Azaya 62:8 - Yálá laawoo hɛɓɛ (dc)

⁸ Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Yálá laawoo hɛɓɛ

⁸ Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Bible

⁸ Yâwɛɛ a kono-têe kpanaŋ kɛ́ Zerusâlɛŋ mɛni ma. Ǹyaŋ vé pâi ŋ̀óo siɣêi pôlu ŋɔwála-wâla laai mɛ̂ni ma. È m̀o ǹyɛɛi, “Fé pâi ǹɛɛ̂i naa kási-sãai m̀á da é kɛ́ a kákpɔra-ƃelai kɔ́nɔ̃ŋ. Ŋɔ̃́ya-ŋa dífe ŋɔ́nɔ pâi kákpɔmɔ kpâlaŋ-ŋai m̀á ŋ̀aa-nɛ̃ɛ kulâi.

Azaya 62:8 ပူးပေါင်းရင်းမြစ်များ

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Azaya 54:9

Gáá gɛi lɔ yɛ Noe nwɔ ya mɛ̨nįi, ŋį́ gwɛla mɛ̨nįi tii hu, gɛ́ diɛ ya hva kɛa pənə hvo lɔi mɛ̨i kpulu yɛ Noe nwɔ tulɔi, gáá lɔ nwɔ̨nɔ̨ gwɛ́lai tii, gɛ́ kɛ vá kɛa níí holi ə́ pɔ, vá kɛa ə́ mąąɲɔw.

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Azaya 59:16

Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Ɉeremi 31:5

Israɛlə! Ə́ kaa nwɔ̨nɔ̨ pai pənəi yɛ́ ɓáwuluɠaa hin Samari yee ton ɉu. Nuąi pai ɉihɛnŋaa tii hin ɉii, diɛ ɓə pai ma kulɔi.

Ɉeremi 5:17

Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Izikiɛ 20:5

«Ɲą́ą́ Mɛ̨nį kəlee ŋą Hééɓomun Yálá nwóó laa həli diɛ, yɛ diɛ: Ɲələi ŋą́ Israɛlə həɠə la a; nííɓa lɔi, ŋą́ ɲéé tɛ yələi, ŋą́ gwɛla Ɉakɔbə yəi bɛlɛ́n nu huwu ɓa; ŋą́ gbɔ́ɔ́ lɛ diɛ Eziptə lɔi hu, ŋą́ ɲéé tɛ yələi, ŋą́ gwɛ́la, gɛ́ diɛ: Gáá a Yai-Laa ka wɔ Yálá.

Levetekɔ 26:16

mɛ̨nįi gáá pai gɛi ya ka: Gáá pai kpolo ɲɔ̨n da kwɛlɛ ɲɔ̨n ɉee ka hu, diɛ ka kwəi pili kaa, diɛ ka ɲɛ̨i lon ɉu haa, diɛ ka wɔ yɛnɛ̨ɛ̨ hu kpuɔ. Ka káá lɔ pai kɛi tíi kɛi kpɛli kpɛli, ka yowoɠaa ɓə pai kɛi ma mįi.

Amɔsə 9:14

Israɛlə nu huwui di kaa luwɔlaa hu, ŋį́ gəlee nwun mąąɓo, di pa di pɔ lɔi. Di wɔ taa yiiɠaai daa wɔlɔ wolo, da pənə di dɔɔ, di hee ɉu. Da viɲə yɛaɠaa laa, Diɛ nɔɔ kulɔ, diɛ gbələ, Da hihɛn ɲɛaɠaa laa, diɛ mą kulɔ, diɛ mįi.

Dutɛrɔnome 28:30

«Nɛ̨ɛ̨nui ka káá pai doonwəlii kɛi, nu takpɛli ɓə a laa la. Pɛ́lɛ́i ka dɔɔ, ka hva lɔ mu. Ka viɲə yɛa laa, ka hva ma dɔlɔɔ kulɔ.

Dutɛrɔnome 28:31

Da ka wɔ niŋɛ̨i paa ka ɲɛ̨i ɓa, ka hva ɉuwɔ ta mįi. Da ka wɔ hoohvaalən kulɔ ka yəi, hva kɛa bulu pənə kaa. Ka wɔ ɓɛlaa haaɠaa da lɛɛ a ka yowoɠaa pɔɔ, nui lɔpee ta hva hɔlɔɓo, hvo ka mąą kpɔmąąɓo.

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Dutɛrɔnome 32:40

Ŋą́ą́ ɲéé tɛ, gɛ́ gwɛ́la a yələkɔlɔn gɛ́ diɛ: ‹Akɛ kpɔ gáá a vúlu a yələ kəlee!›