Azaya 60:12 - Yálá laawoo hɛɓɛ (dc)

¹² Tɔɔ lɔi, da hįį lɔpə, a wala gɛ, hvo tí yɛ́, da nɛɛ a gboloon, mąą lɔiɠaai hu a kala kpɔ tɛ̨ɛ̨tɛ̨ɛ̨?.

Yálá laawoo hɛɓɛ

¹² Tɔɔ lɔi, da hįį lɔpə, a wala gɛ, hvo tí yɛ́, da nɛɛ a gboloon, mąą lɔiɠaai hu a kala kpɔ tɛ̨ɛ̨tɛ̨ɛ̨?.

Bible

¹² Kɛ́lɛ, ǹɔii-ŋûŋ-ŋai nyii-ŋai dífe ve pâi tíi kɛ̂i kâai, ŋa pâi dísu karâi kpɔ́ kpúŋ. Sɛŋ da fé pâi lɛɛ̂i naa.

Azaya 60:12 ပူးပေါင်းရင်းမြစ်များ

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Mąątɛ̨nɛ̨ 108:13

'Pa, ə́ kpɔnmąą tɛɛ ku pɔ, ku yówóɠaa tɔwɔ. Mąąhɔlɔɓo, nukan nwɔ kpɔnmąą a nu ɓowó.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Azaya 14:2

Lɔiɠaa kaa pai di yee heei Ɉakɔbə nwɔ pɛlɛ́i mu, diɛ pənə diɛ li a diɛ di kaa lɔi hu. Israɛlə nwɔ pɛlɛ́i kaa pai Yai-Laa nwɔ lɔi hɔlɔɓoi a nwɔɔ, di nwɛ̨ąą tii kɛ a di nwɔ luwɔ nɛ̨ą da luwɔ hinąą; a diɛi tii di kɛ di yəi luwɔlaa hui; Ɉakɔbə a pənə ə nuąi tii kɛ a di wɔ luwɔɠaa, ə hee nuąi kɛi di mɔ̨nɔ̨ ɓo di mɛ̨i.

Azaya 41:11

Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Azaya 54:15

Di kaa ɲaba lɔi, diɛ lɔ gilii kɛ ə́ laa ɓa, ɲą́ą́ hvəi di tɔɔ la. Nui a lɔ ə́ kilii, a too ə́ ɲɛ̨i ɓa.

Ɉeremi 12:17

Kɛlaa, akɛ da wala di wəli tɔɔ nwóó ɓa, ŋį́ nu huwui tii kulɔ a nwun kpɔ tɛ̨ɛ̨tɛ̨ɛ̨, di nwun na ə pili. Ɲą́ą́ Yai-Laa nwóó li.

Danîa 2:34

Ə́ ɲɛ̨i ə lɛɛ lɔ ɉɛn tii ɓa, nąąlɔwai, kwɛni kpuwulu kɛnɛ̨ ta, yii nu yee hvo kɛ mą, ə pa, ə kɛlɛ mąąnįnįn ɉaɠaa tii kɔ́wɔ hu, ə ɉɛn tii naa kəlee hunwɔ kpɔ yɛ muluun gbala.

Danîa 2:35

Nąąlɔwai, gwɛli da nəɠipɔlɔ, mala kwɛli da nwali kwɛli, ə lɛɛ, da ɉɛni tii, di taɠa-taɠa di kee ɓa yɛ hvóló laa ɓoɔ hvana a hee mɔ̨nun gala hu. Hvaŋą ə li a ɉɛn tii kəlee, pɔɔ tɔ̨nɔ̨ kpɛli hvo lɛɛ laa. Kɛlaa, gwɛnii tii kɛlɛ mąąnįnįn ɉaɠaa hu, ə mąą pənə a yee kɛnɛ̨, ə lɔi mɛ̨i kəlee laahvɛɛ.

Danîa 7:18

Kɛlaa, Yálá Yii Gaa Hɛn Gəlee Nwun Mɛi, nonnii kaa pai tɔɔlaa həɠəi, di wɔ tɔɔlaai kpɛɛ hva kɛ ma.»

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Maafîu 21:44

Nui a too gwɛni ŋɛ̨i mɛ̨i, a wólo, ə lɛɛ gwɛni ŋɛ̨i a too nu ta mɔ̨i a vunwɔ̨.»

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»