Azaya 60:13 - Yálá laawoo hɛɓɛ (dc)

¹³ Liban mąą yili hɛn a pa ə́ pɔ, nwɔ hɛanŋaai, da mahiɠaa, da nwiɛɠaa, diɛ mą́ą́wiɛ pɛlɛi lɛlɛ la, a tɛ̨ą, ɓɛi gɔ́wɔ hvilɛnŋąą laa, gáá pai nąą mąąwiɛi.

Yálá laawoo hɛɓɛ

¹³ Liban mąą yili hɛn a pa ə́ pɔ, nwɔ hɛanŋaai, da mahiɠaa, da nwiɛɠaa, diɛ mą́ą́wiɛ pɛlɛi lɛlɛ la, a tɛ̨ą, ɓɛi gɔ́wɔ hvilɛnŋąą laa, gáá pai nąą mąąwiɛi.

Bible

¹³ “Lɛƃanɔŋ ŋɔfólo-laai a pâi pâi ípɔ, pãai, zunipa da sapɔlɔ wuru-ŋai da pâi pâi díkîe ma, dí gɛ́ ŋákwaa maa waai ma é kɛ́ a ǹɛ́lɛɛ, gɛ́ ŋɔfólo-laai m̀aa tɛ̂. Gɛ̀ ní ŋa pâi gâloŋ-pɛrɛi nyii ŋ́gɔɔ pîlaŋɔɔi naai, kɛ̂i é fólo.

Azaya 60:13 ပူးပေါင်းရင်းမြစ်များ

Kɔlɔnikɔ Maa-ŋuŋ 28:2

Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Kɔlɔnikɔ Veerɛi 2:15

Ku wɛi, ku kaa pai líi, nwului ə́ kaa bɔ, ku dee Liban yee nwuɔ̨, ku dɛɛ gboloyá ŋą pələ yɛ pa Ɉafa, ə́ wɛi ɓaa ə́ ɉəɠə ə́ tɛ la Ɉerusalɛmə.»

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Mąątɛ̨nɛ̨ 132:7

'Ka gwə li bɔ, 'ka gu kwɛli hvilɛ mą nwɔ tɔɔkpəlin lííla.

Mąątɛ̨nɛ̨ 96:6

Ɲɛ̨ipono, da lɛlɛ di kaa dɔwɔ, huwalawalalaa da mąąwiɛlaa di ɓo ɲəi bɛlɛ́n.

Mąątɛ̨nɛ̨ 99:5

'Ka Yai-Laa, gu wɔ Yálái laa tɛ. 'Ka kwɛli hvilɛn mą, nwɔ kpəlin liila. Mąąhəɠɛɛi

Azaya 35:2

Kpomó hu wuluɠaa kəlee 'di powa! Kpomó, 'ə pili yələi yɛ mąną! Yɛ pili yələi a kwəinɛ̨ɛ̨! Liban nwɔ mąąwiɛi aa həli mą, Karmɛlə da Sarɔn yee di wɔ lɛlɛi aa pənə aa pa di pɔ, ɛlɛɛ, nuą kaa pai Yai-Laa nwɔ mąąwiɛ kaai, a guɔ Yálái nwɔ lɛlɛ laa kɛnɛ̨ɛi.

Azaya 55:13

Towələ wuluɠaa kaa pai ɓɔn ɉii, ɓɛi ɲąąlən ə kɛ laa; tow yɛ kulɔ ɓɛi didi-hɔ̨ɔ̨-hɔ̨ɔ̨ ə kɛ laa, yili kaa pai kɛi a Yai-Laa laa tɛ mɛ̨nį, a gɔlɔn ɉɛn, a yələ kəlee da nwɔɔ, gili hva kpɛɛ nuą ŋą.

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Izikiɛ 47:7

Pənəi ə mo ə pa a ɲą́ą́, wulu kpulu kɛnɛ̨ɛ ə kɛ tɔɔni ɲá kwɛlɛ, gbonwo hveelɛi ɓa.