Azaya 63:6 - Yálá laawoo hɛɓɛ (dc)

⁶ Ŋą́ lɔiɠaa kiin nííholi pələ ɓa, nwɔ́ líiholii ə di kɛlɛ, di kɛ tupɛ-tupɛ, gɛ́ di wɔ mąąwiɛ pənə a pɔlɔ.

Yálá laawoo hɛɓɛ

⁶ Ŋą́ lɔiɠaa kiin nííholi pələ ɓa, nwɔ́ líiholii ə di kɛlɛ, di kɛ tupɛ-tupɛ, gɛ́ di wɔ mąąwiɛ pənə a pɔlɔ.

Bible

⁶ Ŋá ńii ŋwàna, ŋá sía ǹɔii-ŋûŋ-ŋai mɛi, ŋá dítaa-tâa. Ŋá díŋãa pû ǹɔii ma.”

Azaya 63:6 ပူးပေါင်းရင်းမြစ်များ

Zôo 21:20

Diɛ kpinįi di ɲɛ̨i ə tɔɔ di hu kala mɛ̨nį hu, di Huwalawala Kəlee Nąmu nwɔ líiholii kɔ́ɔn di gaa.

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

Mąątɛ̨nɛ̨ 75:8

Yálá ɓə a kiti tee, yaa lɔ ɓə a nu mąą yɛɛ, yɛ nu nwun muhəɠə.

Azaya 22:5

Mąąhɔlɔɓo, Nąmu Yai-Laa Mɛ̨nį Kəlee ŋą Hééɓomun aa yələ ɲɔwɔ̨ɔ̨ laa ɓɔ ku mɛ̨i, a ɲɔw kɛnɛ̨ nwɔ yələ, a nuą pu yələ, nu hu yɛ pu mą, Ɉį́į kaa ɓoloon ŋą hįį kpoloon ta aa pu, tómą woo yɛ tɔɔ ɲee nwuɔ̨.

Azaya 29:9

Ka kwəi ə pili kaa, hvaa hvo kulɔ ka la, ka ɲɛ̨i ə pu, ka lɛɛ lɔ kɛa tii; ka kɛ tɔɔi takpa takpa, kɛlaa hva kɛ a lɔɔ laa pɔɔ, ka kɛ ka yee pɛlɛi ɓɛ-ɓɛ, Kɛlaa lɔɔ laa hva kɛ ɉu.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 34:7

Nąąlɔwai, lanŋąą, nįŋɛ̨ hilɛ gbɔnŋąą da nįŋɛ̨ hilɛɠaa di kaa pai tooi, nɔi kaa pai pilɛi ɲąmą hu, munuun gbala yɛ pilɛ nu wulɔ hu.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Azaya 65:12

Ɲą́ą́ nwɛ́i, gáá ka tɛɛi a kɔ́ kɔ́ ɓɔwa kɔ̨nɔ̨n, ka kəlee, ka káá pai pui ka kpəlin na, diɛ ka nwun dee! Mąąhɔlɔɓo, ŋą́ təliɓo kɛ, ka hvo nwóó mu hon, ŋį́ pələ ɓo, ka hvo ka wəli tɔɔ li. Yii ɲɔ̨nwɔ̨ɔ̨ ɲɛ̨́i mu ya ɓə ka gɛ, ɉɛn nwɛli hvo mą́ą́, ya ɓə ka gɛ a ka liiɓa hɛn.

Ɉeremi 13:13

Yá bulu pənə diɛ, yɛ́ diɛ: ‹Yai-Laa yɛ: Nɔi ŋɛ̨i hu nuą kəlee, di wɔɔ tɔɔɓɛlaai di kaa a Davidə huwu, diɛi heeni nwɔ tɔɔkpəlin mɛ̨i, ɉaláá laa həli nuą mąn, da Yálá kwəi mɛ̨nį hukulɔ nuą mąn, da Ɉerusalɛmə nuą kəlee; gáá pai gəlee kɛi yɛ lɔɔ honŋaa.

Woolaa 3:15

Aa góó laahvɛɛ a kala nwąną nwąną aa ɉón.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.