Azaya 6:4 - Yálá laawoo hɛɓɛ (dc)

⁴ Gbonŋąą di kɛi kpɛlin, di tómą nwoo ɓa, Yálá hee pɛlɛ́ laa ə hvɛɛ a nwɔ̨n nulu.

Yálá laawoo hɛɓɛ

⁴ Gbonŋąą di kɛi kpɛlin, di tómą nwoo ɓa, Yálá hee pɛlɛ́ laa ə hvɛɛ a nwɔ̨n nulu.

Bible

⁴ Díwoo è gɛ̀ Yâwɛɛ Ŋɔpɛ́rɛi kɛ́ tùmo-tumo é síɣe bɛ́rɛ-kâŋ kɔ́ɔ pîlanii. Bɛ́rɛi mu gwaa kélee è kpìni a luri.

Azaya 6:4 ပူးပေါင်းရင်းမြစ်များ

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Mąątɛ̨nɛ̨ 18:8

Nąąlɔwai, lɔi hu ə pu mą, ə kpɛlin, yeeɠaa kɔ́wɔ hvilɛn ɉiiɠaa di kpɛlin, di hu ə pu diɛ, ɓɛlɔwai ə níi ɲąnwąną la.

Lɛɛ gbɔwɔ ɓa 40:34

Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Izikiɛ 1:24

Ɛlɛɛ, da kɛi hiɛ, di koonŋaa tin ə kɛi kulɔ, gɛ́ mɛ̨n; gulaa kɛ ya hvɛɛ tin ma. Ə ɓo yɛ Yai ɲee a pɛli mɛ̨nį kəlee ɓa nwoo, yɛ nu kpulu tin; ə ɓo yɛ kɔlaɠa kɔ́wɔ mu tin. Da tɔɔ kɛ, di kɛi di koonŋaa pɛlɛ ma.

Izikiɛ 10:5

Di kɛi mąąkpɛ malakaɠaa koon di mɛ̨n bɛlɛ́ kwɛlɛ, ɲɛnɛ̨ɛ̨ pələ, nwoo ə ɓo yɛ Huwalawala Kəlee Nąmu, a kɛi pələ ɓo.

Izikiɛ 41:16

Ɓɛlɛ́ laaləi, da bɛlɛ́ woloɠaai kwɛli hɛan bilɛɛ laa, da nwoloɠaa mąątínɛ̨n ŋąą la bələ haaɓai ɓa, yɛ li la bɛlɛ́ laaləi, sehifə wulu ə kɛ laa; ə həɠə bɛlɛ́ laaləi nɔi ɓa, ə həli la bɛlɛ́ woloɠaa diɛ, bɛlɛ́ woloɠaa kpɛli mɛ̨i kɛɛ kɛ.

Izikiɛ 44:4

Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Amɔsə 9:1

Ŋą́ Ną́mu kaa tɔɔni ɉaláá kulɔi hįį pələ, yɛ kɛ mą: Bɛlɛ́ dɔɔ muɠaa nwuɔ̨ kɛlɛ, ə gɛ, Yálá hee pɛlɛ́ laaləi ə kpɛlin. Gáá gəlee kɛlɛi di nwuɔ̨, ŋį́ nwolo, Akɛ, da lɛɛ nwɔ̨nɔ̨, ŋį́ di paa. Nu tɔ̨nɔ̨ kpɛli hvo pai kulɔi ɉu, nu ta hvo pai pɛli tɛɛi a gilɛ.

M̀ɛni-lɛɛi 11:19

Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

M̀ɛni-lɛɛi 15:8

Ɛlɛɛ, Yálá hee pɛlɛ́ laa ə hvɛɛ a lulu, Yálá nwɔ mąąwiɛlaa, da ŋą yəi kɛnɛ̨laa mąą mɛ̨nį ɓa. Ɛlɛɛ, nui lɔpee ta hva pɛli kɛ lɔi yálá hɛlɛ́n, ə lɛɛ ɉu, mɔ̨nɔ̨ mɛ̨ihveelɛi tii malaka mɛ̨ihveelɛi tii yəi, bɔ mɛ̨nį ə kɛ.