Azaya 63:1 - Yálá laawoo hɛɓɛ (dc)

¹ Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Yálá laawoo hɛɓɛ

¹ Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Bible

¹ “Gbɛ̂ɛ ƃe ŋí m̀aa ɣiriɛ̂ɛi kpɔ́ ŋí a ǹɛ́lɛɛ ŋɔyokpo kpɔ̂lui su, gɛ́ kùla Boza taa-leei su Idɔŋ lɔii-kpiniŋ su a wála-wâla-laa gɛ́ pâi?” Yâwɛɛ ká tí, ŋ̀wála-wâlaai a gɛ́ɛ é ŋɔnûai ŋuŋ-ma ƃó. Gáa pâi a gɛ́ɛ é ŋɔkpɔara-ƃelai yée mɛi ɣále tuŋ too da ŋɔŋuŋ-maa ƃô wala-wala-laai.

Azaya 63:1 ပူးပေါင်းရင်းမြစ်များ

Zɛnɛse 36:33

Bɛla haa pulu, Zera lon Yovavə ə tɔɔlaa kɛ Edɔmə lɔi hu, bɔ taai laa ɓaa kɛ: Bɔsra

Zɛnɛse 49:11

Gaa pai nwɔ hoohvaalən gbulɔn ɉii viɲə ɓá; yɛ nwɔ hoohvaalən non kpulɔn viɲə kpɔmɔ̨ ɓá. A mąą həɠə waa a lɔɔ, yɛ nwɔ gbaawi mąąhəɠəən viɲə ɲąmą hu.

Kɔlɔnikɔ Maa-ŋuŋ 1:44

Bɛla haa pulu, Zera lon Yovavə yai həɠə Bɔsra, ya ɓə hee a dɔɔmun.

Mąątɛ̨nɛ̨ 108:13

'Pa, ə́ kpɔnmąą tɛɛ ku pɔ, ku yówóɠaa tɔwɔ. Mąąhɔlɔɓo, nukan nwɔ kpɔnmąą a nu ɓowó.

Mąątɛ̨nɛ̨ 137:7

Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.»

Mąątɛ̨nɛ̨ 65:6

Yá ku woo mu hon, a mɛ̨nį ɲɛ̨i kɛnɛ̨ kpɛa-kpɛaɠaa, Yɛ́i a ku ɓalo Yálá; Liilaa yɛnɛ̨ɛ̨ ɓə lɔi kɔ́lɔ kəlee, ə həli kpɔ la kwɛaala gboloyáɠaa diɛ.

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Wɛli 6:10

Yili mąą nɛ̨ɛ̨nui ɓaa gbɛɛ? Mąąhəɠɛɛ yɛ yələɓɔi kɛɛ pɔ̨nɔ̨, nɛlɛɛ yɛ ɲąnin vələ, yɛ lən yɛ hvóló tɛɛ nwun ma. Mąą ɲɔwuɔ yɛ kɔlaɠa a kɛ ɲəi ɉilɛyili mu.

Wɛli 8:5

Nɛ̨ɛ̨non nɛlɛ ɓə ŋɛ̨i həɠəi nɔi pun ɉu pələi, ɲee ə ɓo nwɛlikɛmąąmun ɲəi? Gu həliɛ mangolon nwulu mu, ɓɛi ə́ lee əí mąą koo həɠə laa, ɓɛi ə́ lee əí hɔlɔɓo laa, ŋą́ ə́ nwun naa.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Azaya 34:1

'Lɔiɠaa! 'Ka lɛɠɛ ɓɛ! 'Ka ka wəli tɔɔ! Yɛnɛ̨ɛ̨ nuą! 'Ka ka wəli tɔɔ kpɔ a nɛlɛɛ! Lɔi da ɉu hɛnŋąą kəlee di di wəli tɔɔ; yɛnɛ̨ɛ̨ pilɛɛ gee mɛ̨i da ɉu lonnii kəlee.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 42:3

Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Azaya 9:5

Gbala ə tɔɔ, gwaa lon ɉɔlɔɓo, daa lon ɉulɔnu tɛɛ gu pɔ, heeɓolaa kaa ɲəi; naa ɓaa a: Liɛwoo kɛmun nɛlɛɛ, Huwalawala Yálá yələ kəlee Ną́n, Liilaa Tɔɔmun.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 48:24

Keriyotə, Bɔsra, Moabə taa kəlee lɔ, ə kɛ kwɛaa la, ə kɛ kpuɔla.

Ɉeremi 49:13

Yai-Laa woo li, gáá gwɛ́lai a gbɔ́ɔ́ kpinį lee, Bɔsra kaa pai lɛɛi a lɔi pun, a taa kpoloon, diɛ gɛ a lalan ɉɛn, da nɛ̨ŋɛ̨n naa hɛn. Daaɠaa kpɔ ɲee hu di kaa pai lɛɛi a taa kpoloon, a yələ kəlee da nwɔɔ.»

Izikiɛ 25:12

«Mɛ̨ni kəlee ŋą Hééɓomun Yálá woo ka, yɛ: Edɔmə ə túwɔ a ɲɔ̨nwɔ̨ɔ̨, ə mɛ̨nį ɲɔ̨nwɔ̨ɔ̨ kɛ a Ɉuda nwɔ pɛlɛ́i. Ə ɉɔn gɛ, a nwąnąi tii ə gulɔ,

Izikiɛ 35:1

Yai-Laa ə hvaa bɔ́, yɛ mą́ą́:

Izikiɛ 38:17

Mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Yɛ́ ɓə ŋį́ kɛi ə́ mąą mɛ̨nį ɓo; wɔlɔ wɔlɔ mɛ̨nį li; gwə́i mɛ̨nį hu kulɔ nuą, diɛ gwə́i mɛ̨nį ɓo, yɛ hvilɛn yɛ́; kwɛlan damąą yee mu, diɛ kɛ gáá pai pai a yɛ́, yɛ́ pɛlɛ diɛ a kɔ́.

Abdiasə 1:1

Mɛ̨nįi Abdiasə ə gaa. Mɛ̨nįi Nąmu Yai-Laa ə mo yɛ hvilɛn na Edɔmə lɔi ɓa, ya ka, yɛ mą: Kwaa wɛlɛɛ ta mɛ̨n yɛ həɠə Yai-Laa pɔɔli, daa wɛlɛɛ ɓomun da tɔɔ hį́i takpɛliɠaa pɔ, nwɛlɛɛ ɓomun tii, ku nwoo mɛ̨n, yɛ kɛ mą: «Yai-Laa yɛ diɛ: ‹Ka ka muhəɠə! Ka gu gu muhəɠə! Ka gu kɔ́ pɛlɛ Edɔmə lɔi ɓa.›»

Abdiasə 1:9

Tema taa, ə́ wɔ kɔ́kulááɠaai hu a pu diɛ, ɛlɛɛ, da ə́ pɔ lɔi kɔ́kulááɠaa kəlee paa, Esau nwɔ yeeɠaai ɓa.

Sofoni 3:17

Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Maafîu 21:10

Ɓɛlɔwai Jesus ə lɔ la Ɉerusalɛmə, daa kɛ pələ wiɛ-wiɛ, daai nuą kəlee di kɛi kɛ diɛ: «Nu lə kɛɛ ɓəi?»

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

M̀ɛni-lɛɛi 19:13

Həɠə kwɛaa ta ə kɛ gwąną, daa nɔ ɲąmą hu, ɛlɛɛ, naa ɓaa kɛ a: «Yálá laawoo.»