Azaya 65:6 - Yálá laawoo hɛɓɛ (dc)

⁶ Ka nɛɛ lɔ laa, mɛ̨nįɠaai tii kəlee pɛ̨ɛ̨ kaa ɲə́i ɲą, və́ pa nəi tɔɔ ɉu tin, hvo kɛi ŋį́ di kwələ kulɔ, ŋį́ gwələ kəlee kulɔ kpɔ ə kpɛɛ níí pɔ.

Yálá laawoo hɛɓɛ

⁶ Ka nɛɛ lɔ laa, mɛ̨nįɠaai tii kəlee pɛ̨ɛ̨ kaa ɲə́i ɲą, və́ pa nəi tɔɔ ɉu tin, hvo kɛi ŋį́ di kwələ kulɔ, ŋį́ gwələ kəlee kulɔ kpɔ ə kpɛɛ níí pɔ.

Bible

⁶ “Ŋâa gbâa berei kpɛtɛ ŋa pâi díkula maa kɛ̂i lai. Dímɛni ŋá tée wooi káa nâa kɔlɔ ma. Ḿve pâi ŋ́ɛi naɣîŋ nii m̀ɛnii da gɛ̂i, m̀ɛi. Kɛ́lɛ, ŋa pâi dífela fêi m̀ɛnii dí gɛ̀i m̀ɛni ma.

Azaya 65:6 ပူးပေါင်းရင်းမြစ်များ

Mąątɛ̨nɛ̨ 107:17

Nu taɠaa di wɔ nɛ̨ŋɛ̨nŋaa mąą mɛ̨nį ɓa, di lɛɛ kpɔ a nu kpɛli kpɛliɠaa,

Mąątɛ̨nɛ̨ 109:14

Di nąnni di wɔ nɛ̨ŋɛ̨n gili ə lɛɛ Yai-Laa ŋą, nee nwɔ nɛ̨ŋɛ̨n mąą hvaa hvo lɛɛ.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Mąątɛ̨nɛ̨ 50:3

Ku wɔ Yálái ə pa wɛ! Hvo kɛa naapilɛ! Nwɔ̨n gaa ɲɛ̨itɔwɔ, yɛ kɛɛ kələn; tulɔ hvaŋą kɛnɛ̨ ə ɓo gwɛlɛ nąą kəlee.

Mąątɛ̨nɛ̨ 56:8

Mɛ̨nį ɲɔ̨n tii mąą mɛ̨nį ɓa, da mɔ̨ɔ̨ pɛli kulɔi ɉu? Yálá ə́ wɔ liiholi ə nuąi tii hukala tai.

Mąątɛ̨nɛ̨ 79:12

Mɔ̨nɔi ku kwɛlɛ nuą daa naa kuɔ, yili gwələ kulɔ diɛ geemɛ̨i mɛ̨ihveelɛ, ə yali di lii ɓa.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Azaya 42:14

Ŋą́ą́ lamun heeni tin, və́ kɛli hvaa, gɛ́ ɉu hon, gɛ́ ɲiŋɛ̨, vínna yɛ tɔ́n, yɛ nɛ̨ɛ̨nui gaa kwəinwąną kɛi, nɔ̨ɔ̨ heɛ lɔ gə́ŋə hu gɛ̨ɛ̨ gɛ̨ɛ̨.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Azaya 66:6

Woo kɛ̨nɛ̨ ta kaa kulɔi daa kwəi pələ, woo ta yɛ həɠə Yálá hee pɛlɛ́ mu! Yai-Laa woo li: gaa ɲoɠoɠaa túwɔ́ pələ mąą kwələ kulɔi diɛ.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Izikiɛ 11:21

Ną́mu Yálá woo li, yɛ: Kɛlaa, nuąi di kili kaa lɔ túwɔ́ bələ ɲɔ̨n bɔ pələ, da mɛ̨nį ɲɔ̨n gɛɛ, gáá pai di wɔ túwɔ́ pələ ɲɔ̨n yɛɛi a di nwun.›»

Izikiɛ 22:31

Yili ɓə gɛ, gɛ́ níí holi di pɔ, gɛ́ di paa nwɔ́ liiholi nwɔ̨n hu. Ŋą́ di túwɔ pələ kəlee wiɛ hee di nwuɔ̨. Mɛ̨nį kəlee ŋą Hééɓomun Yálá woo li.»

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Lukə 6:38

Ka ka ɓɛlaa mąą kpaan gbɛɛ, Yálá a ka mąą kpaan gbɛɛ; gaa pai gɔwɔn ɉi ə mąą kpɛŋɛn ə gboloton dɔɔ, ə bu ka yəi ɉəɠə kpɔlɔ hu. Pələi lɔ ka káá mɛ̨inɛ̨ɛ̨ kɔ́ɔn ɉi la, kaa dɛɛ nuą pɔ, bələ kpɔlɔ ɓə Yálá kaa pai gɔwɔn ɉi la, yɛ dɛɛ ka pɔ.»

Dutɛrɔnome 32:34

Mɛ̨nį ɲą́ą́ Yai-Laa ŋą́ą́ bɛli noɔ, yii gáá pai naai diɛ, ya ka:

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.