Azaya 7:1 - Yálá laawoo hɛɓɛ (dc)

¹ Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Yálá laawoo hɛɓɛ

¹ Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Bible

¹ Gâloŋ Eeɣa è wɔ́lɔ kɛ̀ a Gâloŋ Uzia ǹóŋ-surɔ̂ŋ Zotaŋ ǹóŋ. È wɔ́lɔ kɛ̀ a kâloŋ Zuda lɔii mɛi. Tãi è wɔ́lɔ kɛ̀ la a kâloŋ, kâloŋ feerɛ dí kɔ́ pɛ̀lɛ Zerusâlɛŋ taa-leei ma, kɛ́lɛ díyee fé pɔri ní m̀a. Gâloŋ-ŋai ŋí ƃé kɛ̀ a Siria Kaloŋ Lesiŋ, da Limalia ǹóŋ Peka nyíi kɛ̀ a kâloŋ Eezuɛ lɔii mɛi a maa tãi tí.

Azaya 7:1 ပူးပေါင်းရင်းမြစ်များ

Tɔɔɓɛlaa veelɛ 15:25

Nwɔ kɔ́ nwun nąmu Peka yai kɛ a Remaliahu lon, ə nɔgilii kɛ mą, ə ɓɔwa pu Pekahia ɓa, ə mą kɛ Argɔvə da Arie, di lɛɛ dɔɔ pɛlɛ́ ɲələi pələ Samari daai. Peka da Galaadə nuą ɓə li mɛ̨nįi tii kɛi. Peka ə Pekahia paa, ə hee dɔɔ kpəlin ɉu.

Tɔɔɓɛlaa veelɛ 15:27

Ɉuda tɔɔmun Azariasə nwɔ tɔɔlaa gwɛlan bow lɔɔli gɔw hveelɛɛ lɔwai ɓə, Remaliahu lon Peka ə kɛ la a tɔɔmun Israɛlə lɔi hu Samari daai. Ə kwɛlan bow hveelɛ kɛ dɔɔlaa hu.

Tɔɔɓɛlaa veelɛ 15:37

Nąąlɔwai ɓə Yai-Laa ə gɔwɔ tɔɔ la yɛ, Aramə tɔɔmun Resin tɔɔ la a kɔ́ Remaliahu lon Peka ɓa Ɉuda lɔi hu.

Tɔɔɓɛlaa veelɛ 16:1

Remaliahu lon Peka nwɔ tɔɔlaa gwɛlan bow gɔw mɛ̨ihveelɛ lɔwai, Yotamə lon Akazə ə tɔɔlaa hɔlɔɓo Ɉuda lɔi hu.

Tɔɔɓɛlaa veelɛ 16:5

Nąąlɔwai, Aramə tɔɔmun Resin, da Israɛlə tɔɔmun Remaliahu lon Peka, di pa kɔ́ pɛ́lɛ́i Ɉerusalɛmə taa ɓa, di Akazə mąą tinɛ̨n, kɛlaa, di yee hvo lɔ mą.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Azaya 8:6

Yii nuąi ɲɛ̨́i kaa lənəi Siloe yai a tɛɛ ɲąą mą, ɛlɛɛ di kwəi nɛ̨́ɛ̨́ mɛ̨nį ə ɓo a Resin mɛ̨nį da Remaliahu lon mąą mɛ̨nį.

Azaya 9:11

Aramə nuą daa di muhəɠə diɛi voló həɠəi pələ, Filisti nuą daa di muhəɠə diɛi voló tooi pələ, daa Israɛlə ɲąą wolo a di ɲin. Kɛlaa ə mą kɛ tii, Yai-Laa nwɔ liiɲąnwąną hvo kpəla li bələi, ɲee haŋąą ni di pɔ, yɛ haŋą diɛ.

Izikiɛ 27:16

Ɉɛn damąąi ə́ kɛi bɛli, ya ɓə Aramə ə kɛi ɲa ə́ yəi, nɔwɔ tiɛ̨i di kɛi paa la ə́ pɔ, ya ɓaa; kúwɔ́-kwɛni kpɔliɔ, həɠə ɓɛla kpɔluɔ, həɠə ɓɛla mąąpuɔ, həɠə ɓɛla kwəlɛɛ pə-pə da kúwɔ́-kwɛni huwu tamąą.

Osia 1:1

Mɛ̨nįi Yai-laa ə mo Beeri lon Ose ɓa, ɓɛlɔwai Oziasə, Yotamə, Akazə da Ezekiasə di kɛ la a Ɉuda tɔɔɓɛlaa; ɛlɛɛ, Ɉoasə lon Ɉeroboamə ə ɓo a Israɛlə tɔɔmun.

Mise 1:1

Nwooi Yai-Laa ə mo Morɛsɛtə mun Mise ɓa, a Yotamə da Akazə, ɛlɛɛ Ezekiasə, Ɉuda tɔɔɓɛlaa di wɔ tɔɔlaa yələi; gɛɛi ə gaa yɛ hvilɛn na Samari da Ɉerusalɛmə diɛ, ya ka: