Azaya 6:3 - Yálá laawoo hɛɓɛ (dc)

³ Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Yálá laawoo hɛɓɛ

³ Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Bible

³ Ŋá kɛ̀ díwoo mɛnîi díkɛ mò díkîe-ni dîa dîyɛɛi, “Ŋ̀wála-wâla kélee Yâwɛɛi maa waâi, maa waai, maa waai! Ŋɔfólo-laai a ǹɔii gwaa kélee lá fɛ́ɛ.”

Azaya 6:3 ပူးပေါင်းရင်းမြစ်များ

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

Mąątɛ̨nɛ̨ 57:11

Mąąhɔlɔɓo, ə́ wɔ wɛlikɛmąąlaa aa laŋ yələ kɔ́lɔn mɛ̨i, yɛ́ tɛ̨ą aa həli yələ kɔ́lɔn ma.

Mąątɛ̨nɛ̨ 66:2

'Ka wələ too, 'ka naa mąąwiɛ, 'ka mąąwiɛ a mąątɛ̨nɛ̨ wələ.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 8:2

Yai-Laa, ku Nąmu, ee kə́! Ə́ laa mąąwia ɓə yɛnɛ̨ɛ̨ nąąkəlee, ə́ wɔ mąąwiɛ kɛ̨nɛ̨i, yɛ́ lan yələkɔlɔn mɛ̨i.

Mąątɛ̨nɛ̨ 90:16

'Ə́ kɛ kolóɠaa too pono ŋą ə́ wɔ tínuąi ɲɛ̨i ɓa, ɛlɛɛ, ə́ wɔ mąąwiɛ ə hvələ di lonnii mɛ̨i!

Mąątɛ̨nɛ̨ 97:6

Yələ kɔ́lɔn a nwɔ tələnmolaa loloɓo, nu huwuɠaa kəlee diɛ mąąwiɛ pələ kaa.

Mąątɛ̨nɛ̨ 99:3

Gəlee di ə laa mąąwiɛ kan, a Ə́ laa gɛnɛ̨ɛ̨, Mąąɲɔwuɔ, Mąąhəɠɛɛ.

Mąątɛ̨nɛ̨ 99:9

'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi!

Lɛɛ gbɔwɔ ɓa 15:11

Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Azaya 24:16

Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Izikiɛ 44:4

Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Lonon mo 14:21

Kɛlaa, akɛ kpɔ gáá a vúlú, akɛ nwɔ mąąwiɛ aa lɔi mɛ̨i kəlee laa hvɛɛ,

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;