Azaya 61:8 - Yálá laawoo hɛɓɛ (dc)

⁸ Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Yálá laawoo hɛɓɛ

⁸ Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Bible

⁸ Yâwɛɛ è mò ǹyɛɛ, “Ŋá teniŋ ƃô-laa wɛ́lini, ŋuma da wôya m̀ɛni ƃɛlɛ fé ŋ́goi. Ŋa pâi ŋánûai féla-fêi a tɔ̃yâ laa, ŋá wɔ́lɔ-wɔlɔ da wɔlɔ-wɔlɔ kpanaŋ-woo kɛ́ díyêei.

Azaya 61:8 ပူးပေါင်းရင်းမြစ်များ

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Samia Veerɛi 23:5

Kɛlɛi bələ ɓə Yálá ə gɛ la a nwɔ́ pɛlɛ́i! Mąąhɔlɔɓo, mįnɛ̨i kwa yaa ku ɉəɠə, ga ma a yələ kəlee da nwɔɔ, da bɔ liɛwooɠaai a mɛ̨i kaa. Mɛ̨nįi lɔpee gəlee hu, a yee tɛɛ mąą tɛɛ bɔ́, ə mą kɛ nííɓa mɛ̨nį hu, ya ɓə a gəlee hu nɛɛ mą́ą́.

Mąątɛ̨nɛ̨ 105:10

Ə naa a tɔ́n, Ɉakɔbə ɓa, da Israɛlə di ɉəɠə a mįnɛ̨ a kwɛlan gəlee mɛ̨nį.

Mąątɛ̨nɛ̨ 11:7

Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Mąątɛ̨nɛ̨ 33:5

Tələnmolaa da tɛ̨ą di wɛli kaa Yai-Laa ɓa, lɔi laahvɛɛi a Yai-Laa yəi mɛ̨inɛ̨ɛ̨.

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Mąątɛ̨nɛ̨ 50:5

'Ka nwɔ́ tələnmo nuąi ɲąąkpɔn, a diɛi tii kwa diɛni ku ɲąmą mįnɛ̨ həɠəi.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Hanwon 8:20

Pələ haŋąą ɓə ŋą́ hiɛ ɉu, da tələnmolaa pələ.

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 56:1

Yai-Laa woo ka, yɛ diɛ: «'Ka hiɛ a ɉaŋąą, ka tələnmo yii ɓo, mąąhɔlɔɓo, nwɔ́ ɓalo mɛ̨nįi pa hiɛ li, nwɔ́ tələnmolaai yɛ pa kulɔi pɔ̨nɔ̨ ŋą.

Azaya 66:22

Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.

Ɉeremi 32:40

Kwa diɛni kwa mįnɛ̨ həɠə, vá kpɛla nwɔ́ mɛ̨inɛ̨ɛ̨ kɛi diɛ. Ɛlɛɛ, ŋą́ gɛ, diɛ mą́ą́wiɛ a di kwəi tɔ̨nɔ̨ mɛ̨i. Di hva kɛa di mąą kwɛa mą́ą́ a yələ ta.

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Izikiɛ 16:60

Nwɛ́i, mįnɛ̨i gwa yɛ́ gu ɉəɠə a ə́ muhəɠə yələ, gáá pai nąą kili tooi ə́ ŋą; gwa yɛ́ guɔ mįnɛ̨ həɠə la, a yələ kəlee mɛ̨nį.

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Malasi 1:13

Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Tɛsalonikə veelɛ 3:5

Gu Ną́mu ə ka lii tənən dɔɔ Yálá nwɔ wɛlikɛmąąlaa ɓa, ɛlɛɛ, káá tɔɔ a ká nwąnąi Kristə mąą mɛ̨nį hu.