Azaya 9:13 - Yálá laawoo hɛɓɛ (dc)

¹³ Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Yálá laawoo hɛɓɛ

¹³ Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Bible

¹³ Eezuɛ-ƃelai dífe dílii pene ní berei máŋ Yâwɛɛ è dí kula-maa kɛ̂ lai. Dífe niî tínaŋ ní bɔ́-naa pere.

Azaya 9:13 ပူးပေါင်းရင်းမြစ်များ

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Zôo 36:13

Nɛ̨ŋɛ̨n ɉəɠə nuąi da kanąn líiholi ɓa, di hva di woo laa, ɓɛlɔwai da kɛ la yɔwɔn ŋą.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Azaya 19:15

Nu ta hva kɛa kpaan baa Eziptə ɓa, yɛ ə kɛ a nwun galin, yɛ ə kɛ a nwon, yɛi kɛ a kələ laa, yɛi kɛ a dɛ̨ɛ̨.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Azaya 7:20

Mąą yələ, Ną́mu kaa pai Asiri tɔɔmun ɉu hvɛli ɲa pulu pələ da nwɔɔ kpəŋąi, ə nuą nwun bu, ə di kpɛlɛ pu, ə mą kɛ, di ləɠa.

Ɉeremi 15:7

Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Ɉeremi 29:11

Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Izikiɛ 22:24

«Hulɔnu lon, 'mo Ɉerusalɛmə ɓa yɛ́ mą; gaa a lɔi mąą hvo həɠə li, tulɔ hvo pu li mą a liiholi yələ.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Danîa 9:13

Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Osia 7:10

Israɛlə nwɔ kpɔwɔ ɲąąkɛnɛ̨ ɓə giti kala mą, Kɛlaa, di hvo pənəi di hvo pa Yai-Laa di wɔ Yálái pɔ pələ; mɛ̨nįɠaai tii di mą kɛ kɛi, di hvo di wɔ Yálái kwɛlii.

Osia 7:16

Da tinɛ̨n, di hvo pai tɛi yələi pələ, di kaa yɛ kilɛn daa ɉu yali, kɔ́ kɔ́ ɓɔwa kaa pai di ɲɛ̨itɔwɔ nuą tooi, di woo ɲɔ̨nwɔ̨ bələ di la; di kaa pai yɛ́lɛ́i diɛ Eziptə lɔi hu.

Amɔsə 4:10

Ną́mu Yai-Laa yɛ nwɔ̨nɔ̨ diɛ: Gwəikulɔ ɲɔ̨n ŋɛ̨i ta ŋį́ bɛlɛ Eziptə nuą diɛ, yili ɲɔ̨nwɔ ma mə ŋį́ hvaa mą, ə pɛlɛ kaa, ŋį́ hvaa mą, ka wɔ hilɛlɛaɠaa di lɛɛ kɔ́ hu, di ka wɔ hooɠaa həɠə a kɔ́ pulu hɛn. Nu powa kun yɛ tɛ ɓɛi ka wɔ kɔlaɠaɠaai di kɛ laa. Kɛlaa, pələi mąn ŋį́ gɛ́ la tii, ka hvo gɛ li, ka hvo pənə, ka hvo pa bɔ́. Yai-Laa woo li.

Amɔsə 4:6

Ną́mu Yai-Laa yɛ nwɔ̨nɔ̨ diɛ: Bələi mąn ŋį́ pulu too la ka wɔ taaleeɠaai hu, kɔ̨nɔ̨n golo ə too ka yəi bɛlɛnŋąą, pələi mąn ŋį́ gɛ la tii, ka ta hvo giliŋąhiɛ, hvo pənə hvo pa bɔ́.

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Dutɛrɔnome 4:29

Nąąlɔwai, ka káá pai Yai-Laa ka wɔ Yálái kwɛlii nɔiɠaa tii hu, akɛ, ka gwɛli a ka lii kəlee, a kwəi tɔ̨nɔ̨ laa, ka gaa.