Azaya 65:11 - Yálá laawoo hɛɓɛ (dc)

¹¹ Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.

Yálá laawoo hɛɓɛ

¹¹ Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.

Bible

¹¹ “Kɛ́lɛ, a pâi kɛ̂i a da kpɛ́ni ká mɛni ma káai ka kápôlu tɔ̀ɔ ḿâ, ka nia Zãiyɔŋ ma nyii gáa a ŋá yée maa waai, kákɛ Gâa-ɣalai da Mɛni-ɣalai fɛ̂li ńyii-ŋai dí káa a ŋ̀âla-ŋai nyii-ŋai da lɔku tɛ̀ɛ núu pɔ́ díkɛ mɛni ŋá teei.

Azaya 65:11 ပူးပေါင်းရင်းမြစ်များ

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Mąątɛ̨nɛ̨ 132:13

Mąąhɔlɔɓo, Yai-Laa aa Siɔn taa həɠə ɉu, ya ɓə gaa bɔ, ə kɛ a ɉee taa;

Mąątɛ̨nɛ̨ 137:5

Ɉerusalɛmə, a kɛ ŋą́ lɛ̨ą yɛ́i, mamįiyee ə haa mą́ą́…!

Azaya 1:28

Kɛlaa, kpalo kaa pai ɓɛlai kwɛlitee nuą da nɛ̨ŋɛ̨n ɉəɠə nuą diɛ, nuąi daa di pulu tɔɔ Yai-Laa ɓa, di nwun na a pili,

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Azaya 57:13

Ya kɛi wɔlɔ, 'mo ə́ wɔ háli kpulu tamąąi tii diɛ, di ə́ ɓalo! Hvaŋą kaa pai lii a gəlee, hvaŋą hvolɛɛ kaa pai di kulɔi laa. Kɛlaa, nui a gilitɔɔ mą́ą́, gaa pai lɔi hɔlɔɓoi a gwɛlin, yɛ ŋį́ Yee mąąhəɠɛɛi hɔlɔɓo a nwɔɔ.

Azaya 65:25

Kwɛli da ɓɛlaa lon di kaa pai kɛi di laa mįi gee ɓa, yala yɛ kala mįi, yɛ niŋɛ̨, kaalə kɔ̨nɔ̨n ɲɛ lɛɛ a muluun gbala. Mɛ̨nį ɲɔ̨n, da kɛɛ kala hɛn nɔpee, da hvo kɛa pai kɛi nwɔ́ yee mąąhəɠɛɛi nwuɔ̨, Yai-Laa woo li.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Dutɛrɔnome 32:17

Diɛ haláá kulɔ ɲinɛnŋąą diɛ, diɛi di hvo a Yálá. A haliɠaa di hvo kpɛli di kɔ́lɔn, a pa wɛɛ haliɠaa, diɛi di nąnni di hvo gɔlɔn.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,