Azaya 59:16 - Yálá laawoo hɛɓɛ (dc)

¹⁶ Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Yálá laawoo hɛɓɛ

¹⁶ Ə gaa, yɛ nu hvo laa, gwəi ə pili mą, mąąhɔlɔɓo, nu ta hvo kɛli da ɓo, ɲee kɔ́nwɔ̨n mə ɉəli ɓalo ɓo ɓa, ɛlɛɛ, nwɔ tələnmolaa ə kɛ a dɔɔ bulu mun.

Bible

¹⁶ Gulâai a ǹyaa a gɛ́ɛ núu da fé naa é kpɔŋ mâa tɛɛ ǹûai da dí lúanîi da pɔ́. M̀ɛni ma, a pâi díkpɔara-ƃelai yée mɛi ɣâlei, é ŋɔnûai ŋuŋ-ma ƃó a gbîŋ wàla-wala-laa.

Azaya 59:16 ပူးပေါင်းရင်းမြစ်များ

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 94:16

Gbɛɛ ɓə pai mą́ą́ mɛ̨nį ɓoi nwea nuąi ŋɛ̨i lííla, gbɛɛ ɓə pai tɔɔi búlu, kuɔ kɔ́ pɛlɛ vulu nuąi ŋɛ̨i diɛ?

Mąątɛ̨nɛ̨ 98:1

Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

Azaya 33:2

Yai-Laa! 'Ku ɲɛ̨imąąwɛli kaa, yɛ́ ɓə ku kilitɔɔ yɛ́; ku hvaŋą lɔ a yələɓɔ pələ tɛi tɛi kəlee; yɛ́ ku nwun mąąɓo mɛ̨nį kpɔluɔ hu.

Azaya 33:3

Yələ gbąnąą a gɛ, nuą da kɛ pui, yá ə́ muhəɠə, lɔiɠaa da taɠa,

Azaya 40:10

Ną́mu Yái-Laa ka! Gaa pai a hvaŋą, yeetɛɛmąą laa kaa ɲəi, nwɔ hvɛla kulɔ kɛ hɛn kaa ɲəi, nwɔ ɲąąkɛlɛ hɛn ə ɓo ɲəi.

Azaya 41:28

Ŋą́ ɲɛ̨́i laa, və́ nui lɔpee ta kaa li, nui kpɔ nu ə nwun dɔɔ la, hvo kɛ di lɔwai, ŋį́li kɛ nwún dɔɔ a diɛ, diɛ nwóó pulu pənə.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Azaya 62:8

Yai-Laa aa gwɛla, ə gwɛla a mamįiyee da ɲee kɔ̨nwɔ̨n ɉu hvąŋą kɛnɛ̨i laa, yɛ kɛ: Vá kɛa ə́ wɔ ɓai kɛ, a ə́ yowoɠaa kɔ̨nɔ̨n, nwɛą nu huwu hva kɛa ə́ wɔ lɔɔi kpələ, a nɔɔi tii ə́ hviikpɛɛ həɠə bulu.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Izikiɛ 22:30

Ŋą́ ɲɛ̨́i laa a nu di lɔwai, yii a pɛli bɛlɛ́ nwąną muhəɠəi; yɛ tɔɔ nííla nwolo kɛɛnąą nɔi ɓalo mɛ̨nį ɓa, və́ pa lee ɉukala; kɛlaa, və́ mąą nu kaa li.

Markə 6:6

Nazarɛtə nuą di wɔ wəli walawala laa ə gwəi pili mą. Yili pulu, Jesus ə li di kwɛlɛ taaɠaa hu yɛ kalan gɛ.