Azaya 66:16 - Yálá laawoo hɛɓɛ (dc)

¹⁶ A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Yálá laawoo hɛɓɛ

¹⁶ A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Bible

¹⁶ Diai kélee kpɔ́ dísɔŋ káa dîa ŋ̀éniɛi su gwaa kélee mai, a pâi díkula maa kɛ̂i a ŋɔŋ da ƃóa-sɔ̂kpɔ. Ǹyaŋ a pâi núu támaa pâai.

Azaya 66:16 ပူးပေါင်းရင်းမြစ်များ

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Azaya 3:13

Yái-Laa aa pa gití haɠa ɓa, aa haŋą aa tɔɔ nu kanŋaa kiti tee mɛ̨nį ɓa.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 31:8

Kɔ kɔ́ ɓɔwa yii hvo a nu kan ɲəi ɓɔwa, ya ɓə pai Asiri paai, nu kan ɲəi ɓɔwa hvee pai ɉu kalai, gaa pai pui kɔ́ kɔ́ ɓɔwa ɲɛ̨i tɔwɔ, ɛlɛɛ, nwɔ kɔ́ kɔ́ laŋąąi di kaa pai lɛɛi a luwɔ kóló kɛ nuą.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Ɉeremi 25:31

Din gaa həlii lɔi kpon ɉeei, Yai-Laa a kiti pɛlɛ lɔiɠaa diɛ. Aa mɛ̨nį ɓo kpalatɔɔ, yɛ vilɛn nu kan gəlee ɓa, nuąi a kala diɛ, a di tɛɛ ɓɔwa kwɛa pɔ. Yai-Laa woo li.

Ɉeremi 25:33

Volói tii, ə həɠə nɔi kɔ́wɔ tɔɔi ə həli la naa kulɔi, nuąi Yai-Laa kaa pai di paai, di hvo pai di looi, di hvo pai di powa yɛɠɛi diɛ di loo, di kaa pai lɛɛi a tulun bɔlɔ lɔi mɛ̨i.

Ɉeremi 45:5

Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Ɉeremi 46:15

Kwə! Pu ɓə tii Apisə kaa moi! Ə́ wɔ nįŋɛ̨ hilɛi hvo tɔɔ li? Yai-Laa aa bili,

Izikiɛ 28:18

Ə́ wɔ nɛ̨ŋɛ̨n tamą pələ, ə́ hvulu pələ yɔw kɛi, yáá ə́ wɔ lɔi mąąhəɠɛɛi ɓɛlɛkpɛɛ mą. Gáá nwɔ̨n mɛlai ə́ hu, yɛ ə́ kələn; gɛ́ ə́ mąą pənə a luwu, lɔi mɛ̨i nuąi kpɔ ə́ kaai, di ɲɛ̨i ɓa.

Izikiɛ 38:17

Mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Yɛ́ ɓə ŋį́ kɛi ə́ mąą mɛ̨nį ɓo; wɔlɔ wɔlɔ mɛ̨nį li; gwə́i mɛ̨nį hu kulɔ nuą, diɛ gwə́i mɛ̨nį ɓo, yɛ hvilɛn yɛ́; kwɛlan damąą yee mu, diɛ kɛ gáá pai pai a yɛ́, yɛ́ pɛlɛ diɛ a kɔ́.

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Zooɛ 3:2

Ə mą kpɛli kɛ ka wɔ luwɔ hinąą da ka wɔ luwɔ nɛ̨ąą, ŋą́ nwɔ́ Kilii tɛɛ di pɔ.

Amɔsə 7:4

Mɛ̨nįi Yai-Laa ə nɛ mą́ą́ hįį pələ nwɔ̨nɔ̨, ya ka: Nwɔ̨n mə ə ɉəɠə, ə gɛ a nwɔ kitii tee hɛn, nwɔ̨n tii nwəleen ə kɛi yaɠaa kpala lɔi mu, yɛ Israɛlə lɔi kələn.

Nahumə 3:15

Nąą ɓə nwɔ̨n gaa pai ə́ hu kalai laa, gɔ́ kɔ́ ɓɔwa yɛ ə́ paa laa, di kaa pai ə́ mįi, yɛ bələi peelə a hɛn mįi la. 'Ka ka ɲąąkpɔn yɛ ɉailonŋąą, 'ka ka ɲąąkpɔn yɛ peeləɠaa.

Nahumə 3:3

Ɉoo nąmįną diɛ ɉooɠaa wean, gɔ́ kɔ́ ɓɔwaɠaa diɛ lən mąlą mąlą; gbalaɠaa diɛ di kpaalən daɠa, lono hvo nu powa ɓa, nu powa laai lɔ gee mɛ̨i, nu powa yɛ li lɔ daną daną, nuą kaa kalin ɉii a nu powa.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.