Azaya 59:9 - Yálá laawoo hɛɓɛ (dc)

⁹ Yili mąą mɛ̨nį ɓa, kiti mąą kwɛa ɓə kuɔ, ɛlɛɛ təlinmolaa hva həli kuɔ. Ku ɲɛ̨i ə kɛ kɛɛ pɔ̨nɔ̨ tɔwɔ, kɛlaa kpinį ɓə pa, ku ɲɛ̨i ə kɛ hvóló tɔwɔ, kɛlaa, kpinį ɓə ku kaa hiɛi ɉu.

Yálá laawoo hɛɓɛ

⁹ Yili mąą mɛ̨nį ɓa, kiti mąą kwɛa ɓə kuɔ, ɛlɛɛ təlinmolaa hva həli kuɔ. Ku ɲɛ̨i ə kɛ kɛɛ pɔ̨nɔ̨ tɔwɔ, kɛlaa kpinį ɓə pa, ku ɲɛ̨i ə kɛ hvóló tɔwɔ, kɛlaa, kpinį ɓə ku kaa hiɛi ɉu.

Bible

⁹ Ǹûai dí m̀o dîyɛɛi, “Kwaâ m̀ɛnii kɔ́lɔŋ Ɣâla fé kúŋuŋ-mâ ƃôi la kúkpɔara-ƃelai yêei. Kwa kɛ̀ kwaa ponoɔɔ kɔ̂rii a gɛ́ɛ kú sia zu, kɛ́lɛ kpíni nɔ́ ƃé a kɛ̂ a doɔ́ɔ kûa,

Azaya 59:9 ပူးပေါင်းရင်းမြစ်များ

Zôo 19:8

Aa nwɔ́ pələi too, ə gɛ və́ pa tɛɛ. Aa kpinį pɛlɛ dɛɛ pələ kəlee hu.

Zôo 30:26

Ɓɛlɔwai, ŋį́ kɛi nwun na nɛ̨ɛ̨ mąą kpɔn na, mɛ̨nį nwąnąą ɓə ŋį́ ɉɔlɔɓo, ŋį́ kɛi kɛɛ pɔ̨nɔ̨ mąą kpɔn, kɛlaa kpinį ɓə pa.

Mąątɛ̨nɛ̨ 82:5

Kɛlaa, di hvo mɛ̨nį ta kɔ́lɔn, mɛ̨nį kpaɠala hvo diɛ, di kaa kpinį hu, lɔi kɔwɔ hvilɛn ɉɛn kəlee daa kɛ yɛɠɛ yɛɠɛ a di laa pɔɔ.

Hanwon 4:19

Nwąnąlɔ nuą di wɔ pələi hu kpinįɛ, hɛn a di too, di hva gaa.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Azaya 59:11

Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Azaya 59:14

Yili mąą mɛ̨nį ɓa, daa giti tee mɛ̨nį pili pulu, ɛlɛɛ, tələnmolaa aa mąą tɛ pulu, aa tɔɔ. Mąąhɔlɔɓo, tɛ̨ą aa kalin gwəli hɛ̨ąi, ɛlɛɛ, nui kpɔ yɛ ə haŋąn hva pɛli dɔɔi hɔlɔɓoi laa.

Azaya 59:8

Di hvo liilaa pələ kɔ́lɔn, təlinmolaa hvo di kpaalə hu, pələ kpəlaanŋąąɠaa ɓə da hiɛ ɉu, nui lɔpee a hvilɛn ɉu, hva liilaa hɔlɔɓo.

Azaya 8:21

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;

Azaya 8:22

Ɛlɛɛ, di di ɲɛ̨i hee lɔi ɓa pələ, kwəi pili, mɔ̨nɔ̨ da kpinį lɔ ɓə di kaa pai kɛi gaai, kpinį huwui a nu lii kulɔ mą kpinįi da nu pili ɉu.

Ɉeremi 13:16

Gɛɛ hvitili hvo pu, kpinį hvo pɛlɛ kaa, kaa ka kɔ́wɔ tuwɔ ɲeeɠaa ɓa; kaa kɛɛpono mąą kpɔn, Kɛlaa mąą yɛ pənə a tɛɛhilɛ kpinį, a tulɔ kpinį hu tɛɠiɛ, 'ka Yai-Laa ka wɔ Yálái mąąwiɛ.

Ɉeremi 14:19

Yai-Laa, akɛti, yáá mɔ̨ɔ̨ lənə Ɉuda ɓa? Siɔn wɛli hvo mɔ̨ɔ̨ kɛa yɛ́? Ə́ kaa ku mąą nwąnąąi ɉalə hvo mą! Lə mɛ̨nį ɓa? Ku kɛi kɔ́lɔi pɔ̨nɔ̨ mąą kpɔn, ya ka ku hvo nɛlɛɛ kaa li! Ku ɲɛ̨i ə kɛ ku kulɔ ɉu hvóló tɔwɔ, ya ka ku mąą ɲɔw hɛn mə pa.

Ɉeremi 8:15

Ə kɛ ku kwəi, mɛ̨nį kəlee mąą kaa pai hvalin ɉii a nɛlɛɛ, ya ka ku hvo nɛlɛɛ kaa li. Ku ɲɛ̨i ə ɓo kɔ́lɔi pɔ̨nɔ̨ tɔwɔ, ya ka kpalo aa pa.

Woolaa 3:2

Ɲą́ą́ ka tii gaa bili ɲee ɲɛ̨i tɔwɔ, gɛ́ hiɛ kpįnįi, və́ kɛɛ pono kaai.

Woolaa 4:14

Di kɛi hiɛ yɛ ɲɛ̨ipu nuą, gwəliɠaa lɔwai, ɲąmą a di ɲɛ̨i kɛ hɔwɔ-hɔwɔ. Nu hva pɛli kɛ lɛɠɛi di mąą həɠə ɓa.

Amɔsə 8:9

Yai-Laa yɛ diɛ: Volói tii a həli, kpinį a pɛlɛ a hvóló ŋą ɉə-ɉə, kɛɛ ə tɛɠi lɔi mɛ̨i nąą kəlee.

Mise 1:12

Ɲɔ̨n Marotə nɛ̨ɛ̨nu kaa gɛi, nwalawalaai mą, a neelee, mɛ̨nį ɲąąnwąnąą aa həɠə Yai-Laa pɔɔli, aa yɛɛ Ɉerusalɛmə gbon ma.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.