Azaya 64:1 - Yálá laawoo hɛɓɛ (dc)

¹ Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Yálá laawoo hɛɓɛ

¹ Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Bible

¹ Eêi kɛ̀ í ŋ̀ele-kɔ̂lɔŋ láa ƃò íyeŋ ǹɔii ma, ǹyée kpaya-kayai dîi yào, díwolo, dí táa-tâa.

Azaya 64:1 ပူးပေါင်းရင်းမြစ်များ

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Mąątɛ̨nɛ̨ 68:8

Yálá! Ɓɛlɔwai ə́ kulɔ la, ə́ ɓo ə́ wɔ nuąi ɲɛ̨itɔwɔ, ka diɛni kaa hiɛ nɔi pun ɉu,

Mąątɛ̨nɛ̨ 79:10

Lə mɛ̨nį ɓa hį́i takpɛliɠaa da kɛ kɛi diɛ: «Di wɔ Yálái kaa mį?» Mąąnɛ̨ɛ̨ nuąi tii kili ə pu ɉu ku ɲɛ̨i ɓa, diɛ ə́ wɔ tínuąi tii di di paa, yili gwələ kaa pai kulɔi.

Lɛɛ gbɔwɔ ɓa 19:11

Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Azaya 41:15

Ŋą́ą́ ə́ kɛ a ɉugbun ɲąą kuláa, ə́ kaa pai yeeɠaa ɓuwɔi, yɛ́ di hu taɠa taɠa; ə́ kaa pai yee kpukpuɠaa hunwɔ̨i, yɛ di kɛ a munuun,

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Azaya 63:19

Ɛlɛɛ, ɉu aa kwɛa, ku kaa lɔ kɛa yɛ nuąi hvo ə́ wɔ tɔɔlaa kɛi di mɛ̨i, di hva kɛa ə́ laa ɓo kuɔ. E kə! Ya pɛli kɛ mą, 'ə́ yələ kɔ́lɔn ɉu ɓɛla, ə́ yɛɛ, 'ə́ gɛ yeeɠaa diɛ kpɛlin ə́ ɲɛ̨i tɔwɔ.

Amɔsə 9:13

Yai-Laa yɛ nwɔ̨nɔ̨ diɛ: Hvoló ta kaa pai həlii, mɔ̨nunŋaa da lɛlɛ, di lɛɛ deei, ɛlɛɛ la ɉu, kɛɛhii lɔwai ə ɉəli, Nuąi da kɛ viɲə ya kulɔi, diɛ gɛ a lɔɔ, da lɛɛ gulɔi, ɛlɛɛ la ɉu, viɲə hii lɔwai yɛ ɉəli. Nąąlɔwai, lɔɔ nįnɛ̨ a kɛ yɛɛi a yee kpukpuɠaa yɛ ya lon. Lɔɔ ya a hvɛɛ ə tɛ ɲeeɠaa kəlee diɛ.

Amɔsə 9:5

Nąmu Yai-Laa, Yai-Laa Mɛ̨nį Kəlee ŋą Hééɓomun, yai a ɲeekpiɛ hee lɔi ɓa, nɔi yɛ kpɛlin, mɛ̨i hee ɓo nuą diɛ mąąwɛli hee ɓo, nɔi yɛ hvɛɛ yɛ wolo yɛ ɲa lee ŋɛ̨i Eziptə lɔi hu.

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Markə 1:10

Ɓɛlɔwai Jesus ə kulɔ ɲái, ŋąąɓa, yələkɔlɔn naa ə ɓo, Kili-Mąąhəɠɛɛ ə yɛɛ mɛ̨i yɛ tonwələn.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.