Azaya 64:8 - Yálá laawoo hɛɓɛ (dc)

⁸ Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Yálá laawoo hɛɓɛ

⁸ Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Bible

⁸ Kɛ́lɛ, óo Yâwɛɛ, yá nɔ́ ƃa Kúnâŋ. Kúkaa yɛ̂ɛ leɣi-pɔ̂rɔ, ǹyaŋ yá ƃa ǹeɣi-tɔɔ nûui. Yá ƃé kúkpɛ̀tɛ.

Azaya 64:8 ပူးပေါင်းရင်းမြစ်များ

Zôo 10:3

Ə́ kwəinɛ̨ɛ̨ mɛ̨nį ɓaa yɛ́ níí kələn gwə́i? Yɛ́ wɛli kpɛɛ mąą laa kulɔ a ə́ yee kɛ koló; Yɛ́ nu ɲɔ̨nwɔ̨ɔ̨ɠaa kɛ koló dɔlɔ kɛ mą?

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Mąątɛ̨nɛ̨ 138:8

Yai-Laa kaa pai mą́ą́ mɛ̨nį kəlee kɛi, Yai-Laa! Ə́ wɔ ɲɛ̨imąąwɛli kaa ɲɛ̨n deei hvo mą! Hvó ə́ kili kulɔ ə́ kɛ kóloɠaa hu.

Mąątɛ̨nɛ̨ 74:1

Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Lɛɛ gbɔwɔ ɓa 4:22

Yá li, yá kɛ Eziptə tɔɔmun ma: ‹Mɛ̨nii Yai-Laa ə mo ya ka, yɛ: Nón dɔlɔɔ ka ŋɛ̨i a Israɛlə.

Azaya 19:25

Núwɔ́i Yai-Laa Mɛ̨nį Kəlee ŋą Hééɓomun kaa pai dooi nɔi ɓa, ya ka: «Lúwɔ́ ə kɛ nwɔ́ lɔi Eziptə ɓa da ɉu nuą, lúwɔ́ ə kɛ Asiri ɓa, yai ŋą́ bɛli a ɲéé, lúwɔ́ ə kɛ Israɛlə ɓa, yai a gwɛ́lin!»

Azaya 29:16

Lə mɛ̨nį həɠɛɛ li a gbowola pələ! Da mɔ̨ɔ̨ pɛli ləɠi tɔɔmun ɉon ɉii yɛ ləɠi pɔlɔ? Kóló a mɔ̨ɔ̨ pɛli kɛi gɛmun mą: «Yɛ́ hvə bɛ́li?» Ləɠi kpɛli a mɔ̨ɔ̨ pɛli kɛi diɛ: «Ləɠi tɔɔmun hvo mɛ̨nį kɔ́lɔn?»

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!

Azaya 44:21

Ɉakɔbə, mɛ̨nįi ɲɛ̨i kili ə too ə́ ɲą, Israɛlə, nwɔ tímun mąą a yɛ́, ŋį́ ə́ pɛli a nwɔ tímun, Israɛlə, 'hva pɛli yá laai gɔ́lɔi.

Azaya 44:24

Mɛ̨nįi Yai-Laai ə́ nwun mąąɓo, gaa moi ya ka: a yai tii ə́ mąąkwɛli, ə́ ɓo nii ə́ lee kwəi, yɛ kɛ yɛ́: Ɲą́ą́ ɓə gáá a Yai-Laa, yai hɛn gəlee pɛli; ɲą́ą́ danɔ̨n gbən mə yələ kɔ́lɔn ɉuhvólóon, ŋį́ lɔi laa, gbɛɛ kpɔ ɓə kpɔmąą tɛɛ bɔ́?

Azaya 45:11

Yai-Laa, yaai Israɛlə pɛli, ə ɓo a Israɛlə nwɔ Mąąhəɠəmun, nwoo ka, yɛ diɛ: Kaa ɓə mɔ̨ɔ̨ pai tɔɔi, kaa gɛ́ kolóɠaa lɛ mą́ą́, nónii mąą mɛ̨nį ɓa? Kaa ɲą́ą́wooɓo ɉɛnŋąąi ŋą́ di pɛli a ɲéé, di mąą mɛ̨nį ɓa?

Azaya 45:9

Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Azaya 63:8

Ə kɛ diɛ: «A tɛ̨ą nwɔ́ nuą li, nónnii li, di hva nu ɓowo», ɛlɛɛ, ə kɛ a di nwun mąąɓomun.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Malasi 2:10

Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?

Ɉaan 8:41

Kɛlaa, ka wɛi, ka nąn dúwɔ́ pələ ka ŋɛ̨i ka káá gɛi.» Di nwoo pulu pənə diɛ mą: «Ku hvo ɓaa a wɛli lonnii, ku nąn gaa lɔ tɔ̨nɔ̨, ya ɓaa a Yálá.»

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»