Azaya 64:7 - Yálá laawoo hɛɓɛ (dc)

⁷ Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Yálá laawoo hɛɓɛ

⁷ Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Bible

⁷ Núu da fé naa a gɛɛ é tínaŋ ípɔ naa pêre, é ífɛli. Núu da fé naa é pá ípɔ naa a gɛɛ íkpɔŋ-mâ tɛɛ bɔ́. Ya íŋɛi lóo kûa, ya ípôlu tɔɔ kûa, kpɛ́ni fêi kwa sɔnyɔ̂ŋ kɛ́ a yá.

Azaya 64:7 ပူးပေါင်းရင်းမြစ်များ

Zôo 10:9

Gbaɠala kaa yɛ́, yɛ́ ɓə bɛ́li a ləɠi pɔlɔ. Ya ka ə́ kaa bɔ ə́ pənə ə́ nɔ́ pɔlɔ hu.

Zôo 8:4

Akɛ ə́ lonnii di nɛ̨ŋɛ̨n ɉəɠə mą, Ə di nwun nɛɛ di wɔ túwɔ́ pələ ɲɔ̨n ɉu.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 14:4

Mɛ̨nį ɲɔ̨n gɛ nuąi tii, di hvo mɔ̨ɔ̨ mɛ̨nį kɔ́lɔn? Diɛi nwɔ́ nu kanŋaai kɛi a di kɔ̨nɔ̨n, da kɛli kɔ̨nɔ̨n mįi! Ɛlɛɛ, di hva Yálá hvɛli!

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 27:5

Kɛlaa nui a gɛ́ a mąąkpɛmun, kwa yaa kwa liilaa mįnɛ̨ həɠə, kuɔ yɛnɛ̨ɛ̨ kɛ liilaa hu.

Azaya 45:9

Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Azaya 56:4

Mąąhɔlɔɓo, mɛ̨nįi Yai-Laa kaa moi ya ka: Gbɛtɛ kpuluwuluɠaa da kɛi nwɔ́ hvitɔɔ hvólóɠaai mąąhəɠə, di liiɓa ə ɓo a nííɓa mɛ̨nįɠaa kɛɛ, diɛ lɛɛ nwɔ́ mįnɛ̨i pulu,

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Azaya 59:2

Ka wɔ nɛ̨ŋɛ̨nŋaai ɓə, daa ka lɔwai laa, ka ka wɔ Yálá li; ka wɔ túwɔ́ pələɲɔ̨nŋaa ɓə, ɲɛ̨́i looii kaa kpɔ kwɛala, hva pɛli kɛa ka woo mɛ̨n ɉii.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Izikiɛ 22:30

Ŋą́ ɲɛ̨́i laa a nu di lɔwai, yii a pɛli bɛlɛ́ nwąną muhəɠəi; yɛ tɔɔ nííla nwolo kɛɛnąą nɔi ɓalo mɛ̨nį ɓa, və́ pa lee ɉukala; kɛlaa, və́ mąą nu kaa li.

Izikiɛ 24:11

Gwɛli ləɠi howolo hee nwɔ̨n dəŋa ɲa, ə hulɔ, gwɛli ə kpɔlu, ɉu pələ kalaɠaa di kələn, mɛnɛ̨i tii gaa mą ə kələn.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Osia 7:14

Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Osia 7:7

Di kəlee di hu kələn ŋąąi yɛ nwɔ̨n dinįi, di kaa giti tee nuą mįi, di wɔ tɔɔɓɛlaai kəlee daa too; ɛlɛɛ, nu hvo hɔlɔɓoi di lɔwai, yɛ vɛ́li.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Malasi 2:10

Akɛtii, ku kəlee ku nąn hvə mɔ̨ɔ̨ tanɔ̨n? Kɛlɛi ku pɛli Yálá kaa lɔ tanɔ̨n-ee? Akɛtii, lə mɛ̨nį ɓa, ku kwəi hvo kwələ li ku kee ɓa, ɛlɛɛ, mįnɛ̨i wɔlɔ Yálá da ku kalaɓɔlɔni di ɉəɠə, kuɔ gala?