Azaya 60:6 - Yálá laawoo hɛɓɛ (dc)

⁶ Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Yálá laawoo hɛɓɛ

⁶ Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Bible

⁶ Soo-fáleŋ kpulu kɛ́tɛ a pâi kulâi Mediɛŋ da Ɛfa dí ílaa fɛ́ɛ. Da pâi kulâi Siƃa díkɛ pà a gôo da kéreŋ-sɛŋ kúŋ nɛ̃ɛ. Mɛni lɛ́lɛɛi Yâwɛɛ a gɛ́ yɛ̂ɛi, nûa da pâi m̀aa-tûŋ tôoi.

Azaya 60:6 ပူးပေါင်းရင်းမြစ်များ

Zɛnɛse 10:7

Kusə lonnii laa ka: Seva, Hawila, Savta, Raema da Savteka. Raema lonnii laa ka: Saba da Dedan.

Zɛnɛse 25:13

da di yəi bɛlɛ́n nuą: Nebayotə, Ismaɛlə lon dɔlɔɔ li, yili pulu, Kedarə, Adbeɛlə, Mivsamə,

Tɔɔɓɛlaa dɔlɔɔ 10:2

Ə pa Ɉerusalɛmə, nu kpulu kɛnɛ̨ yɛ ɓo bɔ, da ɲɔ̨nwɔmɛ̨ɛ̨ɠaa wulɔ kun nɛ̨ɛ̨ɠaa, da hɛni di ɓo kpɔ diɛ̨ hu kɛnɛ̨, da Kúwɔ́-kwɛni lɛlɛɛɠaa. Həlii nɛ̨ɛ̨nui tii ə mo Salomɔn ɓa, mɛ̨nįɠaa kpɔ kɛ mąą mɛ̨nį nwąnąą mą, ə gəlee ɓo.

Tɔɔɓɛlaa veelɛ 8:9

Hazaɛlə ə li ə həli Elise ɓa. Ə Damasə hɛnŋąą nɛlɛ-lɛlɛɛɠaa həɠə yai a pɛli kɛi a Ɲɔ̨ɔ̨nwɔ̨mɛɛ pow nąąn diɲɛ̨, yɛ li la Elise pɔ, a kɔ́ɓo hɛn. Həlii ə mo Elise ɓa, yɛ mą: «Ə́ lon Bɛn-Hadadə, Aramə tɔɔmun mə dɔ́ɔ́ ə́ pɔ, ə́ mąąni kɛ mɛ̨nį ɓa; akɛ gaa pai kulɔi ɲɔ̨n tii hu?»

Kɔlɔnikɔ Maa-ŋuŋ 1:33

Madian lonnii laa ka: Eifa, Efɛrə, Hanɔkə, Avida, da Ɛldaa. Abrahamə nɛ̨ą Ketura lonnii laa ka tii.

Kɔlɔnikɔ Veerɛi 9:1

Saba tɔɔ nɛ̨ɛ̨nui ə Salomɔn laa pələ mąn. Nɛ̨ɛ̨nui tii ə pa Ɉerusalɛmə, Salomɔn hukɔɔn mɛ̨nį ɓa, a hanwon ɉukpinɛ̨ɛ̨ɠaa, nu kpulu kɛnɛ̨ ə ɓo bɔ da ɲɔ̨nwɔ̨mɛ̨ɛ̨ɠaa. Di tiɛ̨ ə kɛ a hɛn gunnɛ̨ɛ̨ɠaa, hɛni kpɔ kɛnɛ̨ da Kuɔkwɛni lɛlɛɛɠaa. Ɉəliɛ Salomɔn ɓa, mɛ̨nįi kpɔ kɛ gwəi, ə gəlee ɓo mą.

Mąątɛ̨nɛ̨ 67:4

Nu kanŋaa di 'ə́ hɛɠɛɛɓo, Yálá! Nu kanŋaa, 'di pɛlɛ di kee ɓa, 'di ə́ hɛɠɛɛɓo!

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Mąątɛ̨nɛ̨ 72:15

Tɔɔmun ɲii ə kwɛa! Di kaa pai Saba hɛni tɛɛi bɔ; diɛ Yálá hvɛli mą a hvaŋąlɔ, diɛ túwɔ lúwɔ kɛi mą.

Azaya 30:6

Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Izikiɛ 27:22

Ə mą kɛ Saba da Raema yɔw ɓɛlaa, lɔwɔ ə kɛ ka diɛni ka lɔwai. Di wɔ mąątí wulɔ kun nɛ̨ɛ̨ nɛlɛɛɠaa ɓə di kɛi dɛɛ ə́ pɔ, da kúwɔ́-kwɛni huwui lɔpee gəlee, da hɛni.

Sofoni 3:10

Nwɔ́ nuąi da kwɛli hvilɛn mą́ą́, diɛi tii ŋį́ di taɠa-taɠa, di kaa pai həɠəi Nubi yalee kpɛa-kpɛa bulu pələ, diɛ pa bɔ́ a gɔ́ hɛnŋąą.

Zakari 14:16

A kɛ tii, nɔiɠaa kɔ́ pɛlɛ Ɉerusalɛmə ɓa, nuąi pai lɛɛi di hu, di kaa pai kɛi pai a kwɛlan ɉəli pələ tɛitɛi, diɛ pɛlɛ Yai-Laa Mɛ̨nį Kəlee ŋą Hééɓomun lííla, diɛ ɉəɠə kələ hɛli pu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Lomaŋ 15:9

Yii ɓaa huwu takpɛliɠaa, da Yálá laa tɛ ŋą nu ɲɛ̨imąąwɛlikaa pələ mąą mɛ̨nį ɓa; yɛ bələi bɛ̨ɛ̨i la diɛ kɛ mą: Gáá pai ə́ laa tɛ huwu takpɛliɠa lɔwai, gɛ́ ə́ laa mąąwiaa mąą wələ too.

Dutɛrɔnome 32:43

Yɛnɛ̨ɛ̨ nąą kəlee ə ɲee lɔwa nwɔ nu huwui ɓa. Mąąhɔlɔɓo, gaa pai nwɔ tínuą nwąną kulɔi, gaa pai nwąną kulɔi gɔyɔwɔɠaa diɛ; Yɛ nwɔ lɔi da nwɔ nuą mąąhəɠə.

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Nwun mąąɓo 6:5

Nuąi tii kɛi mɛ̨nį ɲąąnwąnąą la Israɛlə nuą diɛ, di kpulu hu kɛnɛ̨i kɛ yɛ peeləɠaa, da di wɔ taatɛlɛɛɠaai, ə mą kɛ, ɉəɠə pɛlɛ́ɠaa kəlee. Diɛ, da di wɔ ɲɔ̨nwɔmɛɛɠaai, di kpulu hu kɛnɛ̨i kɛ. Di kɛi pa, diɛ nɔi hɛnŋaa kəlee həɠə.

Nwun mąąɓo 7:12

Madian nuą, Amalɛkə nuą, da doonwunma nuąi həɠə voló həɠəi pələ, di hu hiaa kpɔ kɛ nɛ̨ŋɛ̨ hu laa yɛ peeləɠaa. Di wɔ ɲɔ̨nwɔmɛ̨ɛ̨ɠaai, kwɛdɛn və kɛ mą, ə kɛ yɛ gboloyá kwɛlɛ ɲɛ̨ąkɔw.