Azaya 58:8 - Yálá laawoo hɛɓɛ (dc)

⁸ Ya gɛ tii, ə́ wɔ kɛɛ pɔ̨nɔ̨i a ɓɛla yɛ yələ ɓɔɔ nįnɛ̨, ɛlɛɛ, yɛ́ pu ə́ nįnɛ̨ kɔ́lɔi a mąą hulaa, ə́ wɔ tələnmolaa kaa pai kɛ hiɛi ə́ ɲɛ̨i tɔwɔ, Yai-Laa nwɔ mąąwiɛ yɛ ə́ mąą kpɛ ə́ pulu pələ.

Yálá laawoo hɛɓɛ

⁸ Ya gɛ tii, ə́ wɔ kɛɛ pɔ̨nɔ̨i a ɓɛla yɛ yələ ɓɔɔ nįnɛ̨, ɛlɛɛ, yɛ́ pu ə́ nįnɛ̨ kɔ́lɔi a mąą hulaa, ə́ wɔ tələnmolaa kaa pai kɛ hiɛi ə́ ɲɛ̨i tɔwɔ, Yai-Laa nwɔ mąąwiɛ yɛ ə́ mąą kpɛ ə́ pulu pələ.

Bible

⁸ “Kà gɛ̀ tí, gɛ̀ ní, ŋákwaa ponoɔɔi a pâi kámaa ponôi, kásɛŋ sôli-maa-ŋai ŋáa é yéŋ. Ŋa pâi kɛ̂i kákɔlɛ a ɣele kélee a gɛ́ɛ ŋá káŋuŋ ma ƃó. Ŋà kɛ̀ kákɔlɛ, kpéŋ fé pâi ɣâlei ká tà ma.

Azaya 58:8 ပူးပေါင်းရင်းမြစ်များ

Zôo 11:17

Ə́ wɔ yɛnɛ̨ɛ̨ kaa pai kɛi yɛ hvóló tɔɔ nwun ma. Ə́ wɔ kpinį ə ɓo yɛ yələ ɓoɔ nįnɛ̨.

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.

Mąątɛ̨nɛ̨ 37:6

Gaa pai ə́ wɔ tɛ̨ą mɛ̨nį tooi pɔ̨nɔ̨ ŋą, yɛ yələ ɓɔi, ə́ wɔ tələnmolaa a lɛ a hvóló ɲą ɉe-ɉe.

Mąątɛ̨nɛ̨ 85:13

Yai-Laa yaa kpinįi ɓə nwun nąnɛ̨ɛ̨ tɛɛi, ɛlɛɛ, ku wɔ lɔi yɛ ɉihɛnŋaa lɛlɛ.

Mąątɛ̨nɛ̨ 97:11

Kɛɛ pono aa lən, a Tələnmolon nwɔɔ, ɛlɛɛ, kwəinɛ̨ɛ̨ li, kwəi kwələ nuą diɛ.

Lɛɛ gbɔwɔ ɓa 14:19

Yálá nwɔ malakai kɛ vilɛn ŋąą Israɛlə lonnii ɲɛ̨i tɔwɔ, ə tɛɛ di pulu pələ, ə mą kɛ dulɔ kpinįn tii kɛ di tɔwɔ yaa kpɛli.

Hanwon 11:17

Nɛ̨ɛ̨nui yii aa ɉilɛ dɔlɔɔ lɛɛ, mįnɛ̨i ŋɛ̨i ə ɉəɠə Yálá ɲɛ̨i ɓa, aa lɛ̨ą ma, hva too nwɔ hɛlɛn ŋą.

Hanwon 11:25

Nui ɲee kaa mą hvɛa-hvɛa mɛ̨inɛ̨ɛ̨ kɛi, ya ɓə ɲee laa a hvoloon. Nui a kpələ wɛli kulɔ nu ɓa, kpələ wɛli hva baa.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Azaya 26:2

Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Azaya 60:1

Ɉerusalɛmə, 'haŋąn ə tɔɔ, 'kɛ a kɛɛ pɔ̨nɔ̨, mąąhɔlɔɓo, ə́ wɔ kɛɛ pɔ̨nɔ̨i kaa pai, Yai-Laa nwɔ mąąwiɛ aa muhəɠə, yɛ pa ə́ mɛ̨i.

Azaya 60:2

Ɓɛ kaa li, kpinį aa pɛlɛ lɔi mɛ̨i, nąnąąn aa taaɠaa mɛ̨i kpinį. Kɛlaa, ə́ wɛi, Yai-Laa kaa pai pai ə́ pɔ, diɛ nwɔ mąąwiɛ kaa ə́ mɛ̨i.

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Maafîu 13:15

Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Gɛlaɠaa 10:35

Nui lɔpee a ɲɔw mą, yɛ tələnmo yíiɓo a ɲɛ̨i lɛlɛɛ hee mą.

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.