Azaya 8:17 - Yálá laawoo hɛɓɛ (dc)

¹⁷ Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Yálá laawoo hɛɓɛ

¹⁷ Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Bible

¹⁷ Yâwɛɛ a gbîŋ loo ŋɔnûai dîa, kɛ́lɛ ŋá kili tɔɔ-maai a pâi kɛ̂i nɔ́ m̀a.

Azaya 8:17 ပူးပေါင်းရင်းမြစ်များ

Zɛnɛse 49:18

Gílitɔɔi yɛ́ Yai-Laa málomun!

Zôo 13:24

Yá ə́ ɲɛ̨i loo mą́ą́ lə mɛ̨nį ɓa? Ɛlɛɛ, yɛ́ gáá a ə́ yowo.

Zôo 14:14

Kɛlaa, nu kan a haa, a pənə ə nwun? Nwɔ́ mɔ̨nɔ̨i hu, ŋą́ pɛli kɛ nąą mąąkpɔn ɉii, ə lɛɛ ɉu mą́ą́hvalin ɲələ ə həli.

Zôo 35:14

Kɛlaa, yá ə́ liikpələ, yɛ́ kɛ diɛ hva gaa, yɛ́ diɛ; yáá ə́ mąą mɛ̨nį kəlee hukulɔ mą, ə́ kaa kɛa nąą mąąkpɔn ɉii.

Mąątɛ̨nɛ̨ 130:5

Ɲɛ̨́i kaa Yai-Laa tɔwɔ, gáá mąą kpɔn ɉii kpɔ, a nwą́nąi, gílitɔɔi nwoo ɓa.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Mąątɛ̨nɛ̨ 33:20

Ku wɛi, ku ɲɛ̨i kaa Yai-Laa tɔwɔ, yai a ku mąąkpɔn mąąɓo, yɛ ku mąąkpɛ.

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Mąątɛ̨nɛ̨ 39:7

A tɛ̨ą, nu a kɛ lɔ lii, yɛ pa, kɛlaa, gaa lɔ yɛ nįnįn! A tɛ̨ą, gɛ mɛ̨nį kaa lɔ a hvąŋą! A hɛn gwɛli ə dɛ gee ɓa, nui pai dɔlɔ kulɔi, hvo gɔlɔn.

Mąątɛ̨nɛ̨ 40:1

Nwələ ɲɛ̨itɔwɔmun, Davidə nwɔ wələ.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 45:15

Kpɔ a tɛ̨ą leelee, ə́ kaa a Yálá loɔ, Israɛlə nwɔ Yálá, lɔ ɓə nu ɓalo!

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Azaya 59:2

Ka wɔ nɛ̨ŋɛ̨nŋaai ɓə, daa ka lɔwai laa, ka ka wɔ Yálá li; ka wɔ túwɔ́ pələɲɔ̨nŋaa ɓə, ɲɛ̨́i looii kaa kpɔ kwɛala, hva pɛli kɛa ka woo mɛ̨n ɉii.

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Osia 12:6

«Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Lukə 2:38

Volói ŋɛ̨i di kɛi Jesus laa həli la Yálá ɓa, Anə ə pa Yálá hee pɛlɛ́ mu a volói tii, ə lɛɠɛ di kwɛlɛ, yɛ Yálá hɛɠɛɛɓo nokoloi tii mąą mɛ̨nį ɓa. Ɛlɛɛ, nuą kpɔ kɛi Ɉerusalɛmə taa nwun mąąɓomun mąą kpɔn, Anə hvaŋą lɔɔi lɔ kɛ yɛ nokoloi tii mąą mɛ̨nį hukulɔ diɛ.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Dutɛrɔnome 32:20

Ə mo kɛa yɛ kɛ diɛ: «A yiiɠaai-yoo! Nu hva pɛli ə́ kilitɔɔi diɛ! Mąąwiɛ laa hvo di yəi! Gáá ɲɛ̨i lɛlɛɛ həɠəi diɛ, kɛlaa di wɔ yɛnɛ̨ɛ̨ kaa pai kɛi ləi tɔwɔ pələ?

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Tɛsalonikə veelɛ 3:5

Gu Ną́mu ə ka lii tənən dɔɔ Yálá nwɔ wɛlikɛmąąlaa ɓa, ɛlɛɛ, káá tɔɔ a ká nwąnąi Kristə mąą mɛ̨nį hu.

Hebreu 2:13

Ɛlɛɛ nwɔ̨nɔ̨ yɛ mą: «Ŋą́ gílitɔɔ kpɔ mą kɛnɛ̨.» Yɛ nwɔ̨nɔ̨ mą: «Ɛlɛɛ, Ɲą́ą́ ká, kwa nɛapɛlɛɛi Yálá, Ə́ di tɛɛ bɔ́.»

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.