Azaya 58:7 - Yálá laawoo hɛɓɛ (dc)

⁷ 'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Yálá laawoo hɛɓɛ

⁷ 'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Bible

⁷ M̀ii-sãai káyêei, ka da-ŋa tɛɛ diai pɔ́ puru a dípaâi, ká kwaa ma-ŋa tɛɛ diai pɔ́ díkɛ̂i fé mai. Ka káseɣe-ŋai da-ŋa tɛɛ diai pɔ́ dímaa sêɣe fé m̀ai. Káakaayɔɔ-ŋai da kɛ̀ kpáaŋ su, káfe kápôlu fè dîɛ.

Azaya 58:7 ပူးပေါင်းရင်းမြစ်များ

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Zɛnɛse 19:2

Yɛ diɛ: «Nwɔ́ mɛ̨nį nąmįną, gáá nɛ̨ɛ̨mąą hvəi kaa, gɛ́ ka hvaa mą, ka gwə li ɲə́i bɛlɛ́ laaləi, ka ka kɔ́wɔ mąą waa, ka yii laa. Tínąą yələ wala, kaa kɛa li ɓɛi ka káá lii laa.» Nuąi tii diɛ mą: «Kpaa! Ku kaa lii yii gwəli hąąi kɛnɛ̨ ɓa.»

Kɔlɔnikɔ Veerɛi 28:15

Yili pulu, di nuą kulɔ a di laa, di gɔluwɔɠaa liilaa, ɉɛnŋąą tii di ɉon gɔ́ hu, di da həɠə ɉu, nuąi həɠə hvo kɛ diɛ, gɛ yiliɠaa diɛ, di həɠə tɛɛ di pɔ da kɔ́lɔɠaa, kɔ̨nɔ̨nŋąą, lɔɔ da mąątí wulɔɠaa diɛ. Yili pulu, yiiɠaai di kɔ́wɔ hvo kɛ di yəi, di di hee hoohvaalənŋąą mɛ̨i, di li a diɛ kpɔ Ɉeriko dow kpulu mu taa hu, di kaayɔwɔɠaa pɔ lɔi; yili pulu, di pənə di pa Samari.

Nehemi 5:5

Kɛlaa yaan, kwa ku kaayɔwɔɠaa ku kɔ́lɔ ə ɓo lɔ tɔ̨nɔ̨, ku lonnii da di lonnii di kɔ́lɔ ə ɓo tɔ̨nɔ̨. Bələi mąn gaa la tii, mąąnɛ̨ɛ̨ ku ku lon ɉinąą da ku lon nɛ̨ąą taɠaa tɛɛ luwɔlaa hu. Ku lon nɛ̨ąą taɠaa kaa mun kɛa luwɔlaa hu. Ku hva pɛli mɛ̨nįi lɔpee ta kɛi, ku wɔ tíiɠaai da ku wɔ viɲə yɛɛɠaai kaa kɛa nu takpɛliɠaa yəi.»

Zôo 22:7

Hvo kpɛli kɛi kpələ wɛli kulɔ nu ɓa, yɛ́ lənə kɔ̨nɔ̨n dɛɛi pulumun bɔ.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Hanwon 11:17

Nɛ̨ɛ̨nui yii aa ɉilɛ dɔlɔɔ lɛɛ, mįnɛ̨i ŋɛ̨i ə ɉəɠə Yálá ɲɛ̨i ɓa, aa lɛ̨ą ma, hva too nwɔ hɛlɛn ŋą.

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Hanwon 24:11

Nui nwun na pili pələ mɛ̨i, gɛ pələ kwɛli mą, ə́ nwun mąąɓo. Nuąi daa di hon, diɛ li di paai, diɛ tɔɔ yai-yai, kpɔmąą tɛɛ di pɔ, ə́ di kulɔ ɉu.

Hanwon 25:21

Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá laɠi tɛɛ bɔ.

Hanwon 28:27

Nui a mąąwɛlimun gɔ́, hɛn da mąąkanąn va hee mą. Nui hvo bɔ hvo ɲɛ̨i lɛlɛɛ hee mąąwɛli nuą diɛ, nɛ̨ŋɛ̨n naa kaa mą.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Izikiɛ 18:16

hva ɲee pənə nu ta hu, hva kanąn tolaa hɛn ma; hva nwuɔ̨ kɛ, yɛ gɔ̨nɔ̨n dɛɛ nui pulu kaa mą bɔ; Yɛ həɠə tɛɛ nui gaa a gbuwulu bɔ,

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Lukə 3:11

Ə di woo pulu pənə yɛ diɛ: «Nui həɠə hveelɛ kaa ɲei, ə dɔ̨nɔ̨ tɛɛ nui da hvo ɲei bɔ; nui kɔ̨nɔ̨n gaa ɲei, ə mɛlaa kɔ́.»

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Gɛlaɠaa 16:34

Ə Polə da Silasə ni həɠə, ə li a diɛ ɲəi bɛlɛ́n, ə kɔ̨nɔ̨n dɛɛ di pɔ. Da ɲəi bɛlɛ́n nuą di kɛ kwəinɛ̨ɛ̨ hu, mąąhɔlɔɓo, daa di yee hee Yálá mąą mɛ̨nį mu.

Lomaŋ 12:13

Ká kaayɔwɔɠaai kanąn gaa diɛ, ka di mąą kpɔnmąą ɓo; ka ka yee hee nwɛ̨ą mu a kwəinɛ̨ɛ̨.

Dutɛrɔnome 22:1

Akɛ yá ə́ ɓɛlan gaalon da nwɔ nįŋɛ̨, a wala kɛ tii, nwɔ ɓɛlaa kaa, yɛ li nwun ma, hvó tɛɛ mą. Ɉon, ə́ pənə ə́ li la nąmu pɔ.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Filemɔn 1:7

Gááyɔwɔ, ə́ wɔ wɛlikɛmąąlaa aa gwə́inɛ̨ɛ̨ kpɔ kɛnɛ̨, aa váŋąlɔ. Mąąhɔlɔɓo, ə́ yee hee mɛ̨nį nu mąąhəɠɛɛɠaa, a di liilaa yɛ di hvaŋąlɔ.

Nwun mąąɓo 9:2

«Ka li ka mo Sisɛmə kalanɉonŋąą diɛ, kaa diɛ: Mɛ̨ni hveelɛi ŋɛ̨i, nɛlɛ ɓə viɛlaɓoɔ: Ka káá bɔ Yerubbalə lon ɉinąą pow mɛ̨ihveelɛi di tɔɔlaa kɛ ka mɛ̨i; a wala kɛ tii nu tɔ̨nɔ̨? Ka kili kaa ɉu kaa: ɲą́ą́ nwɛ́i ka ɲąmą ɓaa a ɲą́ą́, gáá a ka ta.»