Azaya 7:4 - Yálá laawoo hɛɓɛ (dc)

⁴ ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Yálá laawoo hɛɓɛ

⁴ ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Bible

⁴ Ka m̀ó m̀a a gɛɛ é ǹíi kpéle, é m̀ɛi káa. Vé yào a ŋ̀ánaa Gâloŋ Lesi da Gâloŋ Peka-ni díkɔi ma kpɛ́ni fêi díkaa nɔ́ yɛ̂ɛ ŋume-kpua feerɛ ƃé kérenîi.

Azaya 7:4 ပူးပေါင်းရင်းမြစ်များ

Tɔɔɓɛlaa veelɛ 15:27

Ɉuda tɔɔmun Azariasə nwɔ tɔɔlaa gwɛlan bow lɔɔli gɔw hveelɛɛ lɔwai ɓə, Remaliahu lon Peka ə kɛ la a tɔɔmun Israɛlə lɔi hu Samari daai. Ə kwɛlan bow hveelɛ kɛ dɔɔlaa hu.

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 30:15

Mąąhɔlɔɓo, mɛ̨nįi Yai-Laa ka wɔ Yálái, a Israɛlə nwɔ Mąąhəɠəmun ə mo ya ka: Ka ɓalo mɛ̨nį a kulɔ ka hɔn mąą pənə mɛ̨nį hu, kaa ka hvii tɔɔ, ka hvaŋą kaa liilaa hu, da kilitɔɔmąąlaa, Kɛlaa, ka hvo yili pɔ.

Azaya 30:7

Gbɔnmąąi Eziptə kaa pai dɛɛi di pɔ, a kɛ lɔ a hvaŋą da kpɛli kpɛli, yili mąą mɛ̨nį ɓə ŋį́ naa hee la a Rahavə; hee kpɛli.

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Azaya 37:6

Yili yɛ diɛ: «'Ka li kaa ka wɔ mɛ̨nį nąmu ɓa, Yai-Laa yɛ: hvo ɲɔw nwooɠaai tii ə́ mąn mąą mɛ̨nį ɓa, yai Asiri tɔɔmun ə nwɔ kɛlaɠaai tɔɔ la, diɛ pa mɛ́lɛ kpɛɛi la mą́ą́.»

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 7:1

Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Azaya 7:8

Mąąhɔlɔɓo, Aramə lɔi daa lee ɓaa Damasə, ɛlɛɛ, Resin nwɔ tɔɔlaa kɛi lɔ ɓaa Damasə daai; aa lɛɛ a kwɛlan bow mɛ̨ida kɔ́w lɔɔli, Ɛfraimə kaa pai woloi, nu huwu hvo kɛa pai kɛi laa.

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»

Azaya 8:4

mąąhɔlɔɓo, gɛɛ nolokolo hvo pɛli kɛi diɛ ‹ną́n› da ‹néé›, di kaa pai lii Asiri tɔɔmun níi la a Damasə hɛn gɔwɠaa da ɉɛnŋąąi di ɉɔlɔɓo kɔ́ hu Samari lɔi hu.»

Azaya 8:6

Yii nuąi ɲɛ̨́i kaa lənəi Siloe yai a tɛɛ ɲąą mą, ɛlɛɛ di kwəi nɛ̨́ɛ̨́ mɛ̨nį ə ɓo a Resin mɛ̨nį da Remaliahu lon mąą mɛ̨nį.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Zakari 3:2

Yai-Laa nwɔ malakai yɛ ɓilihi ɓa: «Yai-Laa ə nwumɛ̨ tɛ a yɛ́ ɓilihi; a tɛ̨ą, Yai-Laa ə ə́ laa kpulu, Ya ɓə Ɉerusalɛmə həɠə ɉu a nwɔɔ. Yii ɓaa a ɉulɔnui ŋɛ̨i nwɛi, hvo mɔ̨ɔ̨ yɛ kwɛi kpuwɔ kulaa nwɔ̨n ɲəi?»

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Maafîu 24:6

Ka káá pai kɛi kɔ́ kpɛa-kpɛaɠaa mąą pələ mɛ̨n ɉii ka kwɛlɛ ə mą kɛ kwɛaalaɠaa. Ka hvo ɲɔ̨w, mąąhɔlɔɓo, hvo kɛ li mɛ̨nįɠaa tii di kɛ. Kɛlaa, yili hva nii kpɛli kɛ a yɛnɛ̨ɛ̨ ɲąąkpɛɛi lɔwai.

Dutɛrɔnome 20:3

yɛ kɛ diɛ: «Israɛlə nuą, ka ka wəli tɔɔ, ka káá lii háákələi kɔ́ kɔ́i, ka ka yowoɠaa kaa, ka lii hvo kulɔ kaa, ka hvo ɲɔw, ka hu hvo pu kaa; ka mąą hvo kpɛlin di tɔwɔ.

Samuɛlə dɔlɔɔ 17:32

Davidə yɛ Saulə ɓa: «Filisti ŋɛ̨i mąą mɛ̨nį hvo nu ta hvįikpɛɛ, ə wɔ luwɔi kaa lii, da yaa di gɔ́.»