Azaya 66:5 - Yálá laawoo hɛɓɛ (dc)

⁵ 'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Yálá laawoo hɛɓɛ

⁵ 'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Bible

⁵ Káai ka yâo Yâwɛɛ ma, kákɛ ŋ̀óo mɛnii, ka káwoli tɔ́ɔ m̀ɛnii mâ a m̀ôi. Ǹyɛɛi, “Kákpɔɔi-ƃelai da kákpɔara dîɛ ka dia ni káfa mɛni kpɛtɛɛ da kɛ̀ gîe ma, kpɛ́ni fêi, kákaa a teniŋ ƃô-ƃela. Ká ƃɛlɛ fé kákpɔɔi-kpɔɔi ƃelai da-ni koi. Da ɣɛ́lɛ maa kulâi kákponôi ńaai mɛni ma dîyɛɛi, ‘Tɔɔ Yâwɛɛ é ŋɔwála-wâla kɛ́tɛi lɛ́ é díŋuŋ ma ƃó kú ǹaa káa díkɛ koi-nɛ̃̂ɛ kùla.’ Kɛ́lɛ dia ƃé m̀baa kula-maai tí a pâi sɛ̂lɛnii dîa.

Azaya 66:5 ပူးပေါင်းရင်းမြစ်များ

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Tɔɔɓɛlaa veelɛ 22:10

Yili pulu, Safan yɛ tɔɔmun mą: «Ɉaláá laa həli mun Hilkiyahu ə hɛɓɛ́ tɛɛ bɔ́.» Safan ə ɉɛɓɛ́ hu woo ɓo kɛa tɔɔmun nííla.

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Ɛsdrasə 9:4

Nuąi kpɔ Israɛlə nwɔ Yálá mąą mɛ̨nį ə kɛi di lii kulɔ diɛ, di pa di hee gwɛ́lɛ, nuą tii həɠə nuwɔ laa hu, di wɔ nɛ̨ŋɛ̨nŋąą tii mąą mɛ̨nį ɓa. Ŋą́ lɛɛ kpɔ heeni nii kələn gwəi tii hu, ə lɛɛ ɉu, ɲələwulii haláá kulɔi lɔwai ə ɉəli.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 38:20

Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Hanwon 13:13

Nui a nu woo pili, a gbɔwɔ nwun na pili. Kɛlaa, nui a tɔ́n bɔ liɛwooŋąą hon, mąą nu a vɛla hɔlɔɓo.

Wɛli 1:6

Ka hvo gáá lɔ tii gɔ́lɔ ɓa pələ, Néé lonnii ka tii di liiholi bɔ́, di dɔ́ɔ́ nwɛ̨ni ɓa, hvoló ə pɔɔ lɛɛ mą́ą́ yili ɓə gɛ, və́ pɛli li gɔ́lɔ́ laahɔnmoi.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 5:19

Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Azaya 60:15

Yɛ́i tii kɛ daa ɓo yɛ́, daa ə́ too, ə́ wɛli kpɛɛ nuą diɛ, nu hvo kɛ yɛ́, gáá pai ə́ kɛi a ɲɛ̨i pɔ̨nɔ̨ hɛn, yələ kəlee mɛ̨nį, ŋį́ ə́ kɛ a kwɛlan gəlee nwɔ kwəinɛ̨ɛ̨.

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Ɉeremi 36:16

Nwooɠaai tii mɛ̨n di mo, di kəlee di kwəi ə pili diɛ, diɛ di ɲɛ̨i hee di kee ɓa. Yili pulu, diɛ Barukə ɓa: «Ku kaa pai nwooɠaai ŋɛ̨i kəlee hukulɔi tɔɔmun ma.»

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Lukə 13:17

Jesus nwɔ woo pulu pənəi tii ə ɲowoɠaa nwumɛ̨. Kɛlaa, mɛ̨nįɠaa tii ə kɛi gɛ, ə nu kpului tii kwəinɛ̨ɛ̨.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

Tɛsalonikə veelɛ 1:12

Bələ ɓə gu Ną́mu Jesus laa mąą a wiɛ la ká hu, ɛlɛɛ, káá kpɛlimąn, ká kɛ tii ɉu, yɛ bələi gu wɔɔ Yálá da gu Ną́mu Jesus Kristə nwɔ mɛ̨inɛ̨ɛ̨ kaa la.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Zɔ̂ŋ Maa-ŋuŋ 3:13

Ną́n nonnii ká kwəi hvo pili káá, a kɛ, yɛnɛ̨ɛ̨ a wɛlikpɛɛmąą laa kulɔ a káá.