Azaya 62:6 - Yálá laawoo hɛɓɛ (dc)

⁶ Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Yálá laawoo hɛɓɛ

⁶ Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Bible

⁶ Óo Zerusâlɛŋ, ŋa ísiɣãŋ gwaa kélee maa tínaŋ a kpakolo-ŋa wála-wâla-ŋa. Díkaa ǹaa m̀ɛi káai a kpíni da fólo. Díkaa naa, díkɛ wɔ̀lɔ Yâwɛɛ ma, díkɛ ŋɔkono-têe-ŋai maa mɛ̂ni tòo gíli ŋa, dífa ǹɛɛ naa a gɛɛ é nia dîa.

Azaya 62:6 ပူးပေါင်းရင်းမြစ်များ

Zɛnɛse 32:12

Nɛ̨ɛ̨i Yɛ́, nwún mąąɓo níɛ Esau yəi, mąąhɔlɔɓo, gáá ɲɔwi mą, hvo pa ku paa, ɲą́ą́, nɛ̨́ą da nɛapɛlɛɛ.

Zɛnɛse 32:26

Yii kɛa ə gaa yɛ ɲee hvo lɔi Ɉakɔbə ɓa, ə Ɉakɔbə kɛlɛ donwənən ma, ə nąą həɠə gee la gbilɛn gɔi lɔwai.

Kɔlɔnikɔ Veerɛi 8:14

Salomɔn ə ɉaláá kulɔ nuą heekpəlin na kɛ, di wɔɔ kolóɠaa hu, yɛ bələi nąn Davidə ə mąą tɔ́n naa la: Levi lonnii, nu kəlee nwɔ kuu ə kɛ mą, diɛ Yálá mąąwiɛ, diɛ di mąą kolóɠaa kɛ ɉaláá kulɔ nuą yee mu. Bɛlɛ́ laaləi nuą, nu kəlee da dɔɔi bɛlɛ́ laaləi tɛitɛi kəlee ɓa. Hvó gaai, bələ ɓə Davidə Yálá nwɔ nu ə mo la.

Mąątɛ̨nɛ̨ 122:7

Liilaa ə kɛ daa kwəi, wəli pulu laɠi ə kɛ tɔɔ pɛlɛ́ɠaa mu!

Mąątɛ̨nɛ̨ 74:18

Yai-Laa, mąąnɛ̨ɛ̨ ə́ kili ə pu ɉu yɛ́ diɛ, ə́ yowo kaa ə́ ɓɛlɛ too woo ɓoi; nwun gbɛɛ ɉu nu huwu aa ɓɛlɛkpɛɛ ə́ laa ɓa.

Mąątɛ̨nɛ̨ 74:2

Nu kpului ə́ ɉɔlɔɓo a ə́ wɔɔ a yɛnɛ̨ɛ̨ gɔwɔ tɔɔ yələ, ə́ kili lɛɛ ɉu; a nu huwui tii ə́ kɛ diɛ ə́ kwɛlin ni, a Siɔn yeei tii ə́ gɛ a ə́ hee taai.

Wɛli 3:3

Kɛlaa, daa mąąkpɛɛ nuą di gáá, diɛ tinɛ̨n daa ɓa, gɛ́ diɛ: «Nui mąą mɛ̨nį lɔɔ níí mu, ka gaa?»

Wɛli 5:7

Kwa daa mąąkpɛ nuą ku kwiɛn, diɛi da kɛ tinɛ̨n ɉii a daa, di gɛ́lɛ, di mą́ą́ nwąną, di nwɔ́ həɠəi kulɔ mą́ą́; diɛi a daa mąąkpɛ nuą.

Azaya 43:26

Yii ə́ kwəi, mo, ɛlɛɛ, gu nu hveelɛi, gu hee giti haɠa ɓa, ə́ woo hukulɔ, akɛ yá pɛli ə́ kpɔwɔ tələnmoi.

Azaya 49:16

Ŋą́ą́ ə́ kanąn ɲeelii hu, ə́ mąą kpɛ hį́iɠaa di ɓo ɲɛ̨́i mu a yələ kəlee.

Azaya 52:8

Ə́ wɔ pələi pɔ kaa nuą woo ka tii, di kaa tómąi a kwəinɛ̨ɛ̨; diɛ tómą a yee tɛɛmąą kwəinɛ̨ɛ̨ woo, mąąhɔlɔɓo, di ɲɛ̨i hei di kee ɲɛ̨ilai, diɛ Yai-Laa kaa, yɛ pənə yɛ pa Siɔn daai.

Azaya 56:10

Ɲɛ̨ipu nuą ɓə di ɲɛ̨i kɛi Israɛlə taa ɓa, nu kəlee di pɛlɛɛ di kee ɓa, di ta hvo mɛ̨nį kɔ́lɔn, munųgbɛ yilɛɠaa ɓaa diɛ, di hva pɛli kpəɠii, di kaa puuni, diɛ di kiliŋąhiɛ lɔ tii, yii mɛ̨nį lɔ ɓə nwɛli kaa diɛ,

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Ɉeremi 14:21

Yai-Laa, ə́ laa mąą mɛ̨nį ɓa, hvo gɛ nuą di hvo tɛɠɛɓo ə́ laa hu, hvo ə́ wɔ tɔɔkpəlin nwɔ mąąwiɛ ɓɛlɛkpɛɛma; Ə́ kiliŋąhiɛ mįnɛ̨i gwa gaani gu ɉəɠə mą, hvo lənə mą.

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Woolaa 5:1

Yai-Laa mɛ̨nii aa laa kuɔ, ə́ kiliŋąhiɛ mą; Nwumɛ̨i aa tɛ kuɔ, ə́ gaa.

Woolaa 5:20

Lə mɛ̨ni ɓa ku kili a kpɛɛ ə́ ɲą kpɔ tii a ɉukwɛaa-o! Ɛlɛɛ, yɛ́ lənə la kuɔ a yələ kəlee?

Lukə 18:39

Nuąi tii kɛi tɛɛ nííla, di kɛi haŋą ma diɛ kɛ mą: «'Ə́ laa pilɛ tai!» Kɛlaa ə kɛi lɔ nwoo kulɔ kɛnɛ̨, yɛ kɛ mą: «Davidə Lon! Ɲɛ̨́i mąąwɛli kaa!»

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Tɛsalonikə dɔlɔɔ 5:17

'ká hvo kpɛla Yálá hvɛliɛ ɓa,

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»