Azaya 66:19 - Yálá laawoo hɛɓɛ (dc)

¹⁹ Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Yálá laawoo hɛɓɛ

¹⁹ Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Bible

¹⁹ Ǹyaŋ da pâi gɔ́lɔnîi a gɛɛ ńyãa ƃa díkula maa kɛ̂. “Kɛ́lɛ, ŋa pâi díta-ni tɛɛ̂i lɔii-ŋuŋ su kôyaa ŋa su nyii-ŋai dífe tá ḿaa-tûŋ mɛni níi, kpaa máŋ dí ŋáwala-wâla laa kɛ́tɛi káai. Ǹɔii-ŋûŋ ŋai kpîŋ ƃa: Sipîŋ, Lebia, da Ladia ƃɛ́i tɔ̃a-pili-ƃela lɛ́lɛɛ-ŋa dí káa naai, ŋá díta-ni tɛɛ Tuba da Gurii. Ǹûai ŋa pâi dítɛɛ̂i, da pâi ŋákɛtɛ-laai maa tûŋ toôi ǹɔii-ŋûŋ-ŋai ŋí su.

Azaya 66:19 ပူးပေါင်းရင်းမြစ်များ

Zɛnɛse 10:13

Misraimə ɓə kɛ a: Ludə nuą, Einamə nuą. Lehavə nuą, Naftua nuą, Patrusə nuą da Kaslua nuą da Kaftɔrə nuą di kalaɓɔlɔ. Kaftɔrə nuą ɓə Filisti nuą di kulɔ di huwuhu.

Zɛnɛse 10:2

Ɉafɛtə lonnii laa ka: Gomɛrə, Magɔgə, Madai, Yavan, Tubalə, Mɛsɛkə da Tirasə.

Zɛnɛse 10:22

Sɛmə lon ɉinąą laa ka: Elamə, Asurə, Arfasadə, Ludə da Aramə.

Zɛnɛse 10:4

Yavan lonnii laa ka: Elisa, Tarsisə, Kitimə da Rodanimə.

Zɛnɛse 9:27

Gɛ́ Yálá ə Ɉafɛtə yee kɔ́nwɔ̨n ɉu ɓɛlɛ, Kɛlaa, ə kɛ Sɛmə kwɛlɛ, Kanaan ə kɛ a Ɉafɛtə nwɔ luwɔ.»

Kɔlɔnikɔ Maa-ŋuŋ 1:11

Misraimə lonnii ɓaa Ludə nuą, diɛi di kaa Einamə, Lehavə, Naftua,

Kɔlɔnikɔ Maa-ŋuŋ 1:7

Yavan lonnii laa ka: Elisa, Tarsisə, Kitimə da Rodanimə.

Kɔlɔnikɔ Maa-ŋuŋ 16:24

'Ka gɛ mɛ̨nį mąąwiaɠaa hukulɔ lɔi kəlee hu, 'ka gɛ mɛ̨nį lɛlɛɛɠaa hukulɔ hį́i kəlee ɓa.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

Azaya 18:3

Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!

Azaya 18:7

Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.

Azaya 2:16

A həli, Tarsisə nwɔ ya ŋą kələn gbɛa-kpɛa diɛ, da ya ŋą kələn nɛlɛɛɠaa.

Azaya 29:24

Nuąi lan bələ mɛ̨i, di kaa pai kili hɔlɔɓoi, yiiɠaai di nwun nwala walaa, diɛ kɛa hvaa mą diɛ mɛ̨nį lɛ diɛ.

Azaya 42:12

Nuą di Yai-Laa laa tɛ, di mąątɛ̨nɛ̨ wələɠaa too gboloyá hɛ̨ąi lɔiɠaa hu.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Azaya 43:6

Gáá pai kɛi ɲələi pələ ɓa: «'Və́!» Gɛ́ ɉɛɠɛɛ pələ ɓa: «'Hvó kanąn mą! 'Pənə ə́ pa a nón ɉinąą, yɛ́ həɠə a diɛ kwɛaa la lɔi hu, yɛ́ həɠə a nónnii nɛ̨ąą lɔi kpɛlai, yɛ́ pa a diɛ.

Azaya 49:1

Gboloyá hɛ̨ąi lɔiɠaa, 'ka ka wəli tɔɔ nwóó ɓa, kwɛala lɔiɠaa, 'ka ka wəli tɔɔ kpɔ a nɛlɛɛ, Ŋą́ lɛɛ néé kwəi, Yai-Laa ə də́li, ŋį́ kɛ nii néé kwəi, náá ə ɓo na.

Azaya 49:12

Di kaa pai; di kaa həɠəi kwɛaalaɠaa, daɠaa diɛ həɠə ɲələi pələ, da hvóló tooi pələ, dakpɛliɠaa diɛ həɠə Asuan lɔi hu pələ.

Azaya 49:22

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: gáá pai ɲee lɛi hįį takpɛliɠaa diɛ, gáá pai huu pilii nuą diɛ, di kaa pai pənəi diɛ ə́ lon ɉinąą hee di yee kɔ̨nwɔ̨n ɉu, diɛ pa a diɛ, diɛ ə́ lon nɛ̨ąą hee di kalan ŋą.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Azaya 65:1

Ŋą́ą́ gbɔ́wɔ lɛɛ laa, nuąi di hvo kɛi di nwun dɔɔ a ɲą́ą́, diɛ gwɛ́li, ŋą́ą́ gbɔ́wɔ lɛɛ laa, nuąi di hvo kɛi gwɛ́li, diɛ gáá. Nu huwui hvo kɛi tí, hvo nwoo tɛ náá pɔ pələ, ŋį́ kɛ mą: «Ɲą́ą́ ga, ɲą́ą́ ga.»

Ɉeremi 46:9

Hooɠaa! 'Ká li kɔ́ mɛ̨i, kɔ́ kɔ́ wotoloɠaa! 'Ká li gɔ́ ɓa. Kɔkulaaɠaa! 'Ká tɛɛ tɔwɔ Nubi da Putə nuą; kaai ka wɛlɛɛ hə́mə pənə, 'ká hə́mə həɠə. Ludə nuą; kaai wɛlɛɛ kilɛn bili, 'ká həɠə.»

Izikiɛ 27:10

Pɛrsə lɔi, da Ludə, Putə nuą di kɛ ə́ wɔ kɔlaɠai hu, diɛ ɓə kɛ a ə́ wɔ kɔ́kulááɠaa, di nwuɔ̨ ɓɔlɔɠaa da di mąąkɔ̨nwɔ̨ kwɛli hɛnŋaa, ə́ pɔɔli ɓə di kɛi di laai kɛ laa, diɛ ɓə kɛ a ə́ hvaŋą.

Izikiɛ 27:13

Ə mą kɛ Yavan, Tubalə da Mɛsɛkə, ka diɛni ka kɛi yɔw kɛ; di wɔ lɔwɔ tiɛ̨ ɓaa kɛ a luwɔ, da ɓala kwɛli.

Izikiɛ 30:5

Nubi, Putə, Ludə, Kuvə, nɔi huwu tamąąi kpɔ da diɛ ni di kaa ɓɛlan naa hu, da diɛ ni da too a kɔ́ kɔ́ ɓɔwa laa pɔɔ.

Izikiɛ 32:26

«Mɛsɛkə Tubalə da nwɔ nu kpulu kəlee, di mąą tinɛ̨nŋaai a nwɔ kámąɠaai, di kaa laa, gəlee kaa a kɛ́nɛ̨ kpolɔwa; kɔ́ kɔ́ ɓɔwa ɓə ɓɔ di hu. Mąąhɔlɔɓo, di kɛi ɲɔw too yɛnɛ̨ɛ̨ nuą hu.

Izikiɛ 39:1

«Hulɔnu lon, gwə́i mɛ̨nį ɓo, yɛ hvilɛn Gɔgə ɓa; 'kɛ mą: Mɛ̨nį kəlee ŋą Hééɓomun Yálá woo ka: Vílɛn ŋąąi ə́ pulu Gɔgə, Mɛsɛkə da Tubalə tɔɔmun gɛnɛ̨.

Izikiɛ 39:6

Gáá pai nwɔ̨n bilii Magɔgə hu, da gboloyá hɛ̨ąi lɔi hu nuą, di kaa laa a di wəli pulu laɠia; bələ ɓə da gili kɔ́lɔn na, diɛ kɛ. Hɛn gəlee Nąmu ɓaa a ɲą́ą́.

Danîa 11:18

Yili pulu, gaa pai ɲɛ̨i tinɛ̨n ɉii ə ɉee ɲa kwɛlɛ taaɠaa diɛ, ə damaa həɠə, ə lɛɛ la ɉu, nwea kɔ́kuláá ta ə pa ə nwɔ huɲąŋą kɛnɛ̨ laa di kulɔ ɲəi, ə vɛla hɔlɔɓo.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Sofoni 3:10

Nwɔ́ nuąi da kwɛli hvilɛn mą́ą́, diɛi tii ŋį́ di taɠa-taɠa, di kaa pai həɠəi Nubi yalee kpɛa-kpɛa bulu pələ, diɛ pa bɔ́ a gɔ́ hɛnŋąą.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Markə 16:15

Yili pulu, Jesus ə mo diɛ, yɛ diɛ: «Ka li yɛnɛ̨ɛ̨ nąą kəlee, ka wəlɛɛ lɛlɛɛ laa həli hį́i kəlee ɓa.

Lukə 2:34

Simeɔn ə lúwɔ́ too diɛ, ə mo Mari ɓa yɛ mą: «Yálá aa ə́ lon ŋɛ̨i həɠə ɉu, əgɛ, ə kɛ a Israɛlə nuą tamąą too kwɛni, ɛlɛɛ, da damąą muhəɠə hɛn. Gaa pai kɛi a Yálá ŋą kɔ́lɔn ɉɛn yii nu tamąą da lənə mą.

Lomaŋ 15:21

Ɛlɛɛ, bələi Yálá lawoo hɛɓɛ́ kaa moi la, bələ ɓə gáá gɛi la, yɛ mą: «Yiiɠaai di hvo kɛ Kristə mąą mɛ̨nį laa həli li diɛ, daa gaa. Nuąi di hvo kɛ mąą mɛ̨nį mɛ̨n ni, da gbaɠala kaa.»

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.