Azaya 60:3 - Yálá laawoo hɛɓɛ (dc)

³ Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Yálá laawoo hɛɓɛ

³ Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Bible

³ Lɔii-ŋuŋ-ŋa da pâi pâi íkwaa ponoɔɔi ma. Kâloŋ-ŋa da pâi pâi dí gwaa ponóɔɔ kɛ́tɛi káa bîlaŋɔɔi yâi.

Azaya 60:3 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Mąątɛ̨nɛ̨ 102:16

Lɔiɠaa kaa pai ɲɔwi Yai-Laa, laa ɓa, yɛnɛ̨ɛ̨ tɔɔɓɛlaa kəlee diɛ ɲɔw Ə́ mąąwiɛ̨ pələ ɓa.

Mąątɛ̨nɛ̨ 102:22

Di kaa pai Yai-Laa Laa ɓoi a lolo, Siɔn daa kwəi, diɛ mąątɛ̨nɛ̨ Ɉerusalɛmə daai.

Mąątɛ̨nɛ̨ 138:4

Yai-Laa! Lɔi tɔɔɓɛlaa kəlee di ə́ laa tɛ, Mąąhɔlɔɓo, mɛ̨nįɠaai ə́ naakwɛlanmo, daa mɛ̨n.

Mąątɛ̨nɛ̨ 2:10

Ə həli kɛa kaa, kaai a tɔɔɓɛlaa, 'ka kili hɔlɔɓo, 'ka ka hɔn mąąhvalin, kaai a lɔi ɲąąwooɓo nuą.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 68:29

Ə́ wɔ Yálái aa naa gwəi, yɛ ə́ kaa pai kɛi a hu walawalamun, 'Ə́ hvąŋą lɛ, Yálá! Yɛ́i Ə́ kɛ mɛ̨nį kɛi ku mąą mɛ̨nį hu.

Mąątɛ̨nɛ̨ 72:11

Tɔɔɓɛlaa kəlee kaa pai kwɛli hvilɛn ɉii mą, lɔiɠaa kəlee diɛ tí mą.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 49:12

Di kaa pai; di kaa həɠəi kwɛaalaɠaa, daɠaa diɛ həɠə ɲələi pələ, da hvóló tooi pələ, dakpɛliɠaa diɛ həɠə Asuan lɔi hu pələ.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 56:8

Mɛ̨nį kəlee ŋą Hééɓomun Yálá woo ka, yai a Israɛlə lonnii tii luwɔlaa hu di ɲąąkpɔn, yɛ: Yiiɠaai daa gbɛa di ɲąąkpɔn ɓɛ, ŋį́ pa nwɔ̨nɔ̨ a dakpɛliɠaa, gɛ di pɛlɛ diɛ.

Azaya 60:10

Nwɛąą lonnii ɓə pai ə́ mąą kpɛ hį́i tɔɔi, di wɔ tɔɔɓɛlaa di ɓo a ə́ wɔ tinuą. Teą li, níí holi pələ ɓa, ŋį́ ə́ kɛlɛ, Kɛlaa, níí lɛlɛ pələ gwə́i, ŋą́ą́ ə́ mąąwɛli kaa.

Azaya 60:16

Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Azaya 62:2

Hįį kəlee kaa pai ə́ wɔ tələnmo mɛ̨nį kaa, tɔɔɓɛlaa kəlee diɛ ə́ wɔ mąąwiɛ kaa. Di kaa pai laa ninɛ̨ heei yɛ́, yai pai kulɔi Yai-Laa lá.

Azaya 66:12

Mąąhɔlɔɓo, mɛ̨nįi Yai-Laa kaa moi, ya ka: Gáá pai liilaa yɛɛi mɛ̨i yɛ tɛɛ ya. Ɛlɛɛ, gɛ́ hįįɠaa di wɔ mąąwiɛ tɛɛ bɔ, yɛ ya a kɛi kulɔ yee hu a vąŋą kɛnɛ̨. Di kaa pai kɛi ɲįnį tɔɔi ka la, diɛ ka pomo, diɛ ka hee di kɔ́wɔ mɛ̨i.

Amɔsə 9:12

Ə gɛ, gɛɛnąąɠaai wɔlɔ kɛ a Israɛlə nu huwu di wɔɔ, Edɔmə lɔi hu, da lɔi takpɛliɠaa hu, ɓɛi náá heɛ mą, di pənə di nąąɠaa hɔlɔɓo. Gɛɛnąąɠaa tii ɓaa.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Gɛlaɠaa 13:47

Ɛlɛɛ yaan, mɛ̨nįi kpɔ gu Ną́mu Yálá ə ku tí la, yaa li yɛ kɛ diɛ: «‹Ŋą́ą́ ə́ hee a huwu takpɛliɠaa di wɔ kɛɛpono yɛ́, ɲɛ̨nɛ̨ɛ̨i kpɛɛ hvo mą laa həli kpɔ lɔi kpon ɉeei.›»

Gɛlaɠaa 15:17

Ə həɠə ɲələ ɓa, nuą kəlee da gu Ną́mu Yálá kwɛli da nɔiɠaa kpɔ tii Náá kaa diɛ. Mɛ̨nįi gu Nąmu Yálá kaa moi ya ka tii, gwəi kiliɠaa ka ti gaa di pɔ mɛ̨nį kɛi.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 21:24

Hįi lɔiɠaa di kɛli hiɛ ŋą kɛɛpono hu, ɛlɛɛ, lɔi mɛ̨i tɔɔɓɛlaa di pa bɔ a di wɔɔ mąąwiɛlaa.