Azaya 8:22 - Yálá laawoo hɛɓɛ (dc)

²² Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Yálá laawoo hɛɓɛ

²² Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Bible

²² Da pâi díŋɛi pîlanii ǹɔii ma. Dífe pâi sɛŋ da kpɛ́ni kâai naa fɛ̂ɛ nɔ́ mɛni kpɔ̂lu, lii too pôlu, da kpíni su pîlaŋɔɔ nyii díkaa liî zu a diai.

Azaya 8:22 ပူးပေါင်းရင်းမြစ်များ

Zôo 18:18

Da gulɔ kɛɛ pɔ̨nɔ̨ hu, diɛ bili kpinį hu, naa ə kpɛɛ yɛnɛ̨ɛ̨.

Lɛɛ gbɔwɔ ɓa 10:21

Yai-Laa yɛ Moisə ɓa: «'Ə́ yee tɛ ɲələi! Kpini ə pɛlɛ Eziptə lɔi mɛ̨i, nuą diɛ di yee pɛlɛ ɓɛ-ɓɛ.»

Lɛɛ gbɔwɔ ɓa 10:22

Moisə ə ɲee tɛ ɲələi, kpinį ə pɛlɛ Eziptə lɔi nąą kəlee, ə kɛ a hvóló haaɓa.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Azaya 30:6

Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Azaya 50:11

Kɛlaa, kaa kpɔ ɲɛ̨i nwɔ̨n doo, ka ɓo gwɛlɛ, kaa ɲąą tɛɛ. 'Ka li, ka wɔ nwɔ̨n gbɔlu yɛhɛ yɛhɛi tii hu, gwɛi kpuoɠaai ka ɉee gee ɓa, 'ka li di hɛ̨ąi. Ɲéé ɓə pai mɛ̨nįi tii laai kaa: Ka káá pai haai mɔ̨nɔ̨ hu!

Azaya 50:3

Ŋą́ həɠə tɛɠiɛ too yələ kɔ́lɔn gwąną, gɛ́ mɔnɔ̨ kɛ a ɲii həɠə.

Azaya 59:9

Yili mąą mɛ̨nį ɓa, kiti mąą kwɛa ɓə kuɔ, ɛlɛɛ təlinmolaa hva həli kuɔ. Ku ɲɛ̨i ə kɛ kɛɛ pɔ̨nɔ̨ tɔwɔ, kɛlaa kpinį ɓə pa, ku ɲɛ̨i ə kɛ hvóló tɔwɔ, kɛlaa, kpinį ɓə ku kaa hiɛi ɉu.

Azaya 60:2

Ɓɛ kaa li, kpinį aa pɛlɛ lɔi mɛ̨i, nąnąąn aa taaɠaa mɛ̨i kpinį. Kɛlaa, ə́ wɛi, Yai-Laa kaa pai pai ə́ pɔ, diɛ nwɔ mąąwiɛ kaa ə́ mɛ̨i.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Azaya 9:1

Nuąi kɛi hiɛi kpinį hu, daa kɛɛ pɔ̨nɔ̨ kɛnɛ̨ kaa; nuąi di wɔ lɔi kaa haa nįnįn mu, kɛɛ aa pɔ̨nɔ̨ di mɛ̨i.

Azaya 9:20

Manase a wolo Ɛfraimə ɓa, Ɛfraimə ə wolo Manase ɓa, ɉuwu hee hveelɛi tii da di muhəɠə di wolo Ɉuda ɓa, Kɛlaa ə mą kɛ tii, Yálá nwɔ liiɲąnwąną hvo pai kpɛla li bələi, gaa lɔ pai kɛi ni a ɲee haŋąą di pɔ, yɛ haŋą diɛ.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 23:12

Yai-Laa woo ka, yɛ diɛ: «Yili mąą mɛ̨nį ɓa, di kpaalə aa kɛ a niminin, diɛ lan kpinįi, diɛ too, gáá mɛ̨nį ɲąąnwąnąą laai diɛ, a gwɛlan mąąnɛ̨ɛ̨ di pa di woo hukulɔ la.»

Maafîu 22:13

«Tɔɔmun ə mo nwɔ tínuą diɛ, yɛ diɛ: ‹Ka nui ŋɛ̨i yee laa bulu, ka ɲili, ka gɔwɔ kwaną yili, ka bili ɲɛnɛ̨ɛ̨ gbinį hu ɓɛi wɔ́lɔ́ da ɲį́n ɲa mįi di kaa laa.›»

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Maafîu 8:12

Kɛlaa, kaa mun ŋɛ̨i a Ɉuifəɠaa, dɔɔlaa yɛ ɓo a ka wɔɔ, da ka kpɛ, di ka pili kpinį hu, ɓɛi wɔlɔ da ɲį́n ɲą mį́į́ di kaa laa.»

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

M̀ɛni-lɛɛi 16:10

Malaka nɔɔlinąą ə nwɛi hu ɓo ɉuwɔi tii ŋą tɔɔkpəlin ma. Nwɔ tɔɔlaai ə too kpinį hu. Nuą diɛ di laa kɔ́lɔ ɲiin a mɔ̨nɔ̨.