Azaya 63:7 - Yálá laawoo hɛɓɛ (dc)

⁷ Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Yálá laawoo hɛɓɛ

⁷ Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Bible

⁷ Ŋa pâi Yâwɛɛ ŋɔwɔ́lɔ-wɔlɔ wɛ̂li-kɛ-maai maa mɛ̂ni ƃôi. Ŋa ǹáa maa tɛ̂i é pîlaŋ la m̀ɛnii a gɛ̀ kûɛi, mɛni ma. A lûwa láa kpɔ́ Eezuɛ ma a ŋ̀ánaa ŋɔwɔ́lɔ-wɔlɔ wɛli-kɛ-maai da ŋɔmaloŋ kâa laai mɛ̂ni ma.

Azaya 63:7 ပူးပေါင်းရင်းမြစ်များ

Tɔɔɓɛlaa dɔlɔɔ 8:66

Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Kɔlɔnikɔ Veerɛi 7:10

Ɲąnin mɛ̨ihveelɛnąą nwɔ pow hveelɛ kɔ́w haaɓa yələ, ə ɓo ɲee pɔ nuą diɛ, nu kəlee diɛ li di yəi bɛlɛ́ɠaa laaləi a kwəinɛ̨ɛ̨, di liinɛ̨ɛ̨i kɛ mɛ̨inɛ̨ɛ̨ Yai-Laa ə Davidə ɓa, da non Salomɔn, ə pɛlɛ la nwɔ nu huwui Israɛlə kəlee ɓa.

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Nehemi 9:27

Yili ɓə gɛ, 'di too di yowo yee kɔ́nma, a di mɔ̨nɔ̨ laa di mɛ̨i, da kɛ tii mɔ̨nɔ̨ hu, di kɛi tomą ə́ pɔ pələ, ə lɛɛ, yɛ́ lɛɛ yələi pələ, yɛ́ di woo mɛ̨n. Ə lɛɛ, ə́ wɔ ɲɛ̨imąąwɛli kaa hu ə́ kɛi di nwun mąąɓo nuą tɛɛ di pɔ, yiliɠaai diɛ di kulɔ di yowoɠaa yəi.

Nehemi 9:31

Kɛlaa, ə́ wɔ wɛlikɛmąąlaa kɛnɛ̨ɛ mąą mɛ̨nį ɓa, hvo kɛ ə́ kili kulɔ li di hu, hvo kɛ di nwun na pili li; mąąhɔlɔɓo, ə́ kaa a wɛlikɛmąą Yálá, yɛ́ nu ɲɛ̨imąąwɛli kaa.

Nehemi 9:35

Ɓɛlɔwai di kɛi di wɔ tɔɔlaa kɛ la, di ɓo nwun na nɛ̨ɛ̨ kɛnɛ̨ɛ ə́ dɛɛ di pɔ ɉu, nɔi kɛnɛ̨ɛ yii kɔ̨nɔ̨n a lɛlɛ ɉu, yii ə́ naa di lííla, di hvo gɛ di hvo di yee kulɔ di kɛ mɛ̨nį ɲɔ̨nŋąą hu, di hvo tii yɛ́.

Mąątɛ̨nɛ̨ 103:2

Nį́i, Yai-Laa mąąwiɛ, 'Hvó lɛ̨ą ɲəi mɛ̨inɛ̨ɛ̨ ta lɔpee ɓa.

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Mąątɛ̨nɛ̨ 107:21

Di Yai-Laa kulɔ mɛ̨nįnwoo ɓa laa tɛ kan, da gbalo mɛ̨nįɠaai ə di kɛ nukanŋąą diɛ.

Mąątɛ̨nɛ̨ 107:31

Di Yai-Laa nwɔ kulɔ nwoo ɓa laa laa tɛ, ɛlɛɛ, kpalo mɛ̨nįɠaai ə gɛ nukanŋaa diɛ mąą mɛ̨nį ɓa.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Mąątɛ̨nɛ̨ 145:7

Mɛ̨inɛ̨ɛ̨ kpɛa kpɛai ə́ gɛ, di kaa pai kɛi mąą hɛli pui, diɛ ə́ wɔ tələnmolaa mąą kwəinɛ̨ɛ̨ kulɔ.

Mąątɛ̨nɛ̨ 25:6

Yai-Laa, bələi yá kulɔla ə́ woo ɓa, yɛ́ nu ɲɛ̨imąąwɛlikaa, Ə́ kiliŋąhiɛ yili ɓa a yələ kəlee.

Mąątɛ̨nɛ̨ 51:1

Nwələ ɲɛ̨itɔwɔmun. Davidə nwɔ wələ.

Mąątɛ̨nɛ̨ 63:3

Ə́ kaai ŋį́ mo ə́ hee pɛlɛ́ mu, náá taɠaai lɔ kɛ poo, ɲɛ̨́i həɛ kɛ ə́ hvąŋą, da ə́ wɔ mąąwiɛ ɓa.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Mąątɛ̨nɛ̨ 92:2

Mɛ̨nį ɲąąnɛ̨ɛ̨ ɓaa a Yai-Laa laa tɛ mɛ̨nį, ɛlɛɛ, guɔi Ə́ laa toɔ a wələ ɲąąnɛ̨ɛ̨ ɓə tai, Hɛn Gəlee Mɛ̨imun Yálá!

Lɛɛ gbɔwɔ ɓa 18:9

Mɛ̨inɛ̨ɛ̨ kpɔ Yai-Laa ə gɛ Israɛlə nuą diɛ, yɛ di kulɔ Eziptə luwɔlaa hu, Ɉetro kwəi ə nɛ̨ɛ̨, mąą mɛ̨nį ɓa.

Azaya 26:13

Yai-Laa ku wɔ Yálá, ku ɲąąwooɓo nuą takpɛliɠaa daa hee ku mɛ̨i, Kɛlaa, Ə́ laa tɛ mɛ̨nį lɔ ɓə ku kaa pənəi kuɔ mo.

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Azaya 54:7

Ŋą́ ɲéé kulɔ lɔ ə́ mu a lɔwai logolo, Kɛlaa, gáá pai pənəi gɛ́ ə́ lonnii ɲąąkpɔn a wɛli kɛmąą laa; vįi hvo pai kpɛɛi yili kɛi.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 64:5

Ku kəlee ku kɛ yɛ nu kɔ́hɔɓoɔ, ku wɔ təlimo túwɔ́ɠaa kəlee di kɛ yɛ həɠə kɔ́hɔɓoɔ, ku kəlee kwaa yohva yɛ laakpala, ku wɔ túwɔ́ pələ ɲɔ̨nŋąą diɛ li a kuɔ yɛ hvaŋą.

Woolaa 3:32

A mɔ̨nɔ̨ laa nu mɛ̨i, a tinɛ̨n ə ɲɛ̨i mąąwɛli kaa, nwɔ ɲɛ̨imąąwɛlikaa kɛnɛ̨i.

Osia 2:19

Ŋą́ Baalə wooi tii kulɔ na, di hva mąn kɛa di laa ɓo.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Maafîu 7:11

Ka nu ɲɔ̨nwɔ̨ɔ̨ɠaai ŋɛ̨i, akɛ ka pɛli hɛn nɛlɛɛ tɛɛi ka lonnii pɔ, gu hvo mun kɛ ka Ną́n gaa yələkɔlɔn ɉu! Nwɛi a hɛn nɛlɛɛ tɛɛ nwɛlikɛmąą lonnii pɔ yiiɠaai da vɛli.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Ifisiɛŋ 2:4

Kɛlaa, Yálá nwɔ wɛlikɛmąą laa kɛnɛ̨i, nwɛlikɛmąą laa tii hu ɓə ə gu ɲɛ̨imąąwɛli kaa la,

Timote dɔlɔɔ 1:14

A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.