Azaya 66:18 - Yálá laawoo hɛɓɛ (dc)

¹⁸ Ɲą́ą́ ɓə di kɛ mɛ̨nįɠaa, da di kɛ kólóɠaa kɔ́lɔn. Ŋą́ pa hįį kəlee ɲąą kpɔn ɉii, da hį́i woo kəlee, di kaa pai pai, diɛ nwɔ mąąwiɛ kaa.

Yálá laawoo hɛɓɛ

¹⁸ Ɲą́ą́ ɓə di kɛ mɛ̨nįɠaa, da di kɛ kólóɠaa kɔ́lɔn. Ŋą́ pa hįį kəlee ɲąą kpɔn ɉii, da hį́i woo kəlee, di kaa pai pai, diɛ nwɔ mąąwiɛ kaa.

Bible

¹⁸ Ŋá díkili-ŋa-sîai da dítûa-pere-ŋai kɔ́lɔŋ. Ŋa pâi ǹɔii-ŋûŋ-ŋai su-ƃelai kélee ŋá tɛ̂i díkîe ma. Tãi da pâi pâi la díkîe mai, da pâi m̀ɛnii kâai ŋáwala-wâla laai a gɛ̀i.

Azaya 66:18 ပူးပေါင်းရင်းမြစ်များ

Zôo 42:2

Gílí kaa ɉu gɛ́ yá pɛli mɛ̨nį kəlee ɓa, ɛlɛɛ mɛ̨nį ta lɔpee hva kɛ ə́ tɛɠii.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 67:2

Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Mąątɛ̨nɛ̨ 72:11

Tɔɔɓɛlaa kəlee kaa pai kwɛli hvilɛn ɉii mą, lɔiɠaa kəlee diɛ tí mą.

Mąątɛ̨nɛ̨ 72:17

Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Mąątɛ̨nɛ̨ 82:8

'Ə́ muhəɠə Yálá, kɛ a lɔi kiti tee mun, mąąhɔlɔɓo lɔiɠaa kəlee kaa a ə́ yəi hɛn.

Mąątɛ̨nɛ̨ 86:9

Nu huwuɠaai kpɔ ə́ di pɛli, di kəlee di kaa pai pai, diɛ kwɛli hvilɛn yɛ́, nwɔ́ mɛ̨nį Nąmu, diɛ ə́ laa mąąwiɛ.

Mąątɛ̨nɛ̨ 94:11

Yai-Laa ə nu kwəi kiliɠaa kɔ́lɔn, gaa lɔ a hvaŋą.

Mąątɛ̨nɛ̨ 97:6

Yələ kɔ́lɔn a nwɔ tələnmolaa loloɓo, nu huwuɠaa kəlee diɛ mąąwiɛ pələ kaa.

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 37:28

Ə́ kaa heei-yoo, ə́ kaa kulɔi-yoo, ə́ kaa lɔ́i-yoo, gbaɠala kaa mą́ą́, ə mą kɛ ɓɛlɔwai yá kɛ hvɛɛi la mą́ą́, yɛ́ kpɛlin a líiholi.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 55:8

Ka kwəi kiliɠaa di hvo yɛ gwə́i kiliɠaa, ka yii pələɠaa di hvo yɛ wɛ́iɠaai, Yai-Laa woo li.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Azaya 57:12

Kɛlaa nwɛi, gáá pai ə́ «təlimo mɛ̨nį hukulɔi», ɛlɛɛ, ə́ kɛ kóló ta tɔlɔ hvo pai həlii yɛ́.

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Azaya 65:2

Ŋą́ kɛi túwɔ́ ɲéé hąŋąi, kulɔ nwoomu nu kan bɔ pələ, nuąi di hvilɛnŋąą pələ ɲɔ̨nwɔ̨ɔ̨ mɛ̨i di pɔ pələ, a diɛi tii, di hvilɛnŋąą lɔ di kpɔwɔ kiliŋąhiɛɠaa pulu.

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.

Izikiɛ 39:21

Gáá pai mąąwiɛ pələ heei lɔiɠaa mɛ̨́i; lɔi kəlee kaa pai nwɔ kitii kaai; yai gáá pai gɛi, da ɲeei gáá pai gɛlɛi di hu.

Zooɛ 3:2

Ə mą kpɛli kɛ ka wɔ luwɔ hinąą da ka wɔ luwɔ nɛ̨ąą, ŋą́ nwɔ́ Kilii tɛɛ di pɔ.

Amɔsə 5:12

Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.

Zakari 14:16

A kɛ tii, nɔiɠaa kɔ́ pɛlɛ Ɉerusalɛmə ɓa, nuąi pai lɛɛi di hu, di kaa pai kɛi pai a kwɛlan ɉəli pələ tɛitɛi, diɛ pɛlɛ Yai-Laa Mɛ̨nį Kəlee ŋą Hééɓomun lííla, diɛ ɉəɠə kələ hɛli pu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 12:25

Yii kɛa Jesus ə di wɔ kiliŋąhiɛi tii kaa, ə mo diɛ yɛ diɛ: «Lɔi lɔpee ɉu nuą da kɔ́ pɛlɛ di kee ɓa, mąą lɔi tii a gbɔwɔ nwun na pili. Taai lɔpee ɉu nuą, pɛlɛi lɔpee mu nuą, daa kɛi kɔ́ kɔ́ a di kee, mąą taai a wóló, ə mą kɛ, mąą pɛlɛi a pu.

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Lukə 5:22

Jesus ə di wɔ kiliŋąhiɛi tii kaa, ə mo diɛ yɛ diɛ: «Lə mɛ̨nį ɓa ka wɔ kiliŋąhiɛ kɛ pələ kaa tii?

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Ɉaan 5:42

Kɛlaa, ŋą ka kɔ́lɔn, Yálá nwɔ wɛlikɛmąąlaa hvo ka yəi.

Lomaŋ 16:26

kɛlaa yiihu kɛa, mɛ̨nįi ti aa too ponoŋą, huwu takpɛliɠaa diɛ, Yálá kwəi mɛ̨nį hukulɔ nuą di wɔ hɛɓɛ́ pɛ̨ɛ̨ hu, yɛ bələi kpɔlɔ Yálá ə mo la, di laa na di lɛɛ nwoopulu.

Korɛntə dɔlɔɔ 3:20

Ɛlɛɛ nwɔ̨nɔ̨: «Gu Námu Yálá ə kilimąą nuą di wɔ kiliŋąhiɛ kɔ́lɔn, gili kaa ɉu yɛ gaa a kpɛli.»

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

M̀ɛni-lɛɛi 2:2

Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.