Azaya 8:13 - Yálá laawoo hɛɓɛ (dc)

¹³ Mɛ̨nį Kəlee ŋą Hééɓomun Yai-Laa lɔ ɓə mąąnɛ̨ɛ̨ ka gaa a mąąhəɠɛɛ, ya ɓə mąąnɛ̨ɛ̨ ka mąąwiɛ, ya ɓə mąąnɛ̨ɛ̨ ka ɲɔw mą.

Yálá laawoo hɛɓɛ

¹³ Mɛ̨nį Kəlee ŋą Hééɓomun Yai-Laa lɔ ɓə mąąnɛ̨ɛ̨ ka gaa a mąąhəɠɛɛ, ya ɓə mąąnɛ̨ɛ̨ ka mąąwiɛ, ya ɓə mąąnɛ̨ɛ̨ ka ɲɔw mą.

Bible

¹³ Kɛ́lɛ ńyãai a Ŋ̀wála-wâla kélee Yâwɛɛi, ḿaa waâi, ńyãa ƃé í yao ḿâ, ḿaa mɛ̂ni ǹyao kɛ́ ƃò íkɔlɔ̂i.

Azaya 8:13 ပူးပေါင်းရင်းမြစ်များ

Zɛnɛse 31:53

Gɛ́ Abrahamə da Nahɔrə di wɔ Yálá ə kɛ a gu lɔwai mɛ̨nį hutɔɔ mun.» Nąąlɔwai, Ɉakɔbə ə gwɛla a Yálái ŋɛ̨i nąn Isaakə a ɲɔw mą, naa.

Mąątɛ̨nɛ̨ 76:7

Ɉakɔbə nwɔ Yálái, tómąi ə́ mo, gɔ́ kɔ́ wotolo mąn, ɉoo mąn, di kanąn, di tɔɔi.

Lɛɛ gbɔwɔ ɓa 20:20

Moisə yɛ diɛ: «Ka hvo ɲɔw, ka hu kɔ́ɔn mɛ̨nį ɓə Yálá ə paa la, ə gɛ, ka ɲɔw mą, ɛlɛɛ, ka hvo pa ləi nɛ̨ɲɛ̨n ɉəɠə.»

Azaya 29:23

Mąąhɔlɔɓo, yii ŋį́ gɛ diɛ, da gaa, nonnii kaa pai Náá mąąhəɠəi, di kaa pai Ɉakɔbə nwɔ Mąąhəɠəmun laa mąąhəɠəi; di kaa pai kpɛlin ɉii Israɛlə nwɔ Yálái lííla.

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Levetekɔ 10:3

Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.

Levetekɔ 22:32

Mąą hvo nɛ̨ɛ̨li, ka hvo náá mąąhəɠɛɛ ŋɛ̨i kala, ya ɓə a gɛ Israɛlə lonnii di mą́ą́həɠə mɛ̨nį kili kɔ́lɔn. Ɲą́ą́ ɓə gáá a Yai-Laa, yai a ka mąąhəɠə.

Malasi 2:5

Mįnɛ̨i tii gaa kwa diɛni ku lɔwai, mąą mɛ̨nį ɓa, ŋą́ yɛnɛ̨ɛ̨ kpɛɛ hvo mą da yeela hvólóon gɛ diɛ, ŋą́ mąąwiɛ too di hu, di nwóó hon, diɛ ɲɔw náá ɓa.

Lonon mo 27:14

Mąąhɔlɔɓo, Sin lɔi pun ɉu, ɓɛlɔwai Israɛlə nuą di hvaa pɛlɛ la mą́ą́, ka kulɔ nwóó mu, a ka tíi ŋį́ mo gɛ́ ka nwɔ́ mąąhəɠə laa lɛ nuą diɛ di gaa, a yá kulaa a kpalo mɛ̨nį.» Yili hvilɛn ŋąąi Meriba yá mɛ̨nį ɓa, yii kɛ Kadɛsə, Sin nɔi pun ɉu.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Lomaŋ 4:20

Mɛ̨nįi Yálá ə naakwɛlanmo Abrahamə ɓa, ɲįnɛ̨-ɲįnɛ̨n hvo kɛ nwɔ laa na laa hu, yaamun, nwɔ laa na laa ə vaŋąlɔ, yɛ Yálá tɛnɛ̨.

Dutɛrɔnome 14:23

Ɛlɛɛ kaa naa Yai-Laa ka wɔ Yálá lííla, ɓɛi gaa pai ɲeekpiɛ lɛi laa, naa ə ɓo laa. Nąą ɓə ka káá pai kɛi ka wɔ mɔ̨nun gɔn bow nąą, ka wɔ lɔɔ nįnɛ̨i nwɛi, da ka wɔ wulɔ nįnɛ̨i nwɛi, ka wɔ taatɛlɛɛɠaa lon dɔlɔɔɠaa mįi laa, bələ ɓə ka káá pai kɛi ɲɔwmąąlaa mąą kwɛlii la, yɛ hvilɛn na Yai-Laa ka wɔ Yálái ɓa a yələ kəlee.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

Samuɛlə dɔlɔɔ 11:7

Ə Nįŋɛ̨ hveelɛ həɠə, ə ɉu tee-tee, ə ɉuwɔ kpuwuluɠaa tɛɛ nwɛlɛɛ ɓo nuą pɔ, yiliɠaa də li la Israɛlə lɔi kəlee hu, ə nwooɠaa ŋɛ̨i laa mɛ̨i, yɛ diɛ: «Nui lɔpee hvo pai hvaai ma hvo lɛɛ Saulə da Samuɛlə di pɔ, di hvo li gɔ́ ɓa bələ ɓə da nwɔ nįŋɛ̨ɠaai kɛ la. Yai-Laa ə ɲɔw lɔ nɔi lonnii hu, di kəlee də li yɛ nu tɔ̨nɔ̨.»