Azaya 6:5 - Yálá laawoo hɛɓɛ (dc)

⁵ Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Yálá laawoo hɛɓɛ

⁵ Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Bible

⁵ Nya ƃe ŋá mò ńyɛ̃̂ɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Azaya 6:5 ပူးပေါင်းရင်းမြစ်များ

Zɛnɛse 32:31

Ɉakɔbə ə gɛɛnąą tii laa hee a: Penuɛlə. Mukulaa ɓaa a: Yálá ɲɛ̨ilaai. Mąąhɔlɔɓo, «ŋą́ą́ Yálá kaa a ɲɛ̨ikɔw, və́ haa li.»

Mąątɛ̨nɛ̨ 24:10

Ɉééɓomun Mąąwiaa tii ɓaa gbɛɛ? Ya ɓaa a Yai-Laa, Huwalawala Kəlee Nąmu, Mɛ̨nį Kəlee ŋą Hééɓomun.

Lɛɛ gbɔwɔ ɓa 24:10

Di Israɛlə nwɔ Yálái kaa, gɔwɔ mu ə kɛi lən yɛ da diamąn pɛlɛ laa, dɛɠiɛ yɛ yələkɔlɔn.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Lɛɛ gbɔwɔ ɓa 33:20

Yálá yɛ mą: «Hvá pɛli ɲɛ̨́i lai gaai, mąąhɔlɔɓo nu hva pɛli gáái, hvo lɛɛ a vulú.»

Lɛɛ gbɔwɔ ɓa 4:10

Moisə yɛ Yai-Laa ɓa: «Ną́mu nɛ̨ɛ̨ Yɛ́, náá wiai mą́ą́, va pɛli hvaai, háákələi mɛ̨nį hvəli, və́ wala nwóó hukulɔ, gbaɠala kaa Yɛ́, yili hvo gɔwɔ tɔɔ li a volói Ə́ kɛi hvaa la Ə́ wɔ tímun bɔ.»

Lɛɛ gbɔwɔ ɓa 6:12

Moisə yɛ mą: «Israɛlə lonnii ɓə di hvo di wəli tɔɔ nwóó ɓa, Eziptə tɔɔmun gaa pai nwəli tɔɔ pələ kɛi ləi nwóó ɓa, ɲą́ą́ ŋɛ̨i náá kpan ɉu hvo tee li?»

Lɛɛ gbɔwɔ ɓa 6:30

Kɛlaa, Moisə ə nwoo ŋąąpənə, yɛ mą: «Ɲą́ą́ ka náá kpan ɉu hvo tee li, Eziptə tɔɔmun a nwəli tɔɔ pələ kɛ kpɔ ləi nwóó ɓa?»

Azaya 24:16

Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 33:17

Ə́ ɲɛ̨i kaa pai tɔɔi tɔɔmun nɛlɛ pələ ɓa, ə́ ɲɛ̨i kaa pai hiɛi nɔi nąą kəlee mɛ̨i.

Azaya 59:3

Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Ɉeremi 1:6

Gɛ́ Yai-Laa ɓa: «Kə́! Ną́mu Yai-Laa! Gáá a lokolo, və́ wala kpɔn ɉu mɛ̨nį ɓo.»

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Izikiɛ 12:2

«Hulɔnu lon, ə́ kaa kulɔ nwoo mu nuą lɔwai; ɲɛ̨i kɔ́w kaa diɛ, kɛɛ kaa mɛ̨nį ɓa, kɛlaa di hva kɛɛ kaa; wəli kaa diɛ mɛ̨nį mɛ̨n mɛ̨nį ɓa, kɛlaa di hva mɛ̨nį mɛ̨n; mąąhɔlɔɓo kulɔ nwoo mu nu huwu li.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Danîa 9:20

Ŋą́ kɛi lɔ Yálá hvɛli, gɛ́ hvaa gɛ́ hɔnŋaa diɛ da Israɛlə nu huwu di wɛi, ɲee ŋɛ̨i Yálá ə kəi gbɔwɔ lɛ dona nwɔ nuąi diɛ, ŋą́ kɛi Yálá hvɛli, ɲee tii mąą mɛ̨nį ɓa.

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Lonon mo 17:12

Aarɔn ə lansan kələn gbowo həɠə, yɛ bələi Moisə ə mo la mą, ə li a gilɛ nuą lɔwai, kɛlaa, ɲɔ̨n aa gbɛa kɛ gɔwɔ tɔɔ nuą lɔwai, yɛ di hukala. Aarɔn ə lansan pu gbowo hu, ə nɛ̨ŋɛ̨n mąąhvaalɛɛ woo ɓo nu kpulu mɛ̨i.

Nwun mąąɓo 13:22

Manoa yɛ nɛ̨ą ɓa: «Gu haa hiɛ ka, mąąhɔlɔɓo, gwaa Yálá kaa.»

Nwun mąąɓo 6:22

Zedeɔn ə gɔlɔn gea, yɛ kɛ Yai-Laa nwɔ malaka ka tii kɛ. Yɛ gbɔwɔ ɓa: «Ée kə! Nąmu Yálá! Ɲą́ą́ ɓə tii ɲɛ̨́i aa tɔɔ Yai-Laa nwɔ malaka ɓa, kwa yaa ku ɲɛ̨i aa too gee hui!»