Azaya 66:2 - Yálá laawoo hɛɓɛ (dc)

² Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Yálá laawoo hɛɓɛ

² Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Bible

² Ńyãa ƃé ŋ̀éniɛi ŋí kélee kpɛ̀tɛ. Gélee káa a ḿbɔɔ. Diai ŋa pâi dímɛi kâai, dia ƃa diai dímaa yeŋɔ̂ɔi, da dípôlu tɔ̀ɔ dísɔnyɔ̂ŋ mai, díkɛ yào ḿâi, da diai da ŋ́oo mɛnii.”

Azaya 66:2 ပူးပေါင်းရင်းမြစ်များ

Tɔɔɓɛlaa dɔlɔɔ 21:29

«Yáá Akabə kaa, aa nwɔ túwɔ́ pələ ɲɔ̨nŋąą mąą liihɛlɛn ɉee ɲɛ̨́i ɓa. Yili ɓa, ɓɛlɔwai gaa ni la yɛnɛ̨ɛ̨, və́ pai mɛ̨nį ɲąąnwąnąąɠaa tii laai mą. Kɛlaa, non nwɔ tɔɔlaa lɔwai ɓə gaa pai mɛ̨nįɠaa tii laai la Akabə nwɔ pɛ́lɛ́i ɓa.»

Tɔɔɓɛlaa veelɛ 22:10

Yili pulu, Safan yɛ tɔɔmun mą: «Ɉaláá laa həli mun Hilkiyahu ə hɛɓɛ́ tɛɛ bɔ́.» Safan ə ɉɛɓɛ́ hu woo ɓo kɛa tɔɔmun nííla.

Tɔɔɓɛlaa veelɛ 22:11

Yii lɔ tɔɔmun ə dɔ́n ɉɛɓɛ́i tii hu woo mɛ̨n, ə mąą hɛɠɛ huɓɛla.

Ɛsdrasə 10:3

Gwa gu wɔ Yálái ni gu mįnɛ̨ həɠə yiihu, ku ku yee kulɔ nwɛ̨ą nɛ̨ąą kəlee hu da di lonnii, yɛ bələi yɛ́i a ku wɔ mɛ̨nį nąmu, ka nuąi kpɔ da ɲɔw gu wɔ Yálá nwɔ tíɓoi ɓa, ka ku liɛwoo kɛ la.

Ɛsdrasə 9:4

Nuąi kpɔ Israɛlə nwɔ Yálá mąą mɛ̨nį ə kɛi di lii kulɔ diɛ, di pa di hee gwɛ́lɛ, nuą tii həɠə nuwɔ laa hu, di wɔ nɛ̨ŋɛ̨nŋąą tii mąą mɛ̨nį ɓa. Ŋą́ lɛɛ kpɔ heeni nii kələn gwəi tii hu, ə lɛɛ ɉu, ɲələwulii haláá kulɔi lɔwai ə ɉəli.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 119:161

Tɔɔɓɛlaa di mɔ̨nɔ̨ ɓo, nwun və kɛ mą, Ə́ wooɠaa lɔ ɓə ŋą́ ɲɔw mą.

Mąątɛ̨nɛ̨ 138:6

Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.»

Mąątɛ̨nɛ̨ 34:18

Tələnmo nuą da wɔlɔ, Yai-Laa a di wɔlɔ woo mu hon, yɛ di kulɔ di kanąn mɛ̨nįɠaa kəlee hu.

Mąątɛ̨nɛ̨ 51:17

Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Mąątɛ̨nɛ̨ 51:19

Yálá, ɉaláái ə́ kaa bɔ, ya ɓaa a nui níí aa yali gwə́i, líí daa mąąwɛli, yaai da ɉu wolo, hvá gbɛ ə́ ɲɛ̨i mu.

Hanwon 28:14

Nwun na nɛ̨ɛ̨mun maa, nui a ɲɔw mɛ̨nį ɲɔ̨n ma. Kɛlaa, nui a gili walawala mɛ̨nį ɲɔ̨n gɛɛ hu, ya ɓə kpalo a gaa.

Hanwon 29:23

Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Azaya 41:20

Nu kəlee diɛ pɛli nąą kaai, diɛ gbaɠala kaa, diɛ tɔɔ a di nwąnąi, di kəlee diɛ gɔlɔn diɛ kɛ, Yai-Laa kɛ tii li, diɛ kɛ Israɛlə nwɔ Mąąhəɠəmun ɓə gɛ.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Maafîu 12:6

Yaan, gáá moi kaa, yii ka káá gaai, gɛnɛ̨i dɛɛ Yálá hee pɛlɛ́ ɓa.

Gɛlaɠaa 7:50

Kɛlɛi, ɲą́ą́ ɓə ɉɛnŋaa ti kəlee pɛli-ee?›

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Kolosə 1:17

Ɛlɛɛ Yaa lɔ ɓə, a Yaa, ə ɓo gəlee tɔwɔ, yiihu, hɛn gəlee kaa ɉu,