Azaya 9:15 - Yálá laawoo hɛɓɛ (dc)

¹⁵ Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Yálá laawoo hɛɓɛ

¹⁵ Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Bible

¹⁵ Díŋuŋ ƃa ǹúu pɔ̂lɔ-ŋai da diai nûa da ƃâa kɛ́-maa tɛ̂ɛ dípɔ dílɔii sui, díwoŋ ƃa ǹɛ́ɛ ɣâla-woo ƃó-ƃelai,

Azaya 9:15 ပူးပေါင်းရင်းမြစ်များ

Tɔɔɓɛlaa dɔlɔɔ 13:18

Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Zôo 22:8

Lɔi a kɛ yee wala wala mun ɲəi, kpɔɔ ɲąą kɛnɛ̨ nuą diɛ hee ɉu.

Azaya 19:15

Nu ta hva kɛa kpaan baa Eziptə ɓa, yɛ ə kɛ a nwun galin, yɛ ə kɛ a nwon, yɛi kɛ a kələ laa, yɛi kɛ a dɛ̨ɛ̨.

Azaya 23:9

Yai-Laa Mɛ̨nį Kəlee ŋą Hééɓomun ɓə, yili mąą kili tee gwəi, ɉɛnŋąąi diɛi tii da di mąąwiɛ, yɛ di wɔ kpɔwɔ ɲąą kɛnɛ̨ ɲɛ̨i paa yɛ ɓɛlɛkpɛɛ lɔi mɛ̨i nu kpɛa-kpɛaɠaa diɛ.

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Azaya 3:12

Éé kə́! Nwɔ́ nu huwui! Nwɔ́ nu huwui laanɔ̨nwɔ̨ ɓomun gaa a tunun, nɛ̨ąą ɓə mun nɔi ɲąąwoo kaa di la; Éé kə́! Nwɔ́ nu huwui! Nuąi ka ɲɛ̨́i tɔwɔ di kaa ka lan ɉi, di kaa pələ lɛi kaa a viənŋąą.

Azaya 3:5

Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Azaya 43:27

Ə́ nąn dɔlɔɔ tɔlɔɔ ə ɉɔn gɛ, ə́ woo laa tɛɛ nuą di di kwɛli tee ɲə́i.

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Azaya 59:3

Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 23:9

Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Osia 9:8

Ɛfraimə mąąkpɛmun, da nwɔ́ Yálái ɓə, Yálá kwəi mɛ̨nį hu kulɔmun mə, daa ɓaalə tɛ dɔwɔ, pələ kəlee hu, wɛlikpɛɛ mąą kaa nwɔ Yálái yəi bɛlɛ́n.

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Malasi 2:9

Yili ɓa, ɲą́ą́ gbɛli, gáá Israɛlə nuą lii muhəɠə, ə gɛ, di ka ɓɛlɛkpɛɛ kaa, di ɓáá kulɔ káá, di ka hviiɓo. Mąąhɔlɔɓo, ka hvo nííɓa pɔ, ɛlɛɛ, káá mɛ̨nį hutɔɔ a ɲɛ̨ikɔlɔn.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Samuɛlə dɔlɔɔ 9:6

Yili yɛ Saulə ɓa: «Kɛlɛi Yálá nwɔ nu ta kaa daa ŋɛ̨i hu-ee! Ɉulɔnui tii laa tɛɛi, yii a mo, a kɛ, hva ɉəɠə mą. Gwə li laa, gaa kiɛ pai gu tənən dɔɔi ɉiɛi ŋɛ̨i gu gulɔ mąą mɛ̨nį hu.»