Azaya 60:16 - Yálá laawoo hɛɓɛ (dc)

¹⁶ Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Yálá laawoo hɛɓɛ

¹⁶ Ə́ kaa pai hįį lɔi kəlee ɲįnįyá kpələi, yɛ́ pilɛ tɔɔɓɛlaa di wɔ hɛn gɔwii hu, yɛ́ gbaɠala kaa la yɛ, ɲą́ą́ Yai-Laa, ɲą́ą́ ɓə ə́ ɓalo, yɛ́ kɛ, Ɉakɔbə nwɔ Kpakoloi ɓə ə́ nwun mąąɓo.

Bible

¹⁶ Lɔii-ŋuŋ-ŋa da kâloŋ-ŋa da pâi ímɛi kâai, yɛ̂ɛ berei tí kɔ̃ɔ-lee a ŋɔlôloŋ mɛi kâa lai. Ya pâi gɔ́lɔnîi a gɛ́ɛ ńyãa ƃé íŋuŋ-mâ ƃò, í gɔ́lɔŋ a gɛ́ɛ ńyãa Ŋ̀wála-wâla kélee Ɣâlai ƃé íkula m̀ɛni kpɔ̂lui su. Ńyãa ƃa íŋuŋ ma ƃó-nuui, Zeeka Ŋɔɣâla kɛ́tɛi.

Azaya 60:16 ပူးပေါင်းရင်းမြစ်များ

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Azaya 19:20

Di kaa pai kɛi a Yai-Laa Mɛ̨nį Kəlee ŋą Hééɓomun mąą kɛla da gɔlɔn ɉɛn Eziptə lɔi hu. Nuą pai woloi Eziptə ɓa, diɛ kɛ di hee di mɛ̨i, Eziptə nuą da tómą Yai-Laa pɔ pələ, gaa pai di ɓalomun dɛɛi di pɔ, yɛ di mąą kɔ̨nwɔ̨, yɛ di kulɔ ɲəi kɛ.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 29:24

Nuąi lan bələ mɛ̨i, di kaa pai kili hɔlɔɓoi, yiiɠaai di nwun nwala walaa, diɛ kɛa hvaa mą diɛ mɛ̨nį lɛ diɛ.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Azaya 45:15

Kpɔ a tɛ̨ą leelee, ə́ kaa a Yálá loɔ, Israɛlə nwɔ Yálá, lɔ ɓə nu ɓalo!

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 52:6

Yili ɓa, nwɔ́ nu huwui kaa kɛa pai náá kɔ́lɔn ɉii, ə həɠə kɛa volói tii ɓa, di kaa pai gɔlɔn ɉii, diɛ ɲą́ą́ ɓə ŋį́ kɛ hvaai di pɔ, gɛ́ kɛ diɛ: Ɲą́ą́ ka.

Azaya 59:20

Kɛlaa, gaa pai pai Siɔn taa pɔ, yɛ kɛ a nwun mąąɓomun, da Ɉakɔbə lonnii yiiɠaai da di kɔ́wɔ kulɔ, kulɔ nwoo mu laa hu. Yai-Laa woo li.

Azaya 60:17

Gáá pai pai a hɛni, a kwɛli kpɔlu mąą hvalin, gɛ́ pa a wali, a kwɛli mąą hvalin, gɛ́ pa a kwɛli kpɔlu, a wulu mąą hvalin, ŋį́ pa a kwɛli, a kwɛni mąą hvalin. Ɉɛn pai kɛi ə́ mɛ̨i kaai, ya ɓaa a Liilaa, Ɉɛn pai kɛi ə́ ɲąąwooɓoi, ya ɓaa a tələnmolaa.

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Azaya 63:8

Ə kɛ diɛ: «A tɛ̨ą nwɔ́ nuą li, nónnii li, di hva nu ɓowo», ɛlɛɛ, ə kɛ a di nwun mąąɓomun.

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Izikiɛ 34:30

Da gili kɔ́lɔn gea nąąlɔwai, diɛ kɛ ɲą́ą́ ɓə gáá a Yai-Laa di wɔ Yálá, ŋį́ ɓə di pɔ, di ɓo a nwɔ́ nu huwu, diɛi tii a Israɛlə nwɔ pɛlɛ́i. Mɛ̨nį kəlee ŋą Hééɓomun Yálá woo li.

M̀ɛni-lɛɛi 21:24

Hįi lɔiɠaa di kɛli hiɛ ŋą kɛɛpono hu, ɛlɛɛ, lɔi mɛ̨i tɔɔɓɛlaa di pa bɔ a di wɔɔ mąąwiɛlaa.

M̀ɛni-lɛɛi 21:26

Di kaa pai kɛi pai laa a: hįi lɔi kəlee di wɔɔ mąąwiɛlaa, da di wɔɔ ɓɛlɛlaa kəlee.