Azaya 63:12 - Yálá laawoo hɛɓɛ (dc)

¹² A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Yálá laawoo hɛɓɛ

¹² A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Bible

^12-13 Mí ƃé Yâwɛɛ nyii mɛni kpaya-kpaya kɛ̀ a ŋɔwála-wâla laai Mose sarâi, gɛ́ ǹyuoi ŋáa kɔ̀lɛ, gɛ́ tɔ̀ɔ ŋɔnûai túɛ díkɛ tɛ̀ɛ ǹyái loai a gɛ́ɛ ǹûa díkɛ ǹáa maa tɛ̂ wɔ́lɔ-wɔlɔ da wɔ́lɔ-wɔlɔ.” Yâwɛɛ kɛ́ɛ dítuɛi, díkɛ̀ siâi, dífa kâreŋ yɛ̂ɛ lɔɔ-sôo-ŋa ƃé kîrɛ siɣêi, dífa kâreŋ.

Azaya 63:12 ပူးပေါင်းရင်းမြစ်များ

Tɔɔɓɛlaa dɔlɔɔ 8:42

Mąąhɔlɔɓo, di kaa pai kɛi ə́ laa kɛnɛ̨ mɛ̨nį bələ mąn ɉii, da ə́ wɔ huwalawala mɛ̨nį; mąą nu a pa bɛlɛ́i ŋɛ̨i pɔ, yɛ ə́ hvɛli,

Nehemi 9:10

Ə́ mɛ̨nį kpɛa kpɛaa da kpalo ɓɛla Eziptə tɔɔmun ma, da nwɔ ɲɛ̨itɔwɔ nuą kəlee. Mąąhɔlɔɓo, gbaɠala ə kɛ yɛ́, yɛ́ di kpɔɔ ŋąą kɛnɛ̨ pələ, di di mɔ̨nɔ̨ ɓo. Ə́ ə́ kpɔɔ laa tɛ, yɛ pələi gaa la, ə mą kɛ háákələi.

Nehemi 9:11

Ə́ gboloyá ɓɛlaɓo ɉąą di tɔwɔ, di tɛɛ laa a di kɔ́wɔ mąą kpalaa. Nuąi kɛi di kpɛ, ə́ di pili ɲa kpon ɉu yɛ kwɛni kpuwulu.

Mąątɛ̨nɛ̨ 78:13

Ə gboloyá ɓɛlaɓo ɉu hveelɛ, di tɛɛ ɉu; ə ɲáɠaa tɔɔ yɛ pɛlɛ́ nwąną.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Lɛɛ gbɔwɔ ɓa 15:13

Yáá Ə́ wɔ nu huwui nwun mąąɓo, a wɛlikɛmąąlaa, a huwalawalalaa, Yáá tɔɔ di tɔwɔ, Yɛ́ li a diɛ ɓɛi ə́ wɔ Mąąhəɠəlaa kaa heeni laa.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Azaya 11:15

Bələi tii Yai-Laa ə Eziptə ya kpɛa-kpɛa kpala la, bələ ɓə gaa pai haŋąi la Eufratə ɲa lee ɓa, ə ɲąąkwɛlɛ ɉu a ya pɛlɛɛ mɛ̨ihveelɛ, nuą diɛ pɛli deen ɉii di kɔ́wɔ ŋą.

Azaya 43:16

Yai-Laa woo ka, yai pələ laa gboloyá hɛ̨ąi, yɛ nu tɛɛ kpaalə kulɔ ya hvɛɛɠaa hu.

Azaya 44:27

Ɲą́ą́ ɓə ŋą́ kɛ gboloyá ɓa: «'Kpala, gáá pai yá kpɛa kpɛaɠaa kpalai!»

Azaya 51:10

kɛlɛi yɛ́ lɔ ɓə nwɔ̨nɔ̨ gboloyá kpala, yii gaa a moloon gɛnɛ̨ɛ hu yai, gbɛɛ ɓə pələ laa gboloyá ɲa kɔ́w ɓa, ə gɛ nuąi di nwun mąą aa ɓo diɛ pɛli tɛɛi laa?

Azaya 55:13

Towələ wuluɠaa kaa pai ɓɔn ɉii, ɓɛi ɲąąlən ə kɛ laa; tow yɛ kulɔ ɓɛi didi-hɔ̨ɔ̨-hɔ̨ɔ̨ ə kɛ laa, yili kaa pai kɛi a Yai-Laa laa tɛ mɛ̨nį, a gɔlɔn ɉɛn, a yələ kəlee da nwɔɔ, gili hva kpɛɛ nuą ŋą.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 32:20

«Ə́ kpalo mɛ̨nįɠaa da mɛ̨nį kpɛa kpɛa kɛ Eziptə lɔi hu, dɔlɔ kaa ni kuɔ, háá ɓa háá, yaa ə́ kpɔɔ laa tɛ Israɛlə lɔi hu, da yɛnɛ̨ɛ̨ nuą lɔwai. Ku ɲɛ̨i ɓa mɛ̨nį li háákələi.

Ɉeremi 32:21

Ə́i wɔ nu kpului Israɛlə kulɔ Eziptə lɔi hu, a kpalo mɛ̨nįɠaa, da mɛ̨nį kpɛa kpɛa kɛɛ, a ə́ hvaŋą kɛnɛ̨, a ə́ yee kɔ́ŋɔn ɉu walawalaa; yɛ nuą kwəi pili diɛ.

Lomaŋ 9:17

Bələ ɓə Ɉɛɓɛ́ ə mo la Eziptə tɔɔmun ma, yɛ mą: «Ŋą́ ə́ kɛ a tɔɔmun, ə gɛ, ŋą́ nwɔ́ huwalawalaa lɛ ə́ yee hu, lɔi mɛ̨i nuą kəlee di náá kɔ́lɔn.»

Zasua 3:16

nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.