Azaya 60:10 - Yálá laawoo hɛɓɛ (dc)

¹⁰ Nwɛąą lonnii ɓə pai ə́ mąą kpɛ hį́i tɔɔi, di wɔ tɔɔɓɛlaa di ɓo a ə́ wɔ tinuą. Teą li, níí holi pələ ɓa, ŋį́ ə́ kɛlɛ, Kɛlaa, níí lɛlɛ pələ gwə́i, ŋą́ą́ ə́ mąąwɛli kaa.

Yálá laawoo hɛɓɛ

¹⁰ Nwɛąą lonnii ɓə pai ə́ mąą kpɛ hį́i tɔɔi, di wɔ tɔɔɓɛlaa di ɓo a ə́ wɔ tinuą. Teą li, níí holi pələ ɓa, ŋį́ ə́ kɛlɛ, Kɛlaa, níí lɛlɛ pələ gwə́i, ŋą́ą́ ə́ mąąwɛli kaa.

Bible

¹⁰ Yâwɛɛ è mò Zerusâlɛŋ ma ǹyɛɛi, “Ŋɔ̃́ya-ŋa da pâi kásiɣãŋ-ŋai tɔɔ̂i pôlu. À kɛ̀ tí, díkâloŋ-ŋai da pâi tíi kɛ̂i kâa. Ŋá ńii ŋwàna kâa, ŋá kákula maa kɛ́, kɛ́lɛ, ŋa pâi ŋáwɛli-kɛ maai lɛ̂i kâa, ŋá ká malôŋ káa.

Azaya 60:10 ပူးပေါင်းရင်းမြစ်များ

Mąątɛ̨nɛ̨ 102:13

Kɛlaa, Ə́ wɛi, Yai-Laa, Ə́ kaa lɔ a Heeɓomun a yələ kəlee, Ə́ kili ə ɓo lɔ nuą ɲą a kwɛlan gəlee.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 56:6

Nweąąi da kanąn Yai-Laa ɓa, di yee ə ɓo nwɔ kólóɠaai diɛ, diɛ naa wɛli la kɛ, diɛ di kpɔwɔ kɛ a nwɔ kóló kɛ nuą, nuąi kpɔ da vįitɔɔ yələ mąąhəɠə, di hva ɲali, ɛlɛɛ, diɛ lɛɛ nwɔ́ mįnɛ̨i pulu,

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Azaya 61:5

Nuą kaa pai həɠəi pələ kəlee, diɛ daa mąąkpɛ, diɛ di ɲɛ̨i kɛ ka wɔ taatɛlɛɛɠaai diɛ, nwɛą lonnii ɓə pai kɛi ka wɔ tííɠaai kɛi, da ka wɔ hihɛnŋąąi.

Azaya 64:9

Yɛ́ taa mąąhəɠɛɛɠaa daa lɛɛ a lɔi pun, Siɔn taa aa lɛɛ a gboloon, Ɉerusalɛmə ɲɛ̨i aa paa.

Azaya 66:21

Gáá lɔ nwɔ̨nɔ̨ pai haláá laa həli nuą həɠəi di lɔwai, Lévi huwu hu nuą, Yai-Laa woo li.

Zooɛ 2:18

Yai-Laa nwɔ lɔi wɛli kaa mą, a nwɔ nu huwui ɲɛ̨imąąwɛli kaa,

Zakari 6:15

Nuą kaa pai həɠəi kwɛaa la, diɛ kólo kɛ Yai-Laa hvɛli pɛlɛ́ mu. Yili ɓə ka gbaɠala kaa la, káá kɛ, Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔɔli. Akɛ ká lɛɛ Yai-Laa ka wɔ Yálá woo mu, mɛ̨nį kəlee hu, mɛ̨nįi tii kaa pai kɛi.

M̀ɛni-lɛɛi 21:24

Hįi lɔiɠaa di kɛli hiɛ ŋą kɛɛpono hu, ɛlɛɛ, lɔi mɛ̨i tɔɔɓɛlaa di pa bɔ a di wɔɔ mąąwiɛlaa.

M̀ɛni-lɛɛi 21:26

Di kaa pai kɛi pai laa a: hįi lɔi kəlee di wɔɔ mąąwiɛlaa, da di wɔɔ ɓɛlɛlaa kəlee.