Azaya 65:2 - Yálá laawoo hɛɓɛ (dc)

² Ŋą́ kɛi túwɔ́ ɲéé hąŋąi, kulɔ nwoomu nu kan bɔ pələ, nuąi di hvilɛnŋąą pələ ɲɔ̨nwɔ̨ɔ̨ mɛ̨i di pɔ pələ, a diɛi tii, di hvilɛnŋąą lɔ di kpɔwɔ kiliŋąhiɛɠaa pulu.

Yálá laawoo hɛɓɛ

² Ŋą́ kɛi túwɔ́ ɲéé hąŋąi, kulɔ nwoomu nu kan bɔ pələ, nuąi di hvilɛnŋąą pələ ɲɔ̨nwɔ̨ɔ̨ mɛ̨i di pɔ pələ, a diɛi tii, di hvilɛnŋąą lɔ di kpɔwɔ kiliŋąhiɛɠaa pulu.

Bible

² Ńyee láa ƃôɔɔi nɔ́ ŋánûai perêi nyii-ŋai díŋuŋ su kpanaŋɔ̂ɔi, díkɛ mɛni nyɔ́mɔɔ kɛ̀, díkɛ tùa nɔ́ a dí kpîŋ perei, a gɛɛ dí pá ḿbɔ.

Azaya 65:2 ပူးပေါင်းရင်းမြစ်များ

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Mąątɛ̨nɛ̨ 36:4

Kɛɛ kala mɛ̨nį da nu ɓowo mɛ̨nį lɔ ɓə gaa na, mɛ̨nį lɛlɛɛ kɛ kili hvo mą.

Mąątɛ̨nɛ̨ 36:5

A kɛ ɲəi gbin ɲą, mɛ̨nį ɲɔ̨n nɔ ɓə gɛ gili a too gwəi, ganąnŋąą pələ ɲɔ̨nwɔ̨ɔ̨ ɓa a wəlii kpɔlɔlaa; hva gɛ hvo ɲee kulɔ mɛ̨nį ɲɔ̨n ɉu.

Hanwon 1:24

Yii kpɔ ŋą́ą́ ka təli, kaa diɛ kpaa, ŋą́ą́ ɲéé haŋąn nu ta hvo ɉon ni,

Hanwon 16:29

Toomɛ̨i kɛmun a mɛlan ŋąą hɛn, yɛ di hvilɛn pələ ɲɔ̨nwɔ̨ɔ̨ mɛ̨i.

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 30:1

Kpalo ɓɛlaai gulɔ nwoo mu nuąi ŋɛ̨i diɛ! Yai-Laa woo li. Da kɛ kóloɠaa kɛi, kɛlaa di hva di kɛ mą́ą́ mɛ̨nį ɓa, diɛ ɓɛlan naa kɛ, ɛlɛɛ nąą wɛli hva kɛ mą́ą́, diɛ nɛ̨ŋɛ̨n diɛ̨ tii gee mɛ̨i.

Azaya 30:9

Kulɔ nwoo mu nu huwu ka tii, lɛɛ kɛ nuą ɓaa a diɛ, di hvo bɔ di hvo di wəli tɔɔ Yai-Laa ŋą tɔ́n nwoo ɓa.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 55:8

Ka kwəi kiliɠaa di hvo yɛ gwə́i kiliɠaa, ka yii pələɠaa di hvo yɛ wɛ́iɠaai, Yai-Laa woo li.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Azaya 66:18

Ɲą́ą́ ɓə di kɛ mɛ̨nįɠaa, da di kɛ kólóɠaa kɔ́lɔn. Ŋą́ pa hįį kəlee ɲąą kpɔn ɉii, da hį́i woo kəlee, di kaa pai pai, diɛ nwɔ mąąwiɛ kaa.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Azaya 66:4

Ɲą́ą́ gbɛli mąn, gáá pai nííɓa mɛ̨nį kɛi a di mɔ̨nɔ̨ ɓo mɛ̨nį, ɉɛn da ɲɔw mą, gɛ́ ɲɛɛ a di nwun. Mąąhɔlɔɓo ŋį́ təliɓo kɛ, nu ta hvo hvaa, ŋą́ą́ hvaa, nu ta hvo nwəli tɔɔ li. Mɛ̨nįi ɲɔ̨nwɔ̨ɔ̨ ɲɛ̨́i mu, ya ɓə da gɛ. Mɛ̨nįi nwɛli kpɛɛ mą́ą́, ya ɓə di gɛ a di liiɓa mɛ̨nį.

Ɉeremi 18:12

Kɛlaa ka káá pai kɛi diɛ: «Pɛli mąą hvo ɉu, ku kaa hiɛi yɛ bələi ku kwəi kili kaa la. Ku kaa kanąn ku wɔ lii pɔ ɲɔ̨nŋaa diɛ.»

Ɉeremi 3:17

Mąą yələi tii a pa həlii; da Ɉerusalɛmə taa laa hee, diɛ kɛ mą: «Yai-Laa nwɔ tɔɔkpəlin.» Nąąlɔwai, lɔi kəlee kaa pai pai Ɉerusalɛmə pɔ, Yai-Laa laa tii di ɉee mą, mąą mɛ̨nį ɓa; ə lɛɛ, di hva kɛa di pulu pənə, di hva kɛa kanąn di wɔ nwąnąlɔɔ túwɔ́ɠaa diɛ.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Ɉeremi 5:23

Kɛlaa nu huwui ŋɛ̨i kili ka laa gwəi, di hva lɛɛ nu woo mu. Daa həɠə bələ mɛ̨i diɛ li di nwun ma.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Lonon mo 15:39

Bələ ɓə mąąnɛ̨ɛ̨ ka ka mąą həɠə kɔ́wɔ la laa la, ka kɛi gaa, Yai-Laa nwɔ tɔ́nŋąą nąą kili yɛ too ka ŋą. Ka di kaa, ka hva hvilɛn ka wɔ kiliŋąhiɛ da ka wɔ ɲɛ̨i kulɔ bɔɠaa pulu, yai a gɛ kaa Yálá woo tee ŋą.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Lomaŋ 10:21

Kɛlaa, yii hvilɛn na Israɛlə lonnii diɛ: «Yálá yɛ: ‹Yələ kəlee, nuąi kɛ di kwɛli təɛ, diɛ kulɔ nwóó mu, diɛ ɓə ɲee haŋąa kɛ di pɔ pələ.›»

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.