Azaya 66:22 - Yálá laawoo hɛɓɛ (dc)

²² Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.

Yálá laawoo hɛɓɛ

²² Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.

Bible

²² “Yɛ́ɛ berei ǹɔii nînai da ŋ̀ele-kɔ̂lɔŋ ninai da pâi kɛ̂i la naa ŋáwala-wâla laai sârai wɔ́lɔ-wɔlɔi, bere nɔ́ ƃé kánuu sûu-ŋai da kálaa da pâi kɛ̂i la naa wɔ́lɔ-wɔlɔ.

Azaya 66:22 ပူးပေါင်းရင်းမြစ်များ

Azaya 48:19

ə́ huwu ə li kɛ yɛ ɲɛa kɔ́w, ɉu lonnii di ɓo yɛ kwɛni wean, naa hvo li kpɛɛ ɲɛ̨́i mu a yələ lɔpee ta, di hvo li kɛ naa waa laa.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 56:5

gáá pai ɉələŋąn dɔɔi di mąą mɛ̨nį ɓa, gɛ́ laa tɛɛ di pɔ ɲə́i bɛlɛ́n, bɔ́ɔ́li; yili hviɛlaɓoɔi lon ɉinąą da lon nɛ̨ąą diɛ, gáá laa ta pɛ̨ɛ̨i diɛ a yələ kəlee da nwɔɔ, di hva gulɔ laa a yələi lɔpee ta.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Azaya 65:17

Yii hu kɛa, gáá pai yələ kɔ́lɔn ninɛ̨ pɛlii, ɛlɛɛ da lɔi ninɛ̨. A kɛ tii, mɛ̨nįɠaai daa tɛɛ, di kili hva kɛa too nu ta ɲą, di hva mu kpɛli kɛa pa nu kili pɔ.

Azaya 65:22

Di hvo kɛa pai pɛlɛ tɔɔi, nu ta kpɛli yɛ lɔ mu, di hvo kɛa pai tíi kɛi, nu ta kpɛli yɛ mą mįi. Mąąhɔlɔɓo, bələi lɔ wulu a lamu la, bələ lɔ ɓə nwɔ́ nuąi kaa pai lamui la. Nííɓa nuą kaa pai kulɔi, di yee kɛ kóló dɔlɔ ɓa.

Azaya 65:23

Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Ɉeremi 33:20

«Yai-Laa woo ka, yɛ diɛ: Akɛ, ka yee a pɛli mą, ka ku lɔwai mįnɛ̨ hu kala; kwa yələ ɓɔɔ da kpinį, yələ ɓɔɔ da kpinį di hva kɛa pɛli pai a di pai lɔwai,

Ɉeremi 33:21

akɛti, mįnɛ̨i kwa nwɔ́ tí mun Davidə ku ɉəɠə, ɉu a kala; ɉuwu ta hva kɛa pɛli kɛi a tɔɔmun, ə ɓo heeni nwɔ tɔɔkpəlin hu. A kɛ lɔ nwɔ̨nɔ̨ tii a mįnɛ̨i ku ɉəɠə kwa Lévi lonnii, diɛi tii a nwɔ́ tínuą ɉaláá kulɔ mɛ̨nį hu.

Sofoni 3:20

Mąą yələi tii, ŋą́ hvilɛn ka ɲɛ̨i tɔwɔ, ŋį́ pa a kaa, ɲələi tii, ŋą́ ka ɲąą kpɔn, ka ɲɛ̨i ə pɔ̨nɔ̨, ɓɛlɛ ə kɛ kaa lɔi mɛ̨i, nu kanŋaa kəlee lɔwai, ɓɛlɔwai gáá pai ka wɔ yɛnɛ̨ɛ̨ ɲɛ̨ilaa lɛlɛɛ heei la mą, kaa gaa. Ɲą́ą́ Yai-Laa, ɲą́ą́ kpɔ ɓə mo!

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Piɛrə veelɛ 3:13

Kɛlaa, gu wɛi, yɛ pələi ə mįnɛ̨ həɠə la, yɛ diɛ: Yələkɔlɔn nįnɛ̨ da lɔi nįnɛ̨ kaa pai, ɓɛi tələnmolaa kaa tɔɔlaa kɛi laa. Yili ɓə gu kaa mąąkpɔn ɉi.

M̀ɛni-lɛɛi 21:1

Yili pulu, ŋį́ yələkɔlɔn nįnɛ̨ da lɔi nįnɛ̨ di kaa, mąąhɔlɔɓo, ɲələkɔlɔn dɔlɔɔ, da lɔi dɔlɔɔ tii kɛ laa, di kwɛlɛɛn, ɛlɛɛ, gboloyá hvo kɛa kɛ laa.