Azaya 63:18 - Yálá laawoo hɛɓɛ (dc)

¹⁸ Ə́ wɔ nu huwu mąąhəɠɛɛi lɔ mɛ̨nį nɔi ɲɛ̨i hu, hvo kɛi a mɛ̨nį hu kwɛaa mɛ̨nį. Ya ka ku yowoɠaa daa ə́ wɔ pɛlɛ mąąhəɠɛɛi wolo!

Yálá laawoo hɛɓɛ

¹⁸ Ə́ wɔ nu huwu mąąhəɠɛɛi lɔ mɛ̨nį nɔi ɲɛ̨i hu, hvo kɛi a mɛ̨nį hu kwɛaa mɛ̨nį. Ya ka ku yowoɠaa daa ə́ wɔ pɛlɛ mąąhəɠɛɛi wolo!

Bible

¹⁸ Ípɛrɛi è kɛ̀ ínûa maa waai yêei a tãi lòŋ, kɛ́lɛ díkpɔara-ƃelai dí pá dí ǹaa sòŋ dí ǹaa su kara.

Azaya 63:18 ပူးပေါင်းရင်းမြစ်များ

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Azaya 63:19

Ɛlɛɛ, ɉu aa kwɛa, ku kaa lɔ kɛa yɛ nuąi hvo ə́ wɔ tɔɔlaa kɛi di mɛ̨i, di hva kɛa ə́ laa ɓo kuɔ. E kə! Ya pɛli kɛ mą, 'ə́ yələ kɔ́lɔn ɉu ɓɛla, ə́ yɛɛ, 'ə́ gɛ yeeɠaa diɛ kpɛlin ə́ ɲɛ̨i tɔwɔ.

Azaya 64:10

Ku wɔ pɛlɛ mąąhəɠɛɛ-ɲɛ̨i tɔɔi tii, a ɓɛi ku nąnni di kɛli ə́ mąą tɛnɛ̨ wələɠaa too laa, daa nwɔ̨n bili ɉu, aa gələn, ɛlɛɛ, ɉɛnŋąąi kpɔ kɛ ku kanąnŋąą diɛ, gəlee hu aa kala.

Azaya 64:9

Yɛ́ taa mąąhəɠɛɛɠaa daa lɛɛ a lɔi pun, Siɔn taa aa lɛɛ a gboloon, Ɉerusalɛmə ɲɛ̨i aa paa.

Ɉeremi 12:10

Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Woolaa 4:1

Gɛ pələ a kɛ ləi yai, Hɛnii a hvələ a ɉɛn ɲɛ̨itɔɔ tii, ɲɛ̨i aa pu-oo? Gɛ pələ a kɛ ləi yai ɉaláá kwɛni mąąhəɠɛɛɠaa tii, daa taga-taɠa gwəliɠaa lɔwai?

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Danîa 8:24

Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Amɔsə 7:9

«Ɓɛiɠaai kpɔ Isaakə huwu a kɛ hali kɔ́i laa, gáá nąą kəlee taɠai. Gáá Israɛlə nu huwu di wɔ haláá kulɔiɠaa taɠai, ɛlɛɛ, ŋį́ pɛlɛ Ɉeroboamə yəi bɛlɛ́n nuą diɛ a kɔ́.»

Maafîu 24:2

Jesus ə mo diɛ yɛ diɛ: «Kaa yiiɠaai kaa? Gáá moi kaa a tɛ̨ą, kwɛni hvo pai lɛɛi kwɛni mɛ̨i; gəlee kaa pai taɠai.»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Dutɛrɔnome 26:19

Nu huwui kpɔ ə bɛli yɛnɛ̨ɛ̨, aa ka həɠə ɉu, gəlee lɔwai, yɛ ka laa tɛ, yɛ ɓaalɔ kaa, yɛ ka kɛnɛ̨, kaa kɛ la a nu huwu mąąhəɠɛɛ, a Yai-Laa ka wɔ Yálá nwɔ nu huwu yɛ bələi ə nwoo kwɛlɛ la.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.