Azaya 59:2 - Yálá laawoo hɛɓɛ (dc)

² Ka wɔ nɛ̨ŋɛ̨nŋaai ɓə, daa ka lɔwai laa, ka ka wɔ Yálá li; ka wɔ túwɔ́ pələɲɔ̨nŋaa ɓə, ɲɛ̨́i looii kaa kpɔ kwɛala, hva pɛli kɛa ka woo mɛ̨n ɉii.

Yálá laawoo hɛɓɛ

² Ka wɔ nɛ̨ŋɛ̨nŋaai ɓə, daa ka lɔwai laa, ka ka wɔ Yálá li; ka wɔ túwɔ́ pələɲɔ̨nŋaa ɓə, ɲɛ̨́i looii kaa kpɔ kwɛala, hva pɛli kɛa ka woo mɛ̨n ɉii.

Bible

² Kɛ́lɛ kásɔnyɔ̂ŋ ƃa gɛ́ ka Káɣâlai ni kámaa a kôya gîe ma. Kásɔnyɔ̂ŋ a gɛ́ a ŋ̀ɛ́i lóo kâa, kà kɛ̀ vɛlîi, va káwoo su tòo.

Azaya 59:2 ပူးပေါင်းရင်းမြစ်များ

Hanwon 15:29

Yai-Laa a mąą kwɛa nwąnąlɔ nuą diɛ, Kɛlaa, a nwəli tɔɔ tələnmo nuą di wɔ hvɛli ɓo woo ɓa.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Azaya 58:4

Ka kɛ hín nɔi hvaa da mɛ̨nį ɓo di ŋą, kaa kɛlɛ kɛ ɓo kɛ a wəa, ka hva hín nɔ yɛ bələi mąąnɛ̨ɛ̨ la hvóló tɔ̨nɔ̨ yeemu, a yələi ka káá bɔ di ka woo mɛ̨n na yələkɔlɔn ɉu.

Ɉeremi 5:25

Mɛ̨nįɠaa tii ŋį́ di hee kpəlin na kɛ, ka wɔ túwɔ́ hɔnŋaa daa kpəɲan mɛ̨inɛ̨ɛ̨ɠaa tii tɔwɔ, ka kɛ nɛ̨ŋɛ̨nŋaa da kpəɲan ka wɔ mɛ̨nįɠaa lɛlɛɛɠaa tɔwɔ.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Zasua 7:11

Israɛlə aa nɛ̨ŋɛ̨n gɛ. Mįnɛ̨i ŋɛ̨i kwa di nąnni ku ɉəɠə, daa mąą kala a tɛ̨ą, yai wɔlɔ ŋį́ mą́ą́ pamą la, diɛ. Hɛn ŋį́ tɔ́n dɔɔ mą, daa da həɠə, yai kɛ a nwɔ́ɔ́, daa da nwuɔ̨, daa now, daa nɔ di yəi hɛnŋąą lɔwai.

Samuɛlə dɔlɔɔ 4:3

Nuą di pənə də li di pulu, Israɛlə kalanɉonŋaa diɛ kɛ diɛ: «Lə ɓə kɛ yaai, Yai-Laa ə ku lɛɛ laa, Filisti nuą yee yɛ tɛɛ kuɔ? Ka gwə li gu Yai-Laa nwɔ mįnɛ̨ kəhii həɠə Silo, ə kɛ gu lɔwai, a kɛ tii, a gu kulɔ gu yowowɠaa yəi.»