Azaya 66:1 - Yálá laawoo hɛɓɛ (dc)

¹ Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Yálá laawoo hɛɓɛ

¹ Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Bible

¹ Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Azaya 66:1 ပူးပေါင်းရင်းမြစ်များ

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Kɔlɔnikɔ Maa-ŋuŋ 28:2

Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Kɔlɔnikɔ Veerɛi 2:5

Gbɛɛ kpɔ ɓə hvąŋą a pɛli kɛi ɲəi, yɛ pɛli Pɛlɛ́ tɔɔi mą, a yai tii yələ kɔ́lɔn da yələ kɔ́lɔn mɛ̨i pələ di hva pɛli mui? Ɛlɛɛ, lə kpɔ ɓə níí kpələ gɛ́ pɛli Pɛlɛ́ tɔɔi mą, a wala kɛ kɛ́ diɛ pɛli halááɠaa kələn ɉi Nííla?

Kɔlɔnikɔ Veerɛi 6:18

Yálá a pɛli mɔ̨ɔ̨ heei nuą lɔwai ɓɛ yɛnɛ̨ɛ̨ kpɔ a neelee? Yələ kɔ́lɔn yaa kpįnįle, da yələ kɔ́lɔn mɛ̨i pələ, di hva pɛli Ə́ mu! Gu hvo mun kɛ bɛlɛi ɲɛ̨i ŋį́ dɔɔ yɛ́i!

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 132:7

'Ka gwə li bɔ, 'ka gu kwɛli hvilɛ mą nwɔ tɔɔkpəlin lííla.

Mąątɛ̨nɛ̨ 99:9

'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi!

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 60:13

Liban mąą yili hɛn a pa ə́ pɔ, nwɔ hɛanŋaai, da mahiɠaa, da nwiɛɠaa, diɛ mą́ą́wiɛ pɛlɛi lɛlɛ la, a tɛ̨ą, ɓɛi gɔ́wɔ hvilɛnŋąą laa, gáá pai nąą mąąwiɛi.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 12:6

Yaan, gáá moi kaa, yii ka káá gaai, gɛnɛ̨i dɛɛ Yálá hee pɛlɛ́ ɓa.

Maafîu 24:2

Jesus ə mo diɛ yɛ diɛ: «Kaa yiiɠaai kaa? Gáá moi kaa a tɛ̨ą, kwɛni hvo pai lɛɛi kwɛni mɛ̨i; gəlee kaa pai taɠai.»

Gɛlaɠaa 17:24

Yálái yɛnɛ̨ɛ̨ bili-bili geemɛ̨i kəlee pɛli, da ɉu hɛnŋaa, yai a yələkɔlɔn da lɔi di Nąmu, hva hee pɛlɛ́i nu kan a dɔɔ a ɲee mu.