Azaya 65:13 - Yálá laawoo hɛɓɛ (dc)

¹³ Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Yálá laawoo hɛɓɛ

¹³ Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Bible

¹³ M̀ɛni ma ŋa m̀ôi a gɛɛ diai ḿvɛli díkɛ ŋ́oo mɛnii, da pâi mii-sɛ̂ŋ támaa miî, dí díkpele. Kɛlɛ, puru da kpele wɛ̂li da pâi ká kɛ̂i. Diai da ŋ́oo mɛnii, lii-nɛ̃̂ɛ a pâi kɛ̂i dîa, kɛ́lɛ ƃâa a pâi kulâi kâa.

Azaya 65:13 ပူးပေါင်းရင်းမြစ်များ

Mąątɛ̨nɛ̨ 34:10

Kaai a Yai-Laa nwɔ nu mąąhəɠɛɛɠaa, 'ka kwɛli hvilɛn mą a ɲɔw mąą laa; Mąąhɔlɔɓo, nui a ɲɔw mą, kanąn va hee mą.

Hanwon 13:25

Tələnmomun a kɔ̨nɔ̨n mįi, yɛ pilɛ, Kɛlaa, nwąnąlɔ nuą koo lon yɛ lɛɛ a vowolo.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Azaya 41:17

Nuąi daa di nwumɛ̨, da yee hvowolo nuą, da kɛ kpələ ya hvɛlii, Kɛlaa di hva da hɔlɔɓo, di nɛn ɲɛ kpala di la a kpələ wɛli, Ɲą́ą́ Yai-Laa, gáá pai ɲéé heei di woo mu, Ɲą́ą́i a Israɛlə nwɔ Yálá, və́ pai kulɔi di pulu.

Azaya 41:18

Lɔiɠaai kɛ di hu kpalaa, gáá pai ya kpɛa-kpɛa laai laa, gɛ́ lɔi pun mąąpənə a powa, gɛ́ yá nwun gulɔiɠaa kɛ ɓoloonŋąą hu, gɛ́ lɔi hu kpalaa mąąpənə a ya lɔi.

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 44:11

Ɉali mąą nįnįn tii, ɲeepɔɠaa kəlee kaa pai nwumɛ̨i, yai bɛli nuą kaa lɔ a nu kanŋaa! 'Di kəlee di di ɲąą kpɔn, 'di pa ɓɛ! Di nwun mįnį-mįnį kaa pai yɛɛi a diɛ, di kəlee, diɛ nwumɛ̨.

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Azaya 50:11

Kɛlaa, kaa kpɔ ɲɛ̨i nwɔ̨n doo, ka ɓo gwɛlɛ, kaa ɲąą tɛɛ. 'Ka li, ka wɔ nwɔ̨n gbɔlu yɛhɛ yɛhɛi tii hu, gwɛi kpuoɠaai ka ɉee gee ɓa, 'ka li di hɛ̨ąi. Ɲéé ɓə pai mɛ̨nįi tii laai kaa: Ka káá pai haai mɔ̨nɔ̨ hu!

Azaya 61:7

Gɛɛ ka ɲɛ̨i paa mɛ̨nį ta ə pɛlɛi mą, ka lalan nwoo yɛ too nu kəlee la kɛɛnąą kəlee ɓa, yaamun, ka káá pai hɔlɔɓoi di wɔ lɔi hu geemɛ̨i hveelɛ, ɛlɛɛ gwəinɛ̨ɛ̨ tii wɔlɔ ka kɛi gulɔ, kaa pənə kaa gulɔ.

Azaya 62:9

Kɛlaa nui kɛa a mɔ̨nun dee, a gɛ a gɔ̨nɔ̨n, diɛ Yai-Laa laa tɛ, ɛlɛɛ, nuąi da lɔɔ hɔɔ, da gbələ, ɲə́i gwəlii, nwɔ́ pɛlɛ mąąhəɠɛɛi laaləi.

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Azaya 8:21

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;

Ɉeremi 22:22

Hvaŋą kaa pai lii a ə́ ɲąąkɔn nuą, daa li a ə́ wɔ wɛliɠaai mąąkilɛ pələi. Nwumɛ̨ aa tɛ a yɛ́, ə́ ɓɛlɛ aa kpɛɛ yɛ́, ə́ wɔ kiliŋąhiɛ ɲɔ̨nwɔ̨ɔ̨ tii kəlee mąą mɛ̨nį ɓa.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Osia 4:10

Di kaa pai kɛi kɔ̨nɔ̨n mį́í hva di pilɛ, diɛ wɛli yíi ɓo, kɛlaa di hva tamą. Mąąhɔlɔɓo, daa di pulu tɔɔ Yai-Laa ɓa.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.