛlɛɛ.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 3:5

Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Azaya 33:14

Nɛ̨ŋɛ̨n ɉəɠə nuą kwəi aa pili diɛ Siɔn daai, mɛ̨nį ɲɔ̨n gɛ nuą mąą kaa kpɛlin ɉii, ku nɛlɛ ɓə pai lɛɛi tɔɔni gɛɛ kala nwɔ̨n ŋɛ̨i kwɛlɛ? Ku nɛlɛ ɓə pai lɛɛi tɔɔni? Gaa a kpaɠa nwɔ̨n hva liin.

Azaya 4:4

Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Azaya 60:2

Ɓɛ kaa li, kpinį aa pɛlɛ lɔi mɛ̨i, nąnąąn aa taaɠaa mɛ̨i kpinį. Kɛlaa, ə́ wɛi, Yai-Laa kaa pai pai ə́ pɔ, diɛ nwɔ mąąwiɛ kaa ə́ mɛ̨i.

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Izikiɛ 9:5

Yili pulu, ŋą́ nwoo mɛ̨n; yɛ kɛ nuą yiiɠaai ti diɛ: «'Ka hvilɛn daa pɔ, nui ɲɛ̨i pulu; ɛlɛɛ, ka paa ɓo kɛ; ka hvo nu ɲɛ̨́i mąąwɛli kaa, ka hvo nu mąą hvaa lɛɛ.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Zooɛ 2:3

Di kaa yɛ tíi kələn nwɔ̨n, diɛ kɛɛ kələn di tɔwɔ, di pulu yɛ lɛɛ a gbalan. Gɛɛ di hvo pa, nɔi ə kɛ yɛ Yálá-taa lon ma. Lɔi kpoloon mə da nɛɛ di pulu. Hɛn nɔpee ta hva kulɔ a di yee wolo.

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Amɔsə 5:18

Nuąi diɛ di kaa heei di Yai-Laa nwɔ mɛ̨nį kɛ hvólói mąąkpɔn, kpalo ɓɛlaai diɛ. Yai-Laa nwɔ hvólói tii, lə ɓə gaa pai pai la ka pɔ? Volói tii hvo a kɛɛ pɔ̨nɔ̨ hvóló, gaa a kpinį hvóló.

Abdiasə 1:18

Ɉakɔbə nwɔ pɛlɛ́i kaa pai kɛi yɛ nwɔ̨n. Ɉosɛfə nwɔ pɛlɛ́i kaa pai kɛi yɛ nwɔ̨n nən, di kaa pai Esau huwu kəlee kələn ɉii, yɛ pələi nwɔ̨n a kɛɛ kpalaa kələn na. Dɔ̨nɔ̨ kpɛli hva lɛɛ yɛnɛ̨ɛ̨. Ɲą́ą́ Yai-Laa, Nwóó li.

Mise 7:2

Kulɔ nwooɓamun aa kpɛɛ nɔi hu, tələnmomun və kɛa nuą lɔwai; di kəlee daa hɛlɛn dɛ ɲąmą pu mɛ̨nį ɓa, nu kəlee yɛ ɓaalə tɛ gaayɔwɔ tɔwɔ.

Mise 7:6

Mąąhɔlɔɓo, lon ɉulɔnu a nąn gaa yɛ ɓowomun, lon nɛ̨ɛ̨nu yɛ tɔɔ nee la. Lon nɛ̨ą yɛ tɔɔ ɉilɛ lee la, nu ɲowo ə ɓo gɔwɔ ɓaa mɛ̨i.

Zakari 11:6

A tɛ̨ą, vá kɛa yɛnɛ̨ɛ̨ nuą ɲɛ̨imąąwɛli kaa, Yai-Laa woo li. Yɛ diɛ: gáá pai nu tɛi tɛi tooi mɛlan ɲee ŋą, da nwɔ tɔɔmun ɲee ŋą. Tɔɔɓɛlaa kaa pai tooi lɔi mɛ̨i, kɛlaa, və́ pai nuą kulɔi di yei.»

Zakari 11:9

Ya ɓə ŋį́ kɛ diɛ: «Vá kɛa li a kaa kala tiliin ɉu. Yii yɛ ə haa, ə haa, yii yɛ ə pili, ə pili, yiiɠaai da lɛɛ, di di keeni mįi.»

Maafîu 27:45

Ə kɛ a hvóló tɛɛ nwun mą lɔwai, kpinį ə pɛlɛ lɔi mɛ̨i nąą kəlee ə lɛɛ ɉu, hvóló ə gɔwɔ kulɔ mu.

Gɛlaɠaa 2:20

Hvóló hu a kpinį, ŋąnin ə kpɔlu yɛ ɲąmą, yili a gbɛa kɛ, Ną́mu nwɔ hvóló mąąwiaa kɛnɛ̨i hvo tɛɠa pa.

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.