Azaya 65:23 - Yálá laawoo hɛɓɛ (dc)

²³ Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Yálá laawoo hɛɓɛ

²³ Di hvo kɛa pai di kpɔwɔ hvii kpɛɛi, yii dɔlɔ hva kɛ mą, di hvo kɛa pai lon gaai a kámą nwɔɔ. Mąąhɔlɔɓo, di kaa pai kɛi a Yai-Laa nwɔ lúwɔ lonnii, ɛlɛɛ, di mąnin ni kaa pai kɛi di pɔ.

Bible

²³ Díi-ŋai kélee kpɔ́ da pâi gɛ̂i, da pâi sɛŋ da sɔlɔ ƃôi zu. Mɛni kpɔ̂lu da fé pâi lâai dínîa-pɛlɛɛi da ma. Ŋa pâi lûwa lâai dínîa-pɛlɛɛi dîa é pɛlɛ díwɔ̂ nia-pɛlɛɛi dîa.

Azaya 65:23 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Zôo 21:8

Di huwuhu yɛ kɛnɛ̨, da diɛni diɛ lamun yɛnɛ̨ɛ̨. Di mąnįnni kəlee diɛ kɛnɛ̨ di ɲɛ̨i mu.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Azaya 49:4

Kɛlaa, nwɛ́i, ŋį́ kɛi kɛ diɛ: «ŋą́ą́ gbɔ́wɔ́ hviikpɛɛ lɔ kpɛi kpɛli, ŋą́ą́ vą́ŋą́ kəlee hu kala lɔ hvąŋą pulu, dɔlɔ hvo mą, ya pa nwɔ́ tɛ̨ą mɛ̨nį ə kɛi lɔ mą́ą́ kpɔn, Yai-Laa kwɛlɛ!» Vɛ́la ə ɓo nwɔ́ Yálái yəi.

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Azaya 66:22

Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.

Izikiɛ 36:29

Gáá pai ka wɔ mąąliɓi mɛ̨nįɠaa kəlee kulɔi kaa, gɛ́ gɛ ɓá yɛ lɛlɛ káá, vá kɛa pulu too kaa.

Levetekɔ 26:20

Ka káá lɔ pai kɛi ka kpɔwɔ hviikpɛɛi, dɔ̨nɔ̨ hva hɔlɔɓo, nɔi ɲąą hva nɛ̨ɛ̨, hɛn da hva lɛlɛ mą.

Levetekɔ 26:22

Ŋą́ lɔwɔ huwɔɠaa ŋąątɔɔ kaa, diɛ ka lonnii kulɔ ka yəi, diɛ ka wɔ taatɛlɛɛɠaai hu kala, diɛ ka paa, ka wɔ pələɠaai di kpɔlɔɔn.

Levetekɔ 26:29

Ka káá pai kɛi ka lonnii hinąą da ka lonnii nɛ̨ą mįi.

Egaa 1:6

Kaa hihɛn ɉi kɛnɛ̨, kɛlaa, ka hvo má hɔlɔɓo li tii kɛnɛ̨. Kɔ̨nɔ̨n gɛnɛ̨ hvo ka yəi, ka hvo pilɛ ɉu. Lɔɔ kɛnɛ̨ hvo ka yəi, ka hvo gbələ a ka liiɓa. Həɠə kaa ka yəi, kwɛlɛ yɛ pa kaa. Ɛlɛɛ, da kólo kɛ mun vɛla kulɔ, a naaikɛ ɓíi kpon dəɠɛɛ hu.

Egaa 2:19

Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Malasi 3:10

'Ká pa a ká hɔlɔɓo hɛnŋąą kəlee bow nąą ɉéé pɛlɛ́ mu, ə gɛ, kɔ̨nɔ̨n ə kɛ ɲə́i bɛlɛ́n. Ká yili kɛ tii, ka ɉúkɔɔn; ɲą́ą́ Yai-Laa Mɛ̨nį Kəlee ŋą Hééɓomun, akɛ vá yələkɔlɔn naa ɓo, və́ lúwɔ́ yɛɛ ka mɛ̨i a gbulu kɛnɛ̨.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Lomaŋ 4:16

Yili ɓa, laa na laa háálai ɓə Yálá ə naakwɛlan mo la, ə gɛ, yili ə kɛ a Yálá nwɔ mɛ̨inɛ̨ɛ̨ yii dɔlɔ a kɛ mą Abrahamə huwu hu nuą kəlee diɛ, nuąi di kaa tɔ́n bɔ yíi ɓoi, diɛ tɔ̨nɔ̨ lɔ hvəə, kɛlaa, ə mą kɛ, nuąi laa na laa kaa di yəi, yɛ pələi Abrahamə ə kɛ la. Abrahamə ka a gu kəlee gu nąn.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.