Azaya 65:12 - Yálá laawoo hɛɓɛ (dc)

¹² Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Yálá laawoo hɛɓɛ

¹² Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Bible

¹² Ká mɛni-ŋáteei ƃa ká sáa kɔ́ su, kpɛ́ni fêi tãi ŋá ká tòli lai, káfe fáa ní, kpaa máŋ ká káwoli tɔ́ɔ a tãi ŋálono lai. Ka gbɛ̀tɛ kákili-ŋa a gɛɛ ká ŋ́oo píli a ká kɛ́ mɛni nyɔ́mɔɔ kɛ̀ nɔ́.

Azaya 65:12 ပူးပေါင်းရင်းမြစ်များ

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Azaya 1:20

Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Azaya 10:4

Mɛ̨nįi lɔ ka pɛli gɛi, ya ɓaa, ka ka nwun vilən gɔ́ honŋąą lɔwai, ka too nuąi daa lɛɛ gɔ́ hu, di pɔ. Kɛlaa mɛ̨nįɠaai tii kəlee di mą kɛ kɛi, nwɔ liiholii hvo ni yali li bulu, ɛlɛɛ, ɲee haŋąą lɔ ni di mɛ̨i.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Azaya 3:25

Ə́ wɔ hinąąi da haa kɔ́ kɔ́ ɓɔwa yəi, ə́ wɔ kuláaɠaai di haa kɔ́ hu.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 34:5

Yai-Laa yɛ diɛ; nwɔ́ kɔ́ kɔ́ ɓɔwai aa pilɛ yələkɔlɔn ɉu pələ, gaa kɛa woloi Edɔmə ɓa, a nu huwui tii ŋį́ ɉukala mɛ̨nį gili tee gwə́i.

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Azaya 41:28

Ŋą́ ɲɛ̨́i laa, və́ nui lɔpee ta kaa li, nui kpɔ nu ə nwun dɔɔ la, hvo kɛ di lɔwai, ŋį́li kɛ nwún dɔɔ a diɛ, diɛ nwóó pulu pənə.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 59:15

Tɛ̨ą mɛ̨nį hva kaa laa, ɛlɛɛ nui a bulu tínɛ̨n mɛ̨nį ɲɔ̨n mą, da too mɛ̨i, gɛɛ tii, Yai-Laa ə nąą kaa, yili ə ɲɔ̨nwɔ̨ kpɔ ɲɛ̨i mu ha ha, a kɛi tii kiti hvo mo li laai.

Azaya 63:6

Ŋą́ lɔiɠaa kiin nííholi pələ ɓa, nwɔ́ líiholii ə di kɛlɛ, di kɛ tupɛ-tupɛ, gɛ́ di wɔ mąąwiɛ pənə a pɔlɔ.

Azaya 65:3

Nu huwui tii a túwɔ́ níí yalii gwə́i, ɲɛ̨́i kwəleen mą, di kpɔnŋąą lɔ ɉu. Da kɛ haláá kulɔi nɔw yɛaɠaa ɓa, diɛ hɛn gun nɛ̨ɛ̨ɠaa kələn pɔlɔkɔwɠaa ɓa.

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Ɉeremi 34:17

Yili mąą mɛ̨nį ɓa, Yai-Laa woo ka, yɛ diɛ: «Ka hvo lɛɛ li nwóó mu, ka hvo ka kaayɔwɔɠaa da ka nąn nonnii lɛɛ li di kpɔɔ ɓa: ‹Ɲą́ą́ gbɛli, gáá ka lɛɛ mɛ̨nį ka kpɔɔ yee kɔ́nma loloɓoi, gɛ́ ka lɛɛ ɓɔwa kwɛa yəi, da ɲɔ̨n, da pulu; Yai-Laa woo li. Gáá ka kɛi a hɛn yɛnɛ̨ɛ̨ tɔɔɓɛlaa kəlee da ɲɔw mą.›

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Ɉeremi 7:27

Ɉeremi! 'Lí ə́ mɛ̨nįɠaa tii ɲąą lɛ diɛ, ə́ ɉukulɔ diɛ; di hvo kpɛli pai di wəli tɔɔ yɛ́. 'Ə́ di təli, di hva kpɛli hvaa.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Zakari 7:7

Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.

Maafîu 22:3

Ə mo nwɔ tínuą diɛ, yɛ diɛ: ‹Ka li ka mo mɛlaa diɛ di pa ku ku laa mįi, mąąhɔlɔɓo, ɉáá ɉɛnɉaa kəlee kɛ pələ pɛli.› Kɛlaa, nuą ə di təli, di hvo gɛ di hvo pa.

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Ɉaan 1:11

Nwoo tii ə pa bɔ lɔi nuą pɔ, kɛlaa, di hvo di yee hee mu.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.