Azaya 63:8 - Yálá laawoo hɛɓɛ (dc)

⁸ Ə kɛ diɛ: «A tɛ̨ą nwɔ́ nuą li, nónnii li, di hva nu ɓowo», ɛlɛɛ, ə kɛ a di nwun mąąɓomun.

Yálá laawoo hɛɓɛ

⁸ Ə kɛ diɛ: «A tɛ̨ą nwɔ́ nuą li, nónnii li, di hva nu ɓowo», ɛlɛɛ, ə kɛ a di nwun mąąɓomun.

Bible

⁸ Yâwɛɛ è m̀o ǹyɛɛi, “Díkaa a ŋánûa, dífe pâi ḿbɛlɛ̂i.” M̀ɛni ma, è díŋuŋ mâ ƃò,

Azaya 63:8 ပူးပေါင်းရင်းမြစ်များ

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Mąątɛ̨nɛ̨ 106:21

Di lɛ̨ą Yálá ɓa, yaamun tii a di nwun mąąɓomun a yai mɛ̨nį ɲɛ̨i kɛ̨nɛ̨ɠaa kɛ diɛ, Eziptə lɔi hui.

Lɛɛ gbɔwɔ ɓa 14:30

Volói tii ɓə Yai-Laa ə Israɛlə lonnii nwun mąąɓo la, ə di kulɔ Eziptə nuą yəi. Ɛlɛɛ, Israɛlə lonnii ɲɛ̨i heɛ Eziptə nuą diɛ, diɛ haa gboloyá hu.

Lɛɛ gbɔwɔ ɓa 24:7

Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 19:20

Di kaa pai kɛi a Yai-Laa Mɛ̨nį Kəlee ŋą Hééɓomun mąą kɛla da gɔlɔn ɉɛn Eziptə lɔi hu. Nuą pai woloi Eziptə ɓa, diɛ kɛ di hee di mɛ̨i, Eziptə nuą da tómą Yai-Laa pɔ pələ, gaa pai di ɓalomun dɛɛi di pɔ, yɛ di mąą kɔ̨nwɔ̨, yɛ di kulɔ ɲəi kɛ.

Azaya 3:15

Lə mɛ̨nį ɓa ka hee nwɔ́ nu huwui mɛ̨i, kaa mąąwɛli nuą hon a di ɲɛ̨i paa pələ? Nąmu Yai-Laa Mɛ̨nį Kəlee ŋą Hééɓomun woo li!»

Azaya 41:8

Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Azaya 51:4

'Ka ka ɲɛ̨i hee mą́ą́, kaai a ŋi nu kanŋaa, ŋi taai hu nu kan, ə́ wəli tínɛ̨n nɔ bɔ pələ: Mąąhɔlɔɓo, ɲą́ą́ ɓə pai tɔ́n naai, nwɔ́ kitii kaa pai kɛi a yɛnɛ̨ɛ̨ nuą di wɔ kɛɛ pɔ̨nɔ̨!

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Azaya 60:16

Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Azaya 64:9

Yɛ́ taa mąąhəɠɛɛɠaa daa lɛɛ a lɔi pun, Siɔn taa aa lɛɛ a gboloon, Ɉerusalɛmə ɲɛ̨i aa paa.

Ɉeremi 14:8

Israɛlə kilitɔɔi ɓaa yɛ́, mąąwɛli mɛ̨nį a həli kuɔ, yɛ́ ɓə yá kulɔ ɉu, lə ɓə kɛ, yaai, ə́ kaa túwɔ́i yɛ yá kɛ a nwea nɔi? Yɛ ya kɛ a hiɛ kulɔ mun, yii gaa lɔ kpinį tɔ̨nɔ̨ kɛ?

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Sofoni 3:7

Ŋą́ mo gbɔ́wɔ́ ɓa, gɛ́ kɛ diɛ: «Ɉerusalɛmə, ə́ wɛi, ə́ kaa kiɛ pai mą́ą́wiɛi, ə́ ə́ wəli tɔɔ ə́ hutɔɔ woo ɓa.» A gɛ tii, nwɔ pɛlɛ́i hvo pai pui. Kɛlaa, mɛ̨nį ɓo pələ diɛ tɛitɛi, diɛ mun, di wɔ mɛ̨nį ɲɔ̨n gɛ yee ta lɔ ɓə kɛi pɛlɛi mą.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Lomaŋ 11:28

Bələi Ɉuifəɠaa di lənə la nwɛlɛɛ lɛlɛɛ ɓa, di kɛ a Yálá ɲowoɠaa yili ɓə kɛ a ka wɔ nwun na nɛ̨ɛ̨, kɛlaa, akɛ gwa Yálá nwɔ mɛ̨nį pɛliɛɛ kaa, di kaa a Yálá liiɓa nuą di nąnni pɔlɔɠaa mąą mɛ̨nį ɓa.

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.

Dutɛrɔnome 32:5

Kɛlaa, ka wɛi, kaa kɛ a nu huwu kalaa, kaa ka kpɔwɔ kɔ́hɔɓo, kaa həɠə tɛ̨ą pulu, kaa kulɔ nwɔ lon naa hu, ka mąą nwumɛ̨ li!

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Kolosə 3:9

'Ká hvo kɛa lɛɛ kɛ ka keeni diɛ, mąąhɔlɔɓo, gɔlɔ pɔlɔ-pɔlɔi kɛ káá, káá gulɔ káá, da ɉu yííɓo pələ;

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.