Azaya 59:1 - Yálá laawoo hɛɓɛ (dc)

¹ A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Yálá laawoo hɛɓɛ

¹ A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Bible

¹ Ka gɔ́lɔŋ a gɛ́ɛ sɛŋ da fé naa nyíi a Yâwɛɛ perêi kpàaŋ núu da ŋuŋ ma ƃó mɛni ma, kpaa máŋ ŋ̀óli tíniŋɔɔ, va ká fɛli-wôoi mɛ̂ni.

Azaya 59:1 ပူးပေါင်းရင်းမြစ်များ

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Mąątɛ̨nɛ̨ 94:9

Yálái tii wəli kɛ nu ɓa, hva mɔ̨ɔ̨ pɛli mɛ̨nį mɛ̨n ɉii? Yai ɲɛ̨i kɔ́w pɛli, hva pɛli mɔ̨ɔ̨ kɛɛ mąą kpɛɛi?

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Azaya 63:1

Gbɛɛ ɓə tii kulɔi Edɔmə pələ, yɛ həɠə Bɔsra pələ, yɛ pai? Hɛn gbɔlu pɔɔ ə ɓo mąą həɠə hui? Ganąnŋąą nwɔ həɠəi hu, ɉaŋąą dədən, vaŋą kɛnɛ̨ pələ ɓai? Ɲą́ą́ li, ɲą́ą́i ŋą́ hvaa a tələnmolaa, gɛ́ vą́ŋą́ lɛ nu ɓalo mɛ̨nį ɓa.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Mise 2:7

Yɛ́i a Ɉakɔbə nwɔ pɛ́lɛ́i, akɛtii ə́ nɛ̨ŋɛ̨n naa ɓə tii mɔ̨ɔ̨i? Yai-Laa nwɔ liilaai hvii aa mɔ̨ɔ̨ kpɛɛ? Nwɔ mɛ̨nį kɛ pələ li mɔ̨ɔ̨ a bɔlɔ? Nui a hiɛ a ɉaŋąą, wɛlikɛmąą woo hvo mɔ̨ɔ̨ a kɛ moi mą?

Lonon mo 11:23

Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Maafîu 13:15

Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Samuɛlə dɔlɔɔ 4:3

Nuą di pənə də li di pulu, Israɛlə kalanɉonŋaa diɛ kɛ diɛ: «Lə ɓə kɛ yaai, Yai-Laa ə ku lɛɛ laa, Filisti nuą yee yɛ tɛɛ kuɔ? Ka gwə li gu Yai-Laa nwɔ mįnɛ̨ kəhii həɠə Silo, ə kɛ gu lɔwai, a kɛ tii, a gu kulɔ gu yowowɠaa yəi.»

Samuɛlə dɔlɔɔ 8:18

Volói tii, ka káá pai kɛi wɔlɔi, dɔɔmun ŋɛ̨i ka ɉəɠə ɉu kaa kpįnįi ɲəi. Kɛlaa, Yai-Laa hva ka woo mu hon a mąą yələi tii.»