Azaya 66:13 - Yálá laawoo hɛɓɛ (dc)

¹³ Ɲą́ą́ ɓə pai ka liilaai kaa, lɔ yɛ bələi, hilɔnu nee a nii laa la mą. A tɛ̨ą ka lii kaa pai laai ka kwəi, Ɉerusalɛmə daa kwəi.

Yálá laawoo hɛɓɛ

¹³ Ɲą́ą́ ɓə pai ka liilaai kaa, lɔ yɛ bələi, hilɔnu nee a nii laa la mą. A tɛ̨ą ka lii kaa pai laai ka kwəi, Ɉerusalɛmə daa kwəi.

Bible

¹³ Ŋa pâi ká ŋánɛnɛi Zerusâlɛŋ yɛ̂ɛ berei tí lôloŋ ǹee a ŋanɛnɛ lai.

Azaya 66:13 ပူးပေါင်းရင်းမြစ်များ

Mąątɛ̨nɛ̨ 137:6

Ɉerusalɛmə, a kɛ ŋą́ lɛ̨ą yɛ́, ŋą́ wala ə́ laa tɛ gwə́inɛ̨ɛ̨ mɛ̨nį kəlee tɔwɔ, nɛ̨́n ə kąnąn nɛ̨́ŋɛ̨-nɛ̨ŋɛ̨ mu.

Mąątɛ̨nɛ̨ 94:19

Ɓɛlɔwai kpɔ liihɛlɛn a hee laa mą́ą́ kɛnɛ̨, nąąlɔwai ɓə ə́ wɔ liilaa wooɠaa da gwə́inɛ̨ɛ̨ la.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 40:1

'Ka nwɔ́ nuąi hvaŋąlɔ, 'ka di hvaŋąlɔ, ka wɔ Yálái woo li.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 66:10

'Ka kwəinɛ̨ɛ̨ kulɔ, kaai kpɔ Ɉerusalɛmə wɛli kaa kaa, ka diɛni 'ka pili yələi a kwəinɛ̨ɛ̨. 'Ka kɛ kwəinɛ̨ɛ̨ hu, ka diɛni, 'ka ɓələn a kwənɛ̨ɛ̨, kaai kpɔ kɛli wɔlɔ mąą mɛ̨nį ɓa.

Korɛntə veelɛ 1:3

Mąąwiɛ ə kɛ Yálá ɓa, yai a gu Nąmu Jesus Kristə Ną́n, a yai a ɲɛ̨imąąwɛli kaa Nąn, da liilaa Yálá;

Korɛntə veelɛ 1:4

Ya ɓə a gu liilaa, gu wɔ kwəi pilimąąɠaa kəlee hu, yɛ gɛ, guɔ pɛli, nuąi kwəi pilimąą hu di liilaai, a liilaai guɔ kpinįlee gwa ɉɔlɔɓo Yálá yəi.

Tɛsalonikə dɔlɔɔ 2:7

Ya pa, kwa pɛli kɛ ku laa ká nwuɔ̨ a tįɛ̨, yɛ bələi Kristə ŋą kɛlaɠaa da gɛ la. Kɛlaa yaamun, ku ká hon a liinɛ̨ɛ̨ gwəi laa, yɛ bələi nɛ̨ɛ̨nu a nonnii pɛlɛ la gəŋəla, yɛ di kɔ̨nɔ̨n gɛ.